| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. ஸீதிவக்³கோ³
9. Sītivaggo
1. ஸீதிபா⁴வஸுத்தங்
1. Sītibhāvasuttaṃ
85. ‘‘ச²ஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² அப⁴ப்³போ³ அனுத்தரங் ஸீதிபா⁴வங் ஸச்சி²காதுங். கதமேஹி ச²ஹி 1? இத⁴, பி⁴க்க²வே, பி⁴க்கு² யஸ்மிங் ஸமயே சித்தங் நிக்³க³ஹேதப்³ப³ங் தஸ்மிங் ஸமயே சித்தங் ந நிக்³க³ண்ஹாதி, யஸ்மிங் ஸமயே சித்தங் பக்³க³ஹேதப்³ப³ங் தஸ்மிங் ஸமயே சித்தங் ந பக்³க³ண்ஹாதி, யஸ்மிங் ஸமயே சித்தங் ஸம்பஹங்ஸிதப்³ப³ங் தஸ்மிங் ஸமயே சித்தங் ந ஸம்பஹங்ஸேதி, யஸ்மிங் ஸமயே சித்தங் அஜ்ஜு²பெக்கி²தப்³ப³ங் தஸ்மிங் ஸமயே சித்தங் ந அஜ்ஜு²பெக்க²தி, ஹீனாதி⁴முத்திகோ ச ஹோதி, ஸக்காயாபி⁴ரதோ ச. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² அப⁴ப்³போ³ அனுத்தரங் ஸீதிபா⁴வங் ஸச்சி²காதுங்.
85. ‘‘Chahi , bhikkhave, dhammehi samannāgato bhikkhu abhabbo anuttaraṃ sītibhāvaṃ sacchikātuṃ. Katamehi chahi 2? Idha, bhikkhave, bhikkhu yasmiṃ samaye cittaṃ niggahetabbaṃ tasmiṃ samaye cittaṃ na niggaṇhāti, yasmiṃ samaye cittaṃ paggahetabbaṃ tasmiṃ samaye cittaṃ na paggaṇhāti, yasmiṃ samaye cittaṃ sampahaṃsitabbaṃ tasmiṃ samaye cittaṃ na sampahaṃseti, yasmiṃ samaye cittaṃ ajjhupekkhitabbaṃ tasmiṃ samaye cittaṃ na ajjhupekkhati, hīnādhimuttiko ca hoti, sakkāyābhirato ca. Imehi kho, bhikkhave, chahi dhammehi samannāgato bhikkhu abhabbo anuttaraṃ sītibhāvaṃ sacchikātuṃ.
‘‘ச²ஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² ப⁴ப்³போ³ அனுத்தரங் ஸீதிபா⁴வங் ஸச்சி²காதுங். கதமேஹி ச²ஹி? இத⁴, பி⁴க்க²வே, பி⁴க்கு² யஸ்மிங் ஸமயே சித்தங் நிக்³க³ஹேதப்³ப³ங் தஸ்மிங் ஸமயே சித்தங் நிக்³க³ண்ஹாதி, யஸ்மிங் ஸமயே சித்தங் பக்³க³ஹேதப்³ப³ங் தஸ்மிங் ஸமயே சித்தங் பக்³க³ண்ஹாதி, யஸ்மிங் ஸமயே சித்தங் ஸம்பஹங்ஸிதப்³ப³ங் தஸ்மிங் ஸமயே சித்தங் ஸம்பஹங்ஸேதி, யஸ்மிங் ஸமயே சித்தங் அஜ்ஜு²பெக்கி²தப்³ப³ங் தஸ்மிங் ஸமயே சித்தங் அஜ்ஜு²பெக்க²தி, பணீதாதி⁴முத்திகோ ச ஹோதி, நிப்³பா³னாபி⁴ரதோ ச. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² ப⁴ப்³போ³ அனுத்தரங் ஸீதிபா⁴வங் ஸச்சி²காது’’ந்தி. பட²மங்.
‘‘Chahi, bhikkhave, dhammehi samannāgato bhikkhu bhabbo anuttaraṃ sītibhāvaṃ sacchikātuṃ. Katamehi chahi? Idha, bhikkhave, bhikkhu yasmiṃ samaye cittaṃ niggahetabbaṃ tasmiṃ samaye cittaṃ niggaṇhāti, yasmiṃ samaye cittaṃ paggahetabbaṃ tasmiṃ samaye cittaṃ paggaṇhāti, yasmiṃ samaye cittaṃ sampahaṃsitabbaṃ tasmiṃ samaye cittaṃ sampahaṃseti, yasmiṃ samaye cittaṃ ajjhupekkhitabbaṃ tasmiṃ samaye cittaṃ ajjhupekkhati, paṇītādhimuttiko ca hoti, nibbānābhirato ca. Imehi kho, bhikkhave, chahi dhammehi samannāgato bhikkhu bhabbo anuttaraṃ sītibhāvaṃ sacchikātu’’nti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஸீதிபா⁴வஸுத்தவண்ணனா • 1. Sītibhāvasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஸீதிபா⁴வஸுத்தவண்ணனா • 1. Sītibhāvasuttavaṇṇanā
