| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ஸோணகாயனஸுத்தங்
3. Soṇakāyanasuttaṃ
234. அத² கோ² ஸிகா²மொக்³க³ல்லானோ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸிகா²மொக்³க³ல்லானோ ப்³ராஹ்மணோ ப⁴க³வந்தங் ஏதத³வோச –
234. Atha kho sikhāmoggallāno brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sikhāmoggallāno brāhmaṇo bhagavantaṃ etadavoca –
‘‘புரிமானி, போ⁴ கோ³தம, தி³வஸானி புரிமதரானி ஸோணகாயனோ மாணவோ யேனாஹங் தேனுபஸங்கமி; உபஸங்கமித்வா மங் ஏதத³வோச – ‘ஸமணோ கோ³தமோ ஸப்³ப³கம்மானங் அகிரியங் பஞ்ஞபேதி, ஸப்³ப³கம்மானங் கோ² பன அகிரியங் பஞ்ஞபெந்தோ உச்சே²த³ங் ஆஹ லோகஸ்ஸ – கம்மஸச்சாயங் 1, போ⁴, லோகோ கம்மஸமாரம்ப⁴ட்டா²யீ’’’தி.
‘‘Purimāni, bho gotama, divasāni purimatarāni soṇakāyano māṇavo yenāhaṃ tenupasaṅkami; upasaṅkamitvā maṃ etadavoca – ‘samaṇo gotamo sabbakammānaṃ akiriyaṃ paññapeti, sabbakammānaṃ kho pana akiriyaṃ paññapento ucchedaṃ āha lokassa – kammasaccāyaṃ 2, bho, loko kammasamārambhaṭṭhāyī’’’ti.
‘‘த³ஸ்ஸனம்பி கோ² அஹங், ப்³ராஹ்மண, ஸோணகாயனஸ்ஸ மாணவஸ்ஸ நாபி⁴ஜானாமி; குதோ பனேவரூபோ கதா²ஸல்லாபோ! சத்தாரிமானி, ப்³ராஹ்மண, கம்மானி மயா ஸயங் அபி⁴ஞ்ஞா ஸச்சி²கத்வா பவேதி³தானி. கதமானி சத்தாரி? அத்தி², ப்³ராஹ்மண, கம்மங் கண்ஹங் கண்ஹவிபாகங்; அத்தி², ப்³ராஹ்மண, கம்மங் ஸுக்கங் ஸுக்கவிபாகங்; அத்தி², ப்³ராஹ்மண, கம்மங் கண்ஹஸுக்கங் கண்ஹஸுக்கவிபாகங்; அத்தி² , ப்³ராஹ்மண, கம்மங் அகண்ஹஅஸுக்கங் அகண்ஹஅஸுக்கவிபாகங் கம்மக்க²யாய ஸங்வத்ததி.
‘‘Dassanampi kho ahaṃ, brāhmaṇa, soṇakāyanassa māṇavassa nābhijānāmi; kuto panevarūpo kathāsallāpo! Cattārimāni, brāhmaṇa, kammāni mayā sayaṃ abhiññā sacchikatvā paveditāni. Katamāni cattāri? Atthi, brāhmaṇa, kammaṃ kaṇhaṃ kaṇhavipākaṃ; atthi, brāhmaṇa, kammaṃ sukkaṃ sukkavipākaṃ; atthi, brāhmaṇa, kammaṃ kaṇhasukkaṃ kaṇhasukkavipākaṃ; atthi , brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.
