| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. ஸீலவந்தஸுத்தவண்ணனா
10. Sīlavantasuttavaṇṇanā
122. ஆபா³த⁴ட்டே²னாதி ஆதி³தோ உப்பத்திதோ பட்டா²ய பா³த⁴னட்டே²ன ருஜனட்டே²ன. அந்தோதோ³ஸட்டே²னாதி அப்³ப⁴ந்தரே ஏவ து³ஸ்ஸனட்டே²ன குப்பனட்டே²ன. க²ணனட்டே²னாதி ஸஸனட்டே²ன. து³க்க²ட்டே²னாதி து³க்க²மத்தா து³க்க²பா⁴வேன. து³க்க²ஞ்ஹி லோகே ‘‘அக⁴’’ந்தி வுச்சதி அதிவிய ஹனநதோ. விஸபா⁴க³ங் …பே॰… பச்சயட்டே²னாதி யதா²பவத்தமானானங் தா⁴தாதீ³னங் விஸபா⁴க³பூ⁴தமஹாபூ⁴தஸமுட்டா²னஸ்ஸ ஆபா³த⁴ஸ்ஸ பச்சயபா⁴வேன. அஸகட்டே²னாதி அனத்தனியதோ. பலுஜ்ஜனட்டே²னாதி பகாரதோ பி⁴ஜ்ஜனட்டே²ன. ஸத்தஸுஞ்ஞதட்டே²னாதி ஸத்தஸங்கா²தஅத்தஸுஞ்ஞதட்டே²ன. அத்தாபா⁴வேனாதி தி³ட்டி²க³திகபரிகப்பிதஸ்ஸ அத்தனோ அபா⁴வேன. ஸுஞ்ஞதோ அனத்ததோதி எத்த² ‘‘பரதோ’’தி பத³ஸ்ஸ ஸங்க³ஹோ காதப்³போ³, தஸ்மா ‘‘த்³வீஹி அனத்தமனஸிகாரோ’’தி வத்தப்³ப³ங்.
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
ஸீலவந்தஸுத்தவண்ணனா நிட்டி²தா.
Sīlavantasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஸீலவந்தஸுத்தங் • 10. Sīlavantasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. ஸீலவந்தஸுத்தவண்ணனா • 10. Sīlavantasuttavaṇṇanā
