| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. ஸொப்பஸுத்தங்
7. Soppasuttaṃ
17. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ யேனுபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. ஆயஸ்மாபி கோ² ஸாரிபுத்தோ ஸாயன்ஹஸமயங் படிஸல்லானா வுட்டி²தோ யேனுபட்டா²னஸாலா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஆயஸ்மாபி கோ² மஹாமொக்³க³ல்லானோ…பே॰… ஆயஸ்மாபி கோ² மஹாகஸ்ஸபோ… ஆயஸ்மாபி கோ² மஹாகச்சாயனோ… ஆயஸ்மாபி கோ² மஹாகொட்டி²கோ 1 … ஆயஸ்மாபி கோ² மஹாசுந்தோ³… ஆயஸ்மாபி கோ² மஹாகப்பினோ… ஆயஸ்மாபி கோ² அனுருத்³தோ⁴… ஆயஸ்மாபி கோ² ரேவதோ… ஆயஸ்மாபி கோ² ஆனந்தோ³ ஸாயன்ஹஸமயங் படிஸல்லானா வுட்டி²தோ யேனுபட்டா²னஸாலா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. அத² கோ² ப⁴க³வா ப³ஹுதே³வ ரத்திங் நிஸஜ்ஜாய வீதினாமெத்வா உட்டா²யாஸனா விஹாரங் பாவிஸி. தேபி கோ² ஆயஸ்மந்தோ அசிரபக்கந்தஸ்ஸ ப⁴க³வதோ உட்டா²யாஸனா யதா²விஹாரங் அக³மங்ஸு. யே பன தத்த² பி⁴க்கூ² நவா அசிரபப்³ப³ஜிதா அது⁴னாக³தா இமங் த⁴ம்மவினயங் தே யாவ ஸூரியுக்³க³மனா காகச்ச²மானா ஸுபிங்ஸு. அத்³த³ஸா கோ² ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன தே பி⁴க்கூ² யாவ ஸூரியுக்³க³மனா காகச்ச²மானே ஸுபந்தே. தி³ஸ்வா யேனுபட்டா²னஸாலா தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா பி⁴க்கூ² ஆமந்தேஸி –
17. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho bhagavā sāyanhasamayaṃ paṭisallānā vuṭṭhito yenupaṭṭhānasālā tenupasaṅkami; upasaṅkamitvā paññatte āsane nisīdi. Āyasmāpi kho sāriputto sāyanhasamayaṃ paṭisallānā vuṭṭhito yenupaṭṭhānasālā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Āyasmāpi kho mahāmoggallāno…pe… āyasmāpi kho mahākassapo… āyasmāpi kho mahākaccāyano… āyasmāpi kho mahākoṭṭhiko 2 … āyasmāpi kho mahācundo… āyasmāpi kho mahākappino… āyasmāpi kho anuruddho… āyasmāpi kho revato… āyasmāpi kho ānando sāyanhasamayaṃ paṭisallānā vuṭṭhito yenupaṭṭhānasālā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho bhagavā bahudeva rattiṃ nisajjāya vītināmetvā uṭṭhāyāsanā vihāraṃ pāvisi. Tepi kho āyasmanto acirapakkantassa bhagavato uṭṭhāyāsanā yathāvihāraṃ agamaṃsu. Ye pana tattha bhikkhū navā acirapabbajitā adhunāgatā imaṃ dhammavinayaṃ te yāva sūriyuggamanā kākacchamānā supiṃsu. Addasā kho bhagavā dibbena cakkhunā visuddhena atikkantamānusakena te bhikkhū yāva sūriyuggamanā kākacchamāne supante. Disvā yenupaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi –
