| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय २८।१०
Saṁyutta Nikāya 28.10
The Related Suttas Collection 28.10
१। सारिपुत्तवग्ग
1. Sāriputtavagga
1. With Sāriputta
सुचिमुखीसुत्त
Sucimukhīsutta
With Sucimukhī
एकं समयं आयस्मा सारिपुत्तो राजगहे विहरति वेळुवने कलन्दकनिवापे। अथ खो आयस्मा सारिपुत्तो पुब्बण्हसमयं निवासेत्वा पत्तचीवरमादाय राजगहे पिण्डाय पाविसि। राजगहे सपदानं पिण्डाय चरित्वा तं पिण्डपातं अञ्ञतरं कुट्टमूलं निस्साय परिभुञ्जति।
Ekaṁ samayaṁ āyasmā sāriputto rājagahe viharati veḷuvane kalandakanivāpe. Atha kho āyasmā sāriputto pubbaṇhasamayaṁ nivāsetvā pattacīvaramādāya rājagahe piṇḍāya pāvisi. Rājagahe sapadānaṁ piṇḍāya caritvā taṁ piṇḍapātaṁ aññataraṁ kuṭṭamūlaṁ1 nissāya paribhuñjati.
At one time Venerable Sāriputta was staying near Rājagaha, in the Bamboo Grove, the squirrels’ feeding ground. Then he robed up in the morning and, taking his bowl and robe, entered Rājagaha for alms. After wandering indiscriminately for almsfood in Rājagaha, he ate his almsfood by a wall.
अथ खो सुचिमुखी परिब्बाजिका येनायस्मा सारिपुत्तो तेनुपसङ्कमि; उपसङ्कमित्वा आयस्मन्तं सारिपुत्तं एतदवोच:
Atha kho sucimukhī paribbājikā yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca:
Then the wanderer Sucimukhī went up to Venerable Sāriputta and said to him:
“किं नु खो, समण, अधोमुखो भुञ्जसी”ति?
“Kiṁ nu kho, samaṇa, adhomukho bhuñjasī”ti?
“Ascetic, do you eat facing downwards?”
“न ख्वाहं, भगिनि, अधोमुखो भुञ्जामी”ति।
“Na khvāhaṁ, bhagini, adhomukho bhuñjāmī”ti.
“No, sister.”
“तेन हि, समण, उब्भमुखो भुञ्जसी”ति?
“Tena hi, samaṇa, ubbhamukho2 bhuñjasī”ti?
“Well then, do you eat facing upwards?”
“न ख्वाहं, भगिनि, उब्भमुखो भुञ्जामी”ति।
“Na khvāhaṁ, bhagini, ubbhamukho bhuñjāmī”ti.
“No, sister.”
“तेन हि, समण, दिसामुखो भुञ्जसी”ति?
“Tena hi, samaṇa, disāmukho bhuñjasī”ti?
“Well then, do you eat facing the cardinal directions?”
“न ख्वाहं, भगिनि, दिसामुखो भुञ्जामी”ति।
“Na khvāhaṁ, bhagini, disāmukho bhuñjāmī”ti.
“No, sister.”
“तेन हि, समण, विदिसामुखो भुञ्जसी”ति?
“Tena hi, samaṇa, vidisāmukho bhuñjasī”ti?
“Well then, do you eat facing the intermediate directions?”
“न ख्वाहं, भगिनि, विदिसामुखो भुञ्जामी”ति।
“Na khvāhaṁ, bhagini, vidisāmukho bhuñjāmī”ti.
“No, sister.”
“‘किं नु, समण, अधोमुखो भुञ्जसीऽति इति पुट्ठो समानो ‘न ख्वाहं, भगिनि, अधोमुखो भुञ्जामीऽति वदेसि। ‘तेन हि, समण, उब्भमुखो भुञ्जसीऽति इति पुट्ठो समानो ‘न ख्वाहं, भगिनि, उब्भमुखो भुञ्जामीऽति वदेसि। ‘तेन हि, समण, दिसामुखो भुञ्जसीऽति इति पुट्ठो समानो ‘न ख्वाहं, भगिनि, दिसामुखो भुञ्जामीऽति वदेसि। ‘तेन हि, समण, विदिसामुखो भुञ्जसीऽति इति पुट्ठो समानो ‘न ख्वाहं, भगिनि, विदिसामुखो भुञ्जामीऽति वदेसि। कथञ्चरहि, समण, भुञ्जसी”ति?
