| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. ஸேத³கஸுத்தவண்ணனா
9. Sedakasuttavaṇṇanā
385. அயங் தஸ்ஸ லத்³தீ⁴தி அயங் இதா³னி வுச்சமானா தஸ்ஸ ஆசரியஸ்ஸ லத்³தி⁴. ததோ அனாமெந்தோதி யேன வங்ஸோ நமதி, தேன காயங் அனாமெந்தோ. ததா² நமந்தோ ஹி பதித்வா சுண்ணவிசுண்ணங் ஹோதி. தந்தி காயங், தங் வங்ஸங் வா. ஆகட்³டெ⁴ந்தோ வியாதி நமிதட்டா²னதோ பரபா⁴கே³ன ஆகட்³டெ⁴ந்தோ விய. ஏகதோபா⁴கி³யங் கத்வாதி யதா²வுத்தங் ஸதிங் ஸூபட்டி²தங் கத்வா ஓனதங் விய கத்வா. ததா² கரணங் பன ததா² வாதூபத்த²ம்ப⁴கா³ஹாபனேனாதி ஆஹ – ‘‘வாதூபத்த²ம்ப⁴ங் கா³ஹாபெத்வா’’தி. தஞ்ச ஸதியா தத³த்த²ங் உபட்டா²னேனாதி வுத்தங் ‘‘ஸதிங் ஸூபட்டி²தங் கத்வா’’தி. நிச்சலோவ நிஸீத³ந்தோ அந்தேவாஸீ ஆசரியங் ரக்க²தி, எத்தகங் ஆசரியஸ்ஸ லத்³தி⁴வஸேன வுத்தங். ‘‘ஆசரியோ வங்ஸங் ஸுக்³க³ஹிதங் க³ண்ஹந்தோ’’திஆதி³ ஸப்³ப³ங் ஹெட்டா² வுத்தனயமேவ.
385.Ayaṃ tassa laddhīti ayaṃ idāni vuccamānā tassa ācariyassa laddhi. Tato anāmentoti yena vaṃso namati, tena kāyaṃ anāmento. Tathā namanto hi patitvā cuṇṇavicuṇṇaṃ hoti. Tanti kāyaṃ, taṃ vaṃsaṃ vā. Ākaḍḍhento viyāti namitaṭṭhānato parabhāgena ākaḍḍhento viya. Ekatobhāgiyaṃ katvāti yathāvuttaṃ satiṃ sūpaṭṭhitaṃ katvā onataṃ viya katvā. Tathā karaṇaṃ pana tathā vātūpatthambhagāhāpanenāti āha – ‘‘vātūpatthambhaṃ gāhāpetvā’’ti. Tañca satiyā tadatthaṃ upaṭṭhānenāti vuttaṃ ‘‘satiṃ sūpaṭṭhitaṃ katvā’’ti. Niccalova nisīdanto antevāsī ācariyaṃ rakkhati, ettakaṃ ācariyassa laddhivasena vuttaṃ. ‘‘Ācariyo vaṃsaṃ suggahitaṃ gaṇhanto’’tiādi sabbaṃ heṭṭhā vuttanayameva.
‘‘அத்தானமேவ ரக்க²தீ’’தி இத³ங் அத்தனோ ரக்க²ணங் பதா⁴னங் கத்வா வுத்தங், ந அந்தேவாஸிகந்தி அவதா⁴ரணப²லங். அத்தரக்கா²ய பனெத்த² ஸிஜ்ஜ²மானாய அந்தேவாஸிகரக்கா²பி ஸித்³தா⁴ ஏவ ஹோதீதி. து³தியபக்கே²பி ஏஸேவ நயோ. ஸோ தத்த² ஞாயோதி யா அத்தனோ ஏவ ரக்கா², ஸா அத்த²தோ பரரக்கா²பி ஹோதீதி அயமெத்த² ஞாயோ யுத்தப்பயோகோ³. அனுவட்³டி⁴யாதி யதா²வட்³டி⁴தஸ்ஸ அனுஅனுவட்³டி⁴யா. ஏதேன படிலத்³த⁴ஸம்பயுத்தபமோத³னாகாரோ த³ஸ்ஸிதோதி ஆஹ – ‘‘ஸபுப்³ப³பா⁴கா³ய முதி³தாயாதி அத்தோ²’’தி. ஆஸேவனாயாதிஆதீ³னி பதா³னி அனுத³யதாபரியோஸானானி (யஸ்மா ஸதிபட்டா²னங் ஸேவந்தஸ்ஸ ஸித்³த⁴ங் அத்தனோ ச பரஸ்ஸ ச ரக்க²ணங் பகாஸெந்தி, தஸ்மா) – ‘‘அத்தானங், பி⁴க்க²வே, ரக்கி²ஸ்ஸாமீதி ஸதிபட்டா²னங் ஸேவிதப்³ப³’’ந்திஆதி³ வுத்தங்.
‘‘Attānameva rakkhatī’’ti idaṃ attano rakkhaṇaṃ padhānaṃ katvā vuttaṃ, na antevāsikanti avadhāraṇaphalaṃ. Attarakkhāya panettha sijjhamānāya antevāsikarakkhāpi siddhā eva hotīti. Dutiyapakkhepi eseva nayo. So tattha ñāyoti yā attano eva rakkhā, sā atthato pararakkhāpi hotīti ayamettha ñāyo yuttappayogo. Anuvaḍḍhiyāti yathāvaḍḍhitassa anuanuvaḍḍhiyā. Etena paṭiladdhasampayuttapamodanākāro dassitoti āha – ‘‘sapubbabhāgāya muditāyāti attho’’ti. Āsevanāyātiādīni padāni anudayatāpariyosānāni (yasmā satipaṭṭhānaṃ sevantassa siddhaṃ attano ca parassa ca rakkhaṇaṃ pakāsenti, tasmā) – ‘‘attānaṃ, bhikkhave, rakkhissāmīti satipaṭṭhānaṃ sevitabba’’ntiādi vuttaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. ஸேத³கஸுத்தங் • 9. Sedakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸேத³கஸுத்தவண்ணனா • 9. Sedakasuttavaṇṇanā