‘‘கஹங் நு கோ², பி⁴க்க²வே, ஸாரிபுத்தோ? கஹங் மஹாமொக்³க³ல்லானோ? கஹங் மஹாகஸ்ஸபோ? கஹங் மஹாகச்சாயனோ? கஹங் மஹாகொட்டி²கோ? கஹங் மஹாசுந்தோ³? கஹங் மஹாகப்பினோ? கஹங் அனுருத்³தோ⁴? கஹங் ரேவதோ? கஹங் ஆனந்தோ³? கஹங் நு கோ² தே, பி⁴க்க²வே, தே²ரா ஸாவகா க³தா’’தி? ‘‘தேபி கோ², ப⁴ந்தே, ஆயஸ்மந்தோ அசிரபக்கந்தஸ்ஸ ப⁴க³வதோ உட்டா²யாஸனா யதா²விஹாரங் அக³மங்ஸூ’’தி. ‘‘கேன நோ 3 தும்ஹே, பி⁴க்க²வே, தே²ரா பி⁴க்கூ² நாக³தாதி 4 யாவ ஸூரியுக்³க³மனா காகச்ச²மானா ஸுபத²? தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘ராஜா க²த்தியோ முத்³தா⁴பி⁴ஸித்தோ 5 யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரந்தோ யாவஜீவங் ரஜ்ஜங் காரெந்தோ ஜனபத³ஸ்ஸ வா பியோ மனாபோ’’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘ராஜா க²த்தியோ முத்³தா⁴பி⁴ஸித்தோ யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரந்தோ யாவஜீவங் ரஜ்ஜங் காரெந்தோ ஜனபத³ஸ்ஸ வா பியோ மனாபோ’’’தி.
‘‘Kahaṃ nu kho, bhikkhave, sāriputto? Kahaṃ mahāmoggallāno? Kahaṃ mahākassapo? Kahaṃ mahākaccāyano? Kahaṃ mahākoṭṭhiko? Kahaṃ mahācundo? Kahaṃ mahākappino? Kahaṃ anuruddho? Kahaṃ revato? Kahaṃ ānando? Kahaṃ nu kho te, bhikkhave, therā sāvakā gatā’’ti? ‘‘Tepi kho, bhante, āyasmanto acirapakkantassa bhagavato uṭṭhāyāsanā yathāvihāraṃ agamaṃsū’’ti. ‘‘Kena no 6 tumhe, bhikkhave, therā bhikkhū nāgatāti 7 yāva sūriyuggamanā kākacchamānā supatha? Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘rājā khattiyo muddhābhisitto 8 yāvadatthaṃ seyyasukhaṃ passasukhaṃ middhasukhaṃ anuyutto viharanto yāvajīvaṃ rajjaṃ kārento janapadassa vā piyo manāpo’’’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘rājā khattiyo muddhābhisitto yāvadatthaṃ seyyasukhaṃ passasukhaṃ middhasukhaṃ anuyutto viharanto yāvajīvaṃ rajjaṃ kārento janapadassa vā piyo manāpo’’’ti.
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘ரட்டி²கோ…பே॰… பெத்தணிகோ… ஸேனாபதிகோ… கா³மகா³மணிகோ 9 … பூக³கா³மணிகோ யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரந்தோ யாவஜீவங் பூக³கா³மணிகத்தங் காரெந்தோ பூக³ஸ்ஸ வா பியோ மனாபோ’’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘பூக³கா³மணிகோ யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரந்தோ யாவஜீவங் பூக³கா³மணிகத்தங் வா காரெந்தோ பூக³ஸ்ஸ வா பியோ மனாபோ’’’தி.
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘raṭṭhiko…pe… pettaṇiko… senāpatiko… gāmagāmaṇiko 10 … pūgagāmaṇiko yāvadatthaṃ seyyasukhaṃ passasukhaṃ middhasukhaṃ anuyutto viharanto yāvajīvaṃ pūgagāmaṇikattaṃ kārento pūgassa vā piyo manāpo’’’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘pūgagāmaṇiko yāvadatthaṃ seyyasukhaṃ passasukhaṃ middhasukhaṃ anuyutto viharanto yāvajīvaṃ pūgagāmaṇikattaṃ vā kārento pūgassa vā piyo manāpo’’’ti.
