| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૩. સત્તિવગ્ગો
3. Sattivaggo
૧.સત્તિસુત્તવણ્ણના
1.Sattisuttavaṇṇanā
૨૧. દેસનાસીસન્તિ દેસનાપદેસલક્ખણવચનન્તિ અધિપ્પાયો. ઓમટ્ઠોતિ અધોમુખં કત્વા દિન્નપ્પહારો. ઇમિના એવ પસઙ્ગેન પહારે વિભાગતો દસ્સેતું ‘‘ચત્તારો હી’’તિઆદિ વુત્તં . ઉપરિ ઠત્વાતિ હત્થિઆદીનં ઉપરિ ઠત્વા. અધોમુખં દિન્નપ્પહારોતિ ખગ્ગકરવાલાદીનં અધોમુખં કત્વા પહતપહારો. ઉમ્મટ્ઠો વુત્તવિપરિયાયેન વેદિતબ્બો. વિવિધપ્પહારો વિમટ્ઠો. ‘‘ઓમટ્ઠો ગહિતો’’તિ વત્વા તસ્સેવ ગહણે કારણં દસ્સેતું ‘‘સો હી’’તિઆદિ વુત્તં. દુગ્ગન્ધકિમિઆદીનં વસેન અન્તોદોસો. મઞ્ચેન સદ્ધિં બન્ધિત્વાતિ યસ્મિં મઞ્ચે વણિકપુગ્ગલો નિપન્નો, તત્થ તં સુબન્ધં કત્વા પાદટ્ઠાનં ઉદ્ધં કરોન્તેહિ સીસટ્ઠાનં અધો કાતબ્બં. તેનાહ ‘‘અધોસિરો કાતબ્બો’’તિ. પરિબ્બજેતિ પવત્તેય્ય. સા પન પવત્તિ ભાવનાવિહારેન યુત્તાતિ આહ ‘‘વિહરેય્યા’’તિ.
21.Desanāsīsanti desanāpadesalakkhaṇavacananti adhippāyo. Omaṭṭhoti adhomukhaṃ katvā dinnappahāro. Iminā eva pasaṅgena pahāre vibhāgato dassetuṃ ‘‘cattāro hī’’tiādi vuttaṃ . Upari ṭhatvāti hatthiādīnaṃ upari ṭhatvā. Adhomukhaṃ dinnappahāroti khaggakaravālādīnaṃ adhomukhaṃ katvā pahatapahāro. Ummaṭṭho vuttavipariyāyena veditabbo. Vividhappahāro vimaṭṭho. ‘‘Omaṭṭho gahito’’ti vatvā tasseva gahaṇe kāraṇaṃ dassetuṃ ‘‘so hī’’tiādi vuttaṃ. Duggandhakimiādīnaṃ vasena antodoso. Mañcena saddhiṃ bandhitvāti yasmiṃ mañce vaṇikapuggalo nipanno, tattha taṃ subandhaṃ katvā pādaṭṭhānaṃ uddhaṃ karontehi sīsaṭṭhānaṃ adho kātabbaṃ. Tenāha ‘‘adhosiro kātabbo’’ti. Paribbajeti pavatteyya. Sā pana pavatti bhāvanāvihārena yuttāti āha ‘‘vihareyyā’’ti.
સલ્લસ્સ ઉબ્બહનં સલ્લુબ્બહનં. અત્થં પરિત્તકં ગહેત્વા ઠિતા ઉપમાકારસ્સ વિક્ખમ્ભનપ્પહાનસ્સ અધિપ્પેતત્તા. તેનાહ ‘‘પુનપ્પુન’’ન્તિઆદિ. અનુબન્ધોવ હોતિ સતિ પચ્ચયે ઉપ્પજ્જનારહતો દેવતાય કામરાગપ્પહાનસ્સ જોતિતત્તા. નનુ ભગવતા અનાગામિમગ્ગેન દેસના નિટ્ઠાપેતબ્બાતિ? ન, ઇતરિસ્સા ઞાણબલાનુરૂપદેસનાય પવત્તેતબ્બતો. વેનેય્યજ્ઝાસયાનુકુલઞ્હિ ધમ્મં ધમ્મસ્સામી દેસેતીતિ.
Sallassa ubbahanaṃ sallubbahanaṃ. Atthaṃ parittakaṃ gahetvā ṭhitā upamākārassa vikkhambhanappahānassa adhippetattā. Tenāha ‘‘punappuna’’ntiādi. Anubandhova hoti sati paccaye uppajjanārahato devatāya kāmarāgappahānassa jotitattā. Nanu bhagavatā anāgāmimaggena desanā niṭṭhāpetabbāti? Na, itarissā ñāṇabalānurūpadesanāya pavattetabbato. Veneyyajjhāsayānukulañhi dhammaṃ dhammassāmī desetīti.
સત્તિસુત્તવણ્ણના નિટ્ઠિતા.
Sattisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. સત્તિસુત્તં • 1. Sattisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧. સત્તિસુત્તવણ્ણના • 1. Sattisuttavaṇṇanā
