| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. અન્તરપેય્યાલં
9. Antarapeyyālaṃ
૧. સત્થુસુત્તાદિવણ્ણના
1. Satthusuttādivaṇṇanā
૭૩. ઇતો પરં ‘‘સત્થા પરિયેસિતબ્બો’’તિઆદિનયપ્પવત્તા દ્વાદસ અન્તરપેય્યાલવગ્ગા નામ હોન્તિ. તે સબ્બેપિ તથા તથા બુજ્ઝનકાનં વેનેય્યપુગ્ગલાનં અજ્ઝાસયવસેન વુત્તા. તત્થ સત્થાતિ બુદ્ધો વા હોતુ સાવકો વા, યં નિસ્સાય મગ્ગઞાણં લભતિ, અયં સત્થા નામ, સો પરિયેસિતબ્બો. સિક્ખા કરણીયાતિ તિવિધાપિ સિક્ખા કાતબ્બા. યોગાદીસુ યોગોતિ પયોગો. છન્દોતિ કત્તુકમ્યતાકુસલચ્છન્દો. ઉસ્સોળ્હીતિ સબ્બસહં અધિમત્તવીરિયં. અપ્પટિવાનીતિ અનિવત્તના. આતપ્પન્તિ કિલેસતાપનવીરિયમેવ. સાતચ્ચન્તિ સતતકિરિયં. સતીતિ જરામરણાદિવસેન ચતુસચ્ચપરિગ્ગાહિકા સતિ. સમ્પજઞ્ઞન્તિ તાદિસમેવ ઞાણં. અપ્પમાદોતિ સચ્ચભાવનાય અપ્પમાદો. સેસં સબ્બત્થ ઉત્તાનમેવાતિ.
73. Ito paraṃ ‘‘satthā pariyesitabbo’’tiādinayappavattā dvādasa antarapeyyālavaggā nāma honti. Te sabbepi tathā tathā bujjhanakānaṃ veneyyapuggalānaṃ ajjhāsayavasena vuttā. Tattha satthāti buddho vā hotu sāvako vā, yaṃ nissāya maggañāṇaṃ labhati, ayaṃ satthā nāma, so pariyesitabbo. Sikkhā karaṇīyāti tividhāpi sikkhā kātabbā. Yogādīsu yogoti payogo. Chandoti kattukamyatākusalacchando. Ussoḷhīti sabbasahaṃ adhimattavīriyaṃ. Appaṭivānīti anivattanā. Ātappanti kilesatāpanavīriyameva. Sātaccanti satatakiriyaṃ. Satīti jarāmaraṇādivasena catusaccapariggāhikā sati. Sampajaññanti tādisameva ñāṇaṃ. Appamādoti saccabhāvanāya appamādo. Sesaṃ sabbattha uttānamevāti.
અન્તરપેય્યાલો નવમો.
Antarapeyyālo navamo.
નિદાનસંયુત્તવણ્ણના નિટ્ઠિતા.
Nidānasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. સત્થુસુત્તં • 1. Satthusuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. સત્થુસુત્તાદિવણ્ણના • 1. Satthusuttādivaṇṇanā