‘‘கதமஞ்ச, ப்³ராஹ்மண, கம்மங் கண்ஹங் கண்ஹவிபாகங்? இத⁴, ப்³ராஹ்மண, ஏகச்சோ ஸப்³யாப³ஜ்ஜ²ங் காயஸங்கா²ரங் அபி⁴ஸங்க²ரோதி, ஸப்³யாப³ஜ்ஜ²ங் வசீஸங்கா²ரங் அபி⁴ஸங்க²ரோதி, ஸப்³யாப³ஜ்ஜ²ங் மனோஸங்கா²ரங் அபி⁴ஸங்க²ரோதி. ஸோ ஸப்³யாப³ஜ்ஜ²ங் காயஸங்கா²ரங் அபி⁴ஸங்க²ரித்வா, ஸப்³யாப³ஜ்ஜ²ங் வசீஸங்கா²ரங் அபி⁴ஸங்க²ரித்வா, ஸப்³யாப³ஜ்ஜ²ங் மனோஸங்கா²ரங் அபி⁴ஸங்க²ரித்வா ஸப்³யாப³ஜ்ஜ²ங் லோகங் உபபஜ்ஜதி. தமேனங் ஸப்³யாப³ஜ்ஜ²ங் லோகங் உபபன்னங் ஸமானங் ஸப்³யாப³ஜ்ஜா² ப²ஸ்ஸா பு²ஸந்தி. ஸோ ஸப்³யாப³ஜ்ஜே²ஹி ப²ஸ்ஸேஹி பு²ட்டோ² ஸமானோ ஸப்³யாப³ஜ்ஜ²ங் வேத³னங் வேதி³யதி ஏகந்தது³க்க²ங், ஸெய்யதா²பி ஸத்தா நேரயிகா. இத³ங் வுச்சதி, ப்³ராஹ்மண, கம்மங் கண்ஹங் கண்ஹவிபாகங்.
‘‘Katamañca, brāhmaṇa, kammaṃ kaṇhaṃ kaṇhavipākaṃ? Idha, brāhmaṇa, ekacco sabyābajjhaṃ kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti. So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā sabyābajjhaṃ lokaṃ upapajjati. Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti. So sabyābajjhehi phassehi phuṭṭho samāno sabyābajjhaṃ vedanaṃ vediyati ekantadukkhaṃ, seyyathāpi sattā nerayikā. Idaṃ vuccati, brāhmaṇa, kammaṃ kaṇhaṃ kaṇhavipākaṃ.
‘‘கதமஞ்ச , ப்³ராஹ்மண, கம்மங் ஸுக்கங் ஸுக்கவிபாகங்? இத⁴, ப்³ராஹ்மண, ஏகச்சோ அப்³யாப³ஜ்ஜ²ங் காயஸங்கா²ரங் அபி⁴ஸங்க²ரோதி, அப்³யாப³ஜ்ஜ²ங் வசீஸங்கா²ரங் அபி⁴ஸங்க²ரோதி, அப்³யாப³ஜ்ஜ²ங் மனோஸங்கா²ரங் அபி⁴ஸங்க²ரோதி. ஸோ அப்³யாப³ஜ்ஜ²ங் காயஸங்கா²ரங் அபி⁴ஸங்க²ரித்வா, அப்³யாப³ஜ்ஜ²ங் வசீஸங்கா²ரங் அபி⁴ஸங்க²ரித்வா , அப்³யாப³ஜ்ஜ²ங் மனோஸங்கா²ரங் அபி⁴ஸங்க²ரித்வா அப்³யாப³ஜ்ஜ²ங் லோகங் உபபஜ்ஜதி. தமேனங் அப்³யாப³ஜ்ஜ²ங் லோகங் உபபன்னங் ஸமானங் அப்³யாப³ஜ்ஜா² ப²ஸ்ஸா பு²ஸந்தி. ஸோ அப்³யாப³ஜ்ஜே²ஹி ப²ஸ்ஸேஹி பு²ட்டோ² ஸமானோ அப்³யாப³ஜ்ஜ²ங் வேத³னங் வேதி³யதி ஏகந்தஸுக²ங், ஸெய்யதா²பி தே³வா ஸுப⁴கிண்ஹா. இத³ங் வுச்சதி, ப்³ராஹ்மண, கம்மங் ஸுக்கங் ஸுக்கவிபாகங்.
‘‘Katamañca , brāhmaṇa, kammaṃ sukkaṃ sukkavipākaṃ? Idha, brāhmaṇa, ekacco abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti. So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā , abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati. Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti. So abyābajjhehi phassehi phuṭṭho samāno abyābajjhaṃ vedanaṃ vediyati ekantasukhaṃ, seyyathāpi devā subhakiṇhā. Idaṃ vuccati, brāhmaṇa, kammaṃ sukkaṃ sukkavipākaṃ.