‘‘தங் கிங் மஞ்ஞத², பி⁴க்க²வே, அபி நு தும்ஹேஹி தி³ட்ட²ங் வா ஸுதங் வா – ‘ஸமணோ வா ப்³ராஹ்மணோ வா யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ இந்த்³ரியேஸு அகு³த்தத்³வாரோ போ⁴ஜனே அமத்தஞ்ஞூ ஜாக³ரியங் அனநுயுத்தோ அவிபஸ்ஸகோ குஸலானங் த⁴ம்மானங் புப்³ப³ரத்தாபரரத்தங் போ³தி⁴பக்கி²யானங் 11 த⁴ம்மானங் பா⁴வனானுயோக³ங் அனநுயுத்தோ ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தோ’’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! மயாபி கோ² ஏதங், பி⁴க்க²வே, நேவ தி³ட்ட²ங் ந ஸுதங் – ‘ஸமணோ வா ப்³ராஹ்மணோ வா யாவத³த்த²ங் ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ இந்த்³ரியேஸு அகு³த்தத்³வாரோ போ⁴ஜனே அமத்தஞ்ஞூ ஜாக³ரியங் அனநுயுத்தோ அவிபஸ்ஸகோ குஸலானங் த⁴ம்மானங் புப்³ப³ரத்தாபரரத்தங் போ³தி⁴பக்கி²யானங் த⁴ம்மானங் பா⁴வனானுயோக³ங் அனநுயுத்தோ ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தோ’’’தி.
‘‘Taṃ kiṃ maññatha, bhikkhave, api nu tumhehi diṭṭhaṃ vā sutaṃ vā – ‘samaṇo vā brāhmaṇo vā yāvadatthaṃ seyyasukhaṃ passasukhaṃ middhasukhaṃ anuyutto indriyesu aguttadvāro bhojane amattaññū jāgariyaṃ ananuyutto avipassako kusalānaṃ dhammānaṃ pubbarattāpararattaṃ bodhipakkhiyānaṃ 12 dhammānaṃ bhāvanānuyogaṃ ananuyutto āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanto’’’ti? ‘‘No hetaṃ, bhante’’. ‘‘Sādhu, bhikkhave! Mayāpi kho etaṃ, bhikkhave, neva diṭṭhaṃ na sutaṃ – ‘samaṇo vā brāhmaṇo vā yāvadatthaṃ seyyasukhaṃ passasukhaṃ middhasukhaṃ anuyutto indriyesu aguttadvāro bhojane amattaññū jāgariyaṃ ananuyutto avipassako kusalānaṃ dhammānaṃ pubbarattāpararattaṃ bodhipakkhiyānaṃ dhammānaṃ bhāvanānuyogaṃ ananuyutto āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanto’’’ti.
‘‘தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘இந்த்³ரியேஸு கு³த்தத்³வாரா ப⁴விஸ்ஸாம, போ⁴ஜனே மத்தஞ்ஞுனோ, ஜாக³ரியங் அனுயுத்தா, விபஸ்ஸகா குஸலானங் த⁴ம்மானங் , புப்³ப³ரத்தாபரரத்தங் போ³தி⁴பக்கி²யானங் த⁴ம்மானங், பா⁴வனானுயோக³மனுயுத்தா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ஸத்தமங்.
‘‘Tasmātiha, bhikkhave, evaṃ sikkhitabbaṃ – ‘indriyesu guttadvārā bhavissāma, bhojane mattaññuno, jāgariyaṃ anuyuttā, vipassakā kusalānaṃ dhammānaṃ , pubbarattāpararattaṃ bodhipakkhiyānaṃ dhammānaṃ, bhāvanānuyogamanuyuttā viharissāmā’ti. Evañhi vo, bhikkhave, sikkhitabba’’nti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. ஸொப்பஸுத்தவண்ணனா • 7. Soppasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸொப்பஸுத்தவண்ணனா • 7. Soppasuttavaṇṇanā
