| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. ஸிக்கா²ஸுத்தங்
5. Sikkhāsuttaṃ
5. ‘‘யோ ஹி கோசி, பி⁴க்க²வே, பி⁴க்கு² வா பி⁴க்கு²னீ வா ஸிக்க²ங் பச்சக்கா²ய ஹீனாயாவத்ததி, தஸ்ஸ தி³ட்டே²வ 1 த⁴ம்மே பஞ்ச ஸஹத⁴ம்மிகா வாதா³னுபாதா 2 கா³ரய்ஹா டா²னா ஆக³ச்ச²ந்தி. கதமே பஞ்ச? ஸத்³தா⁴பி நாம தே நாஹோஸி குஸலேஸு த⁴ம்மேஸு, ஹிரீபி நாம தே நாஹோஸி குஸலேஸு த⁴ம்மேஸு, ஒத்தப்பம்பி நாம தே நாஹோஸி குஸலேஸு த⁴ம்மேஸு, வீரியம்பி நாம தே நாஹோஸி குஸலேஸு த⁴ம்மேஸு, பஞ்ஞாபி நாம தே நாஹோஸி குஸலேஸு த⁴ம்மேஸு. யோ ஹி கோசி, பி⁴க்க²வே, பி⁴க்கு² வா பி⁴க்கு²னீ வா ஸிக்க²ங் பச்சக்கா²ய ஹீனாயாவத்ததி, தஸ்ஸ தி³ட்டே²வ த⁴ம்மே இமே பஞ்ச ஸஹத⁴ம்மிகா வாதா³னுபாதா கா³ரய்ஹா டா²னா ஆக³ச்ச²ந்தி.
5. ‘‘Yo hi koci, bhikkhave, bhikkhu vā bhikkhunī vā sikkhaṃ paccakkhāya hīnāyāvattati, tassa diṭṭheva 3 dhamme pañca sahadhammikā vādānupātā 4 gārayhā ṭhānā āgacchanti. Katame pañca? Saddhāpi nāma te nāhosi kusalesu dhammesu, hirīpi nāma te nāhosi kusalesu dhammesu, ottappampi nāma te nāhosi kusalesu dhammesu, vīriyampi nāma te nāhosi kusalesu dhammesu, paññāpi nāma te nāhosi kusalesu dhammesu. Yo hi koci, bhikkhave, bhikkhu vā bhikkhunī vā sikkhaṃ paccakkhāya hīnāyāvattati, tassa diṭṭheva dhamme ime pañca sahadhammikā vādānupātā gārayhā ṭhānā āgacchanti.
‘‘யோ ஹி கோசி, பி⁴க்க²வே, பி⁴க்கு² வா பி⁴க்கு²னீ வா ஸஹாபி து³க்கே²ன ஸஹாபி தோ³மனஸ்ஸேன அஸ்ஸுமுகோ² 5 ருத³மானோ பரிபுண்ணங் பரிஸுத்³த⁴ங் ப்³ரஹ்மசரியங் சரதி, தஸ்ஸ தி³ட்டே²வ த⁴ம்மே பஞ்ச ஸஹத⁴ம்மிகா பாஸங்ஸா டா²னா 6 ஆக³ச்ச²ந்தி. கதமே பஞ்ச? ஸத்³தா⁴பி நாம தே அஹோஸி குஸலேஸு த⁴ம்மேஸு, ஹிரீபி நாம தே அஹோஸி குஸலேஸு த⁴ம்மேஸு, ஒத்தப்பம்பி நாம தே அஹோஸி குஸலேஸு த⁴ம்மேஸு, வீரியம்பி நாம தே அஹோஸி குஸலேஸு த⁴ம்மேஸு, பஞ்ஞாபி நாம தே அஹோஸி குஸலேஸு த⁴ம்மேஸு. யோ ஹி கோசி, பி⁴க்க²வே, பி⁴க்கு² வா பி⁴க்கு²னீ வா ஸஹாபி து³க்கே²ன ஸஹாபி தோ³மனஸ்ஸேன அஸ்ஸுமுகோ² ருத³மானோ பரிபுண்ணங் பரிஸுத்³த⁴ங் ப்³ரஹ்மசரியங் சரதி, தஸ்ஸ தி³ட்டே²வ த⁴ம்மே இமே பஞ்ச ஸஹத⁴ம்மிகா பாஸங்ஸா டா²னா ஆக³ச்ச²ந்தீ’’தி. பஞ்சமங்.
‘‘Yo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho 7 rudamāno paripuṇṇaṃ parisuddhaṃ brahmacariyaṃ carati, tassa diṭṭheva dhamme pañca sahadhammikā pāsaṃsā ṭhānā 8 āgacchanti. Katame pañca? Saddhāpi nāma te ahosi kusalesu dhammesu, hirīpi nāma te ahosi kusalesu dhammesu, ottappampi nāma te ahosi kusalesu dhammesu, vīriyampi nāma te ahosi kusalesu dhammesu, paññāpi nāma te ahosi kusalesu dhammesu. Yo hi koci, bhikkhave, bhikkhu vā bhikkhunī vā sahāpi dukkhena sahāpi domanassena assumukho rudamāno paripuṇṇaṃ parisuddhaṃ brahmacariyaṃ carati, tassa diṭṭheva dhamme ime pañca sahadhammikā pāsaṃsā ṭhānā āgacchantī’’ti. Pañcamaṃ.
Footnotes:
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