‘‘கதமஞ்ச, ப்³ராஹ்மண, கம்மங் கண்ஹஸுக்கங் கண்ஹஸுக்கவிபாகங்? இத⁴, ப்³ராஹ்மண, ஏகச்சோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி காயஸங்கா²ரங் அபி⁴ஸங்க²ரோதி, ஸப்³யாப³ஜ்ஜ²ம்பி அப்³யாப³ஜ்ஜ²ம்பி வசீஸங்கா²ரங் அபி⁴ஸங்க²ரோதி, ஸப்³யாப³ஜ்ஜ²ம்பி அப்³யாப³ஜ்ஜ²ம்பி மனோஸங்கா²ரங் அபி⁴ஸங்க²ரோதி. ஸோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி காயஸங்கா²ரங் அபி⁴ஸங்க²ரித்வா, ஸப்³யாப³ஜ்ஜ²ம்பி அப்³யாப³ஜ்ஜ²ம்பி வசீஸங்கா²ரங் அபி⁴ஸங்க²ரித்வா, ஸப்³யாப³ஜ்ஜ²ம்பி அப்³யாப³ஜ்ஜ²ம்பி மனோஸங்கா²ரங் அபி⁴ஸங்க²ரித்வா ஸப்³யாப³ஜ்ஜ²ம்பி அப்³யாப³ஜ்ஜ²ம்பி லோகங் உபபஜ்ஜதி. தமேனங் ஸப்³யாப³ஜ்ஜ²ம்பி அப்³யாப³ஜ்ஜ²ம்பி லோகங் உபபன்னங் ஸமானங் ஸப்³யாப³ஜ்ஜா²பி அப்³யாப³ஜ்ஜா²பி ப²ஸ்ஸா பு²ஸந்தி. ஸோ ஸப்³யாப³ஜ்ஜே²ஹிபி அப்³யாப³ஜ்ஜே²ஹிபி ப²ஸ்ஸேஹி பு²ட்டோ² ஸமானோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி வேத³னங் வேதி³யதி வோகிண்ணஸுக²து³க்க²ங், ஸெய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. இத³ங் வுச்சதி, ப்³ராஹ்மண, கம்மங் கண்ஹஸுக்கங் கண்ஹஸுக்கவிபாகங்.
‘‘Katamañca, brāhmaṇa, kammaṃ kaṇhasukkaṃ kaṇhasukkavipākaṃ? Idha, brāhmaṇa, ekacco sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti. So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhisaṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vediyati vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. Idaṃ vuccati, brāhmaṇa, kammaṃ kaṇhasukkaṃ kaṇhasukkavipākaṃ.
‘‘கதமஞ்ச, ப்³ராஹ்மண, கம்மங் அகண்ஹஅஸுக்கங் அகண்ஹஅஸுக்கவிபாகங் கம்மக்க²யாய ஸங்வத்ததி? தத்ர, ப்³ராஹ்மண, யமித³ங் கம்மங் கண்ஹங் கண்ஹவிபாகங் தஸ்ஸ பஹானாய யா சேதனா, யமித³ங் கம்மங் ஸுக்கங் ஸுக்கவிபாகங் தஸ்ஸ பஹானாய யா சேதனா, யமித³ங் கம்மங் கண்ஹஸுக்கங் கண்ஹஸுக்கவிபாகங் தஸ்ஸ பஹானாய யா சேதனா – இத³ங் வுச்சதி, ப்³ராஹ்மண, கம்மங் அகண்ஹஅஸுக்கங் அகண்ஹஅஸுக்கவிபாகங் கம்மக்க²யாய ஸங்வத்ததி. இமானி கோ², ப்³ராஹ்மண, சத்தாரி கம்மானி மயா ஸயங் அபி⁴ஞ்ஞா ஸச்சி²கத்வா பவேதி³தானீ’’தி. ததியங்.
‘‘Katamañca, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati? Tatra, brāhmaṇa, yamidaṃ kammaṃ kaṇhaṃ kaṇhavipākaṃ tassa pahānāya yā cetanā, yamidaṃ kammaṃ sukkaṃ sukkavipākaṃ tassa pahānāya yā cetanā, yamidaṃ kammaṃ kaṇhasukkaṃ kaṇhasukkavipākaṃ tassa pahānāya yā cetanā – idaṃ vuccati, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati. Imāni kho, brāhmaṇa, cattāri kammāni mayā sayaṃ abhiññā sacchikatvā paveditānī’’ti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. ஸோணகாயனஸுத்தவண்ணனா • 3. Soṇakāyanasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-9. ஸோணகாயனஸுத்தாதி³வண்ணனா • 3-9. Soṇakāyanasuttādivaṇṇanā
