| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૭. સૂચિદાયકત્થેરઅપદાનવણ્ણના
7. Sūcidāyakattheraapadānavaṇṇanā
તિંસકપ્પસહસ્સમ્હીતિઆદિકં આયસ્મતો સૂચિદાયકત્થેરસ્સ અપદાનં. અયમ્પિ પુરિમજિનવરેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો સુમેધસ્સ ભગવતો કાલે એકસ્મિં કુલગેહે નિબ્બત્તો વુદ્ધિમન્વાય ભગવતો ચીવરકમ્મં કાતું પઞ્ચ સૂચિયો અદાસિ. સો તેન પુઞ્ઞેન દેવમનુસ્સેસુ પુઞ્ઞમનુભવિત્વા વિચરન્તો ઉપ્પન્નુપ્પન્નભવે તિક્ખપઞ્ઞો હુત્વા પાકટો ઇમસ્મિં બુદ્ધુપ્પાદે એકસ્મિં કુલગેહે નિબ્બત્તો વુદ્ધિમન્વાય સત્થરિ પસીદિત્વા પબ્બજન્તો તિક્ખપઞ્ઞતાય ખુરગ્ગેયેવ અરહત્તં પાપુણિ.
Tiṃsakappasahassamhītiādikaṃ āyasmato sūcidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto vuddhimanvāya bhagavato cīvarakammaṃ kātuṃ pañca sūciyo adāsi. So tena puññena devamanussesu puññamanubhavitvā vicaranto uppannuppannabhave tikkhapañño hutvā pākaṭo imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajanto tikkhapaññatāya khuraggeyeva arahattaṃ pāpuṇi.
૩૦. સો અપરભાગે પુઞ્ઞં પચ્ચવેક્ખન્તો તં દિસ્વા સોમનસ્સજાતો પુબ્બચરિતાપદાનં પકાસેન્તો તિંસકપ્પસહસ્સમ્હીતિઆદિમાહ. અન્તરન્તરં પનેત્થ સુવિઞ્ઞેય્યમેવ.
30. So aparabhāge puññaṃ paccavekkhanto taṃ disvā somanassajāto pubbacaritāpadānaṃ pakāsento tiṃsakappasahassamhītiādimāha. Antarantaraṃ panettha suviññeyyameva.
૩૧. પઞ્ચસૂચી મયા દિન્નાતિ એત્થ સૂચતિ છિદ્દં કરોતિ વિજ્ઝતીતિ સૂચિ, પઞ્ચમત્તા સૂચી પઞ્ચસૂચી મયા દિન્નાતિ અત્થો. સેસં સુવિઞ્ઞેય્યમેવાતિ.
31.Pañcasūcī mayā dinnāti ettha sūcati chiddaṃ karoti vijjhatīti sūci, pañcamattā sūcī pañcasūcī mayā dinnāti attho. Sesaṃ suviññeyyamevāti.
સૂચિદાયકત્થેરઅપદાનવણ્ણના સમત્તા.
Sūcidāyakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૭. સૂચિદાયકત્થેરઅપદાનં • 7. Sūcidāyakattheraapadānaṃ
