| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
૫. ચમ્મક્ખન્ધકો
5. Cammakkhandhako
સોણકોળિવિસકથાદિવણ્ણના
Soṇakoḷivisakathādivaṇṇanā
૨૪૨. ચમ્મક્ખન્ધકે ઉણ્ણપાવારણન્તિ ઉભતો લોમાનિ ઉટ્ઠાપેત્વા કતં ઉણ્ણમયં પાવારણં, ઉભતો કપ્પાસપિચું ઉટ્ઠાપેત્વા વીતપાવારોપિ અત્થિ, તતો નિવત્તનત્થં ‘‘ઉણ્ણપાવારણ’’ન્તિ વુત્તં.
242. Cammakkhandhake uṇṇapāvāraṇanti ubhato lomāni uṭṭhāpetvā kataṃ uṇṇamayaṃ pāvāraṇaṃ, ubhato kappāsapicuṃ uṭṭhāpetvā vītapāvāropi atthi, tato nivattanatthaṃ ‘‘uṇṇapāvāraṇa’’nti vuttaṃ.
અડ્ઢચન્દપાસાણેતિ સોપાનમૂલે ઉપડ્ઢં અન્તો પવેસેત્વા ઠપિતે અડ્ઢપાસાણે. પાળિયં વિહારપચ્છાયાયન્તિ વિહારપચ્ચન્તે છાયાય, વિહારસ્સ વડ્ઢમાનચ્છાયાયન્તિપિ વદન્તિ.
Aḍḍhacandapāsāṇeti sopānamūle upaḍḍhaṃ anto pavesetvā ṭhapite aḍḍhapāsāṇe. Pāḷiyaṃ vihārapacchāyāyanti vihārapaccante chāyāya, vihārassa vaḍḍhamānacchāyāyantipi vadanti.
૨૪૩. ભોગાતિ ઉપયોગત્થે પચ્ચત્તવચનં. અચ્ચાયતાતિ અતિઆયતા ખરમુચ્છના. સરવતીતિ મધુરસરસંયુત્તા. અતિસિથિલા મન્દમુચ્છના. વીરિયસમથન્તિ વીરિયસમ્પયુત્તસમથં. તત્થ ચ નિમિત્તં ગણ્હાહીતિ તસ્મિઞ્ચ સમભાવે સતિ યં આદાસે મુખનિમિત્તં વિય નિમિત્તં ઉપ્પજ્જતિ, તં સમથનિમિત્તં, વિપસ્સનાનિમિત્તં, મગ્ગનિમિત્તં, ફલનિમિત્તઞ્ચ ગણ્હાહિ નિબ્બત્તેહીતિ, એવમસ્સ અરહત્તપરિયોસાનં કમ્મટ્ઠાનં કથિતં.
243.Bhogāti upayogatthe paccattavacanaṃ. Accāyatāti atiāyatā kharamucchanā. Saravatīti madhurasarasaṃyuttā. Atisithilā mandamucchanā. Vīriyasamathanti vīriyasampayuttasamathaṃ. Tattha ca nimittaṃ gaṇhāhīti tasmiñca samabhāve sati yaṃ ādāse mukhanimittaṃ viya nimittaṃ uppajjati, taṃ samathanimittaṃ, vipassanānimittaṃ, magganimittaṃ, phalanimittañca gaṇhāhi nibbattehīti, evamassa arahattapariyosānaṃ kammaṭṭhānaṃ kathitaṃ.
૨૪૪. છઠાનાનીતિ છ કારણાનિ. અધિમુત્તોતિ પટિવિજ્ઝિત્વા ઠિતો. નેક્ખમ્માધિમુત્તોતિઆદિ સબ્બં અરહત્તવસેન વુત્તં. અરહત્તઞ્હિ સબ્બકિલેસેહિ નિક્ખન્તત્તા નેક્ખમ્મં, તેહેવ ચ પવિવિત્તત્તા પવિવેકો, બ્યાપજ્જાભાવતો અબ્યાપજ્જં, ઉપાદાનસ્સ ખયન્તે ઉપ્પન્નત્તા ઉપાદાનક્ખયો, તણ્હક્ખયન્તે ઉપ્પન્નત્તા તણ્હક્ખયો, સમ્મોહાભાવતો અસમ્મોહોતિ ચ વુચ્ચતિ.
244.Chaṭhānānīti cha kāraṇāni. Adhimuttoti paṭivijjhitvā ṭhito. Nekkhammādhimuttotiādi sabbaṃ arahattavasena vuttaṃ. Arahattañhi sabbakilesehi nikkhantattā nekkhammaṃ, teheva ca pavivittattā paviveko, byāpajjābhāvato abyāpajjaṃ, upādānassa khayante uppannattā upādānakkhayo, taṇhakkhayante uppannattā taṇhakkhayo, sammohābhāvato asammohoti ca vuccati.
