| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. સત્તવસ્સાનુબન્ધસુત્તવણ્ણના
4. Sattavassānubandhasuttavaṇṇanā
૧૬૦. યસ્મા કપિલવત્થુતો નિક્ખન્તકાલતો પટ્ઠાય મારો ઓતારાપેક્ખો લોકનાથં અનુબન્ધિતું આરદ્ધો, તસ્મા વુત્તં ‘‘પુરે બોધિયા છબ્બસ્સાની’’તિ. અતિગહેત્વાતિ અનુગન્ત્વા તસ્સ યથારુચિ પટિપત્તિં અનુવત્તો વિય હુત્વા.
160. Yasmā kapilavatthuto nikkhantakālato paṭṭhāya māro otārāpekkho lokanāthaṃ anubandhituṃ āraddho, tasmā vuttaṃ ‘‘pure bodhiyā chabbassānī’’ti. Atigahetvāti anugantvā tassa yathāruci paṭipattiṃ anuvatto viya hutvā.
અવજ્ઝાયન્તોતિ પજ્ઝાયન્તો. જિતો વિત્તપરાજિતો અસિ નુ. પમાણાતિક્કન્તન્તિ ગરુતરં.
Avajjhāyantoti pajjhāyanto. Jito vittaparājito asi nu. Pamāṇātikkantanti garutaraṃ.
ખનિત્વા ઉમ્મૂલેત્વા. કામાસવાદીનિ પજહન્તો અનાસવો.
Khanitvā ummūletvā. Kāmāsavādīni pajahanto anāsavo.
પેહીતિ અપેહિ. પારગામિનોતિ પારઙ્ગમનસીલા. તેકાલિકો અયં ગામિ-સદ્દોતિ આહ ‘‘યેપી’’તિઆદિ.
Pehīti apehi. Pāragāminoti pāraṅgamanasīlā. Tekāliko ayaṃ gāmi-saddoti āha ‘‘yepī’’tiādi.
મારવિસૂકાનીતિ મારકણ્ટકાનિ કણ્ટકસદિસાનિ મારસ્સ દુરાચારાનિ. વિરુદ્ધસેવિતાનિ વિરોધવસેન તાસંયેવ વેવચનાનિ. તાનિ સરૂપતો દસ્સેતું ‘‘અપ્પમાયૂ’’તિઆદિ વુત્તં. નિબ્બેજનીયાતિ નિબ્બેદદાયિકા. ઉક્કણ્ઠનીયાતિ ઉક્કણ્ઠવહા.
Māravisūkānīti mārakaṇṭakāni kaṇṭakasadisāni mārassa durācārāni. Viruddhasevitāni virodhavasena tāsaṃyeva vevacanāni. Tāni sarūpato dassetuṃ ‘‘appamāyū’’tiādi vuttaṃ. Nibbejanīyāti nibbedadāyikā. Ukkaṇṭhanīyāti ukkaṇṭhavahā.
વિકપ્પવસેન વેદિતબ્બો ઓપમ્મપરિકપ્પવિસયત્તા તસ્સ કિરિયાપદસ્સ. તેનાહ ‘‘અનુપરિગચ્છેય્યા’’તિ. એત્થાતિ એતસ્મિં મેદવણ્ણવત્થુસ્મિં. મુદુન્તિ મુદુમધુરસં વિન્દેય્યામ પટિલભેય્યામ. અસ્સાદોતિ અસ્સાદેતબ્બો.
Vikappavasenaveditabbo opammaparikappavisayattā tassa kiriyāpadassa. Tenāha ‘‘anuparigaccheyyā’’ti. Etthāti etasmiṃ medavaṇṇavatthusmiṃ. Mudunti mudumadhurasaṃ vindeyyāma paṭilabheyyāma. Assādoti assādetabbo.
સત્તવસ્સાનુબન્ધસુત્તવણ્ણના નિટ્ઠિતા.
Sattavassānubandhasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. સત્તવસ્સાનુબન્ધસુત્તં • 4. Sattavassānubandhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. સત્તવસ્સાનુબન્ધસુત્તવણ્ણના • 4. Sattavassānubandhasuttavaṇṇanā
