| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஸத்திவக்³கோ³
3. Sattivaggo
1.ஸத்திஸுத்தவண்ணனா
1.Sattisuttavaṇṇanā
21. தே³ஸனாஸீஸந்தி தே³ஸனாபதே³ஸலக்க²ணவசனந்தி அதி⁴ப்பாயோ. ஓமட்டோ²தி அதோ⁴முக²ங் கத்வா தி³ன்னப்பஹாரோ. இமினா ஏவ பஸங்கே³ன பஹாரே விபா⁴க³தோ த³ஸ்ஸேதுங் ‘‘சத்தாரோ ஹீ’’திஆதி³ வுத்தங் . உபரி ட²த்வாதி ஹத்தி²ஆதீ³னங் உபரி ட²த்வா. அதோ⁴முக²ங் தி³ன்னப்பஹாரோதி க²க்³க³கரவாலாதீ³னங் அதோ⁴முக²ங் கத்வா பஹதபஹாரோ. உம்மட்டோ² வுத்தவிபரியாயேன வேதி³தப்³போ³. விவித⁴ப்பஹாரோ விமட்டோ². ‘‘ஓமட்டோ² க³ஹிதோ’’தி வத்வா தஸ்ஸேவ க³ஹணே காரணங் த³ஸ்ஸேதுங் ‘‘ஸோ ஹீ’’திஆதி³ வுத்தங். து³க்³க³ந்த⁴கிமிஆதீ³னங் வஸேன அந்தோதோ³ஸோ. மஞ்சேன ஸத்³தி⁴ங் ப³ந்தி⁴த்வாதி யஸ்மிங் மஞ்சே வணிகபுக்³க³லோ நிபன்னோ, தத்த² தங் ஸுப³ந்த⁴ங் கத்வா பாத³ட்டா²னங் உத்³த⁴ங் கரொந்தேஹி ஸீஸட்டா²னங் அதோ⁴ காதப்³ப³ங். தேனாஹ ‘‘அதோ⁴ஸிரோ காதப்³போ³’’தி. பரிப்³ப³ஜேதி பவத்தெய்ய. ஸா பன பவத்தி பா⁴வனாவிஹாரேன யுத்தாதி ஆஹ ‘‘விஹரெய்யா’’தி.
21.Desanāsīsanti desanāpadesalakkhaṇavacananti adhippāyo. Omaṭṭhoti adhomukhaṃ katvā dinnappahāro. Iminā eva pasaṅgena pahāre vibhāgato dassetuṃ ‘‘cattāro hī’’tiādi vuttaṃ . Upari ṭhatvāti hatthiādīnaṃ upari ṭhatvā. Adhomukhaṃ dinnappahāroti khaggakaravālādīnaṃ adhomukhaṃ katvā pahatapahāro. Ummaṭṭho vuttavipariyāyena veditabbo. Vividhappahāro vimaṭṭho. ‘‘Omaṭṭho gahito’’ti vatvā tasseva gahaṇe kāraṇaṃ dassetuṃ ‘‘so hī’’tiādi vuttaṃ. Duggandhakimiādīnaṃ vasena antodoso. Mañcena saddhiṃ bandhitvāti yasmiṃ mañce vaṇikapuggalo nipanno, tattha taṃ subandhaṃ katvā pādaṭṭhānaṃ uddhaṃ karontehi sīsaṭṭhānaṃ adho kātabbaṃ. Tenāha ‘‘adhosiro kātabbo’’ti. Paribbajeti pavatteyya. Sā pana pavatti bhāvanāvihārena yuttāti āha ‘‘vihareyyā’’ti.
ஸல்லஸ்ஸ உப்³ப³ஹனங் ஸல்லுப்³ப³ஹனங். அத்த²ங் பரித்தகங் க³ஹெத்வா டி²தா உபமாகாரஸ்ஸ விக்க²ம்ப⁴னப்பஹானஸ்ஸ அதி⁴ப்பேதத்தா. தேனாஹ ‘‘புனப்புன’’ந்திஆதி³. அனுப³ந்தோ⁴வ ஹோதி ஸதி பச்சயே உப்பஜ்ஜனாரஹதோ தே³வதாய காமராக³ப்பஹானஸ்ஸ ஜோதிதத்தா. நனு ப⁴க³வதா அனாகா³மிமக்³கே³ன தே³ஸனா நிட்டா²பேதப்³பா³தி? ந, இதரிஸ்ஸா ஞாணப³லானுரூபதே³ஸனாய பவத்தேதப்³ப³தோ. வேனெய்யஜ்ஜா²ஸயானுகுலஞ்ஹி த⁴ம்மங் த⁴ம்மஸ்ஸாமீ தே³ஸேதீதி.
Sallassa ubbahanaṃ sallubbahanaṃ. Atthaṃ parittakaṃ gahetvā ṭhitā upamākārassa vikkhambhanappahānassa adhippetattā. Tenāha ‘‘punappuna’’ntiādi. Anubandhova hoti sati paccaye uppajjanārahato devatāya kāmarāgappahānassa jotitattā. Nanu bhagavatā anāgāmimaggena desanā niṭṭhāpetabbāti? Na, itarissā ñāṇabalānurūpadesanāya pavattetabbato. Veneyyajjhāsayānukulañhi dhammaṃ dhammassāmī desetīti.
ஸத்திஸுத்தவண்ணனா நிட்டி²தா.
Sattisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸத்திஸுத்தங் • 1. Sattisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸத்திஸுத்தவண்ணனா • 1. Sattisuttavaṇṇanā
