| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
સોણસ્સપબ્બજ્જાકથાવણ્ણના
Soṇassapabbajjākathāvaṇṇanā
૨૪૩. તત્થ ચ નિમિત્તં ગણ્હાહીતિ તેસં ઇન્દ્રિયાનં આકારં ઉપલક્ખેહિ.
243.Tattha ca nimittaṃ gaṇhāhīti tesaṃ indriyānaṃ ākāraṃ upalakkhehi.
૨૪૪. અધિમુત્તો હોતીતિ પટિવિજ્ઝિત્વા પચ્ચક્ખં કત્વા ઠિતો હોતિ. નેક્ખમ્માધિમુત્તોતિઆદીહિ નિબ્બાનં, અરહત્તઞ્ચ વુત્તં. ‘‘તઞ્હિ સબ્બકિલેસેહિ નિક્ખન્તત્તા ‘નેક્ખમ્મ’ન્તિ ચ ગેહતો પવિવિત્તત્તા ‘પવિવેકો’તિ ચ બ્યાપજ્જાભાવતો ‘અબ્યાપજ્જ’ન્તિ ચ અરહત્તં ઉપાદાનસ્સ ખયન્તે ઉપ્પન્નત્તા ‘ઉપાદાનક્ખયો’તિ ચ તણ્હાય ખયન્તે ઉપ્પન્નત્તા ‘તણ્હક્ખયો’તિ ચ સમ્મોહાભાવતો ‘અસમ્મોહો’તિ ચ વુચ્ચતી’’તિ વુત્તં. સબ્બેહિ અરહત્તં વુત્તન્તિ કેચિ. સિયા ખો એવમસ્સાતિ કદાચિ એવમસ્સ, અસ્સ વા આયસ્મતો એવં સિયા. પચ્ચાગચ્છન્તો જાનન્તો. કરણીયમત્તાનન્તિ અત્તનો. સો એવ વા પાઠો. નેક્ખમ્માધિમુત્તોતિ ઇમસ્મિંયેવ અરહત્તં કથિતં. સેસેસુ નિબ્બાનન્તિ કેચિ. અસમ્મોહાધિમુત્તોતિ એત્થેવ નિબ્બાનં. સેસેસુ અરહત્તન્તિ કેચિ. ‘‘સબ્બેસ્વેવેતેસુ ઉભયમ્પી’’તિ વદન્તિ. પવિવેકઞ્ચ ચેતસો, અધિમુત્તસ્સ, ઉપાદાનક્ખયસ્સ ચાતિ ઉપયોગત્થે સામિવચનં. આયતનાનં ઉપ્પાદઞ્ચ વયઞ્ચ દિસ્વા.
244.Adhimutto hotīti paṭivijjhitvā paccakkhaṃ katvā ṭhito hoti. Nekkhammādhimuttotiādīhi nibbānaṃ, arahattañca vuttaṃ. ‘‘Tañhi sabbakilesehi nikkhantattā ‘nekkhamma’nti ca gehato pavivittattā ‘paviveko’ti ca byāpajjābhāvato ‘abyāpajja’nti ca arahattaṃ upādānassa khayante uppannattā ‘upādānakkhayo’ti ca taṇhāya khayante uppannattā ‘taṇhakkhayo’ti ca sammohābhāvato ‘asammoho’ti ca vuccatī’’ti vuttaṃ. Sabbehi arahattaṃ vuttanti keci. Siyā kho evamassāti kadāci evamassa, assa vā āyasmato evaṃ siyā. Paccāgacchanto jānanto. Karaṇīyamattānanti attano. So eva vā pāṭho. Nekkhammādhimuttoti imasmiṃyeva arahattaṃ kathitaṃ. Sesesu nibbānanti keci. Asammohādhimuttoti ettheva nibbānaṃ. Sesesu arahattanti keci. ‘‘Sabbesvevetesu ubhayampī’’ti vadanti. Pavivekañca cetaso, adhimuttassa, upādānakkhayassa cāti upayogatthe sāmivacanaṃ. Āyatanānaṃ uppādañca vayañca disvā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૪૭. સોણકોળિવિસવત્થુ • 147. Soṇakoḷivisavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / સોણસ્સ પબ્બજ્જાકથા • Soṇassa pabbajjākathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / સોણસ્સ પબ્બજ્જાકથાવણ્ણના • Soṇassa pabbajjākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / સોણકોળિવિસકથાદિવણ્ણના • Soṇakoḷivisakathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૪૭. સોણકોળિવિસવત્થુકથા • 147. Soṇakoḷivisavatthukathā