કેવલં સદ્ધામત્તકન્તિ કેવલં પટિવેધપઞ્ઞાય અસમ્મિસ્સં સદ્ધામત્તકં. પટિચયન્તિ પુનપ્પુનં કરણેન વડ્ઢિં. વીતરાગત્તાતિ મગ્ગપટિવેધેન રાગસ્સ વિગતત્તા એવ નેક્ખમ્મસઙ્ખાતં અરહત્તં પટિવિજ્ઝિત્વા સચ્છિકત્વા ઠિતો હોતિ. સેસપદેસુપિ એસેવ નયો. પવિવેકાધિમુત્તોતિ ‘‘પવિવેકે અધિમુત્તો અહ’’ન્તિ એવં અરહત્તં બ્યાકરોતીતિ અત્થો.
Kevalaṃ saddhāmattakanti kevalaṃ paṭivedhapaññāya asammissaṃ saddhāmattakaṃ. Paṭicayanti punappunaṃ karaṇena vaḍḍhiṃ. Vītarāgattāti maggapaṭivedhena rāgassa vigatattā eva nekkhammasaṅkhātaṃ arahattaṃ paṭivijjhitvā sacchikatvā ṭhito hoti. Sesapadesupi eseva nayo. Pavivekādhimuttoti ‘‘paviveke adhimutto aha’’nti evaṃ arahattaṃ byākarotīti attho.
સીલબ્બતપરામાસન્તિ સીલઞ્ચ વતઞ્ચ પરામસિત્વા ગહિતગ્ગહણમત્તં. સારતો પચ્ચાગચ્છન્તોતિ સારભાવેન જાનન્તો. અબ્યાપજ્જાધિમુત્તોતિ અબ્યાપજ્જં અરહત્તં બ્યાકરોતિ.
Sīlabbataparāmāsanti sīlañca vatañca parāmasitvā gahitaggahaṇamattaṃ. Sārato paccāgacchantoti sārabhāvena jānanto. Abyāpajjādhimuttoti abyāpajjaṃ arahattaṃ byākaroti.
અમિસ્સીકતન્તિ અમિસ્સકતં. કિલેસા હિ આરમ્મણેન સદ્ધિં ચિત્તં મિસ્સં કરોન્તિ, તેસં અભાવા અમિસ્સીકતં. ભુસા વાતવુટ્ઠીતિ બલવવાતક્ખન્ધો.
Amissīkatanti amissakataṃ. Kilesā hi ārammaṇena saddhiṃ cittaṃ missaṃ karonti, tesaṃ abhāvā amissīkataṃ. Bhusā vātavuṭṭhīti balavavātakkhandho.
ઉપાદાનક્ખયસ્સ ચાતિ ઉપયોગત્થે સામિવચનં. દિસ્વા આયતનુપ્પાદન્તિ ચક્ખાદિઆયતનાનં ઉપ્પાદઞ્ચ વયઞ્ચ દિસ્વા. ચિત્તં વિમુચ્ચતીતિ ઇમાય વિપસ્સનાપટિપત્તિયા ફલસમાપત્તિવસેન ચિત્તં વિમુચ્ચતિ.
Upādānakkhayassa cāti upayogatthe sāmivacanaṃ. Disvā āyatanuppādanti cakkhādiāyatanānaṃ uppādañca vayañca disvā. Cittaṃ vimuccatīti imāya vipassanāpaṭipattiyā phalasamāpattivasena cittaṃ vimuccati.
સોણકોળિવિસકથાદિવણ્ણના નિટ્ઠિતા.
Soṇakoḷivisakathādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૪૭. સોણકોળિવિસવત્થુ • 147. Soṇakoḷivisavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā
સોણકોળિવિસવત્થુકથા • Soṇakoḷivisavatthukathā
સોણસ્સ પબ્બજ્જાકથા • Soṇassa pabbajjākathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā
સોણકોળિવિસવત્થુકથાવણ્ણના • Soṇakoḷivisavatthukathāvaṇṇanā
સોણસ્સ પબ્બજ્જાકથાવણ્ણના • Soṇassa pabbajjākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā
સોણકોળિવિસવત્થુકથાવણ્ણના • Soṇakoḷivisavatthukathāvaṇṇanā
સોણસ્સપબ્બજ્જાકથાવણ્ણના • Soṇassapabbajjākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૪૭. સોણકોળિવિસવત્થુકથા • 147. Soṇakoḷivisavatthukathā