“‘Kiṁ nu, samaṇa, adhomukho bhuñjasī’ti iti puṭṭho samāno ‘na khvāhaṁ, bhagini, adhomukho bhuñjāmī’ti vadesi. ‘Tena hi, samaṇa, ubbhamukho bhuñjasī’ti iti puṭṭho samāno ‘na khvāhaṁ, bhagini, ubbhamukho bhuñjāmī’ti vadesi. ‘Tena hi, samaṇa, disāmukho bhuñjasī’ti iti puṭṭho samāno ‘na khvāhaṁ, bhagini, disāmukho bhuñjāmī’ti vadesi. ‘Tena hi, samaṇa, vidisāmukho bhuñjasī’ti iti puṭṭho samāno ‘na khvāhaṁ, bhagini, vidisāmukho bhuñjāmī’ti vadesi. Kathañcarahi, samaṇa, bhuñjasī”ti?
“When asked if you eat facing all these directions, you answer ‘no, sister’. How exactly do you eat, ascetic?”
“ये हि केचि, भगिनि, समणब्राह्मणा वत्थुविज्जातिरच्छानविज्जाय मिच्छाजीवेन जीविकं कप्पेन्ति, इमे वुच्चन्ति, भगिनि, समणब्राह्मणा ‘अधोमुखा भुञ्जन्तीऽति।
“Ye hi keci, bhagini, samaṇabrāhmaṇā vatthuvijjātiracchānavijjāya micchājīvena jīvikaṁ3 kappenti, ime vuccanti, bhagini, samaṇabrāhmaṇā ‘adhomukhā bhuñjantī’ti.
“Sister, those ascetics and brahmins who earn a living by geomancy—a low lore, a wrong livelihood—are said to eat facing downwards.
ये हि केचि, भगिनि, समणब्राह्मणा नक्खत्तविज्जातिरच्छानविज्जाय मिच्छाजीवेन जीविकं कप्पेन्ति, इमे वुच्चन्ति, भगिनि, समणब्राह्मणा ‘उब्भमुखा भुञ्जन्तीऽति।
Ye hi keci, bhagini, samaṇabrāhmaṇā nakkhattavijjātiracchānavijjāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘ubbhamukhā bhuñjantī’ti.
Those ascetics and brahmins who earn a living by astrology—a low lore, a wrong livelihood—are said to eat facing upwards.
ये हि केचि, भगिनि, समणब्राह्मणा दूतेय्यपहिणगमनानुयोगाय मिच्छाजीवेन जीविकं कप्पेन्ति, इमे वुच्चन्ति, भगिनि, समणब्राह्मणा ‘दिसामुखा भुञ्जन्तीऽति।
Ye hi keci, bhagini, samaṇabrāhmaṇā dūteyyapahiṇagamanānuyogāya4 micchājīvena jīvikaṁ kappenti, ime vuccanti, bhagini, samaṇabrāhmaṇā ‘disāmukhā bhuñjantī’ti.
Those ascetics and brahmins who earn a living by running errands and messages—a wrong livelihood—are said to eat facing the cardinal directions.
ये हि केचि, भगिनि, समणब्राह्मणा अङ्गविज्जातिरच्छानविज्जाय मिच्छाजीवेन जीविकं कप्पेन्ति, इमे वुच्चन्ति, भगिनि, समणब्राह्मणा ‘विदिसामुखा भुञ्जन्तीऽति।
Ye hi keci, bhagini, samaṇabrāhmaṇā aṅgavijjātiracchānavijjāya micchājīvena jīvikaṁ kappenti, ime vuccanti, bhagini, samaṇabrāhmaṇā ‘vidisāmukhā bhuñjantī’ti.
Those ascetics and brahmins who earn a living by palmistry—a low lore, a wrong livelihood—are said to eat facing the intermediate directions.
सो ख्वाहं, भगिनि, न वत्थुविज्जातिरच्छानविज्जाय मिच्छाजीवेन जीविकं कप्पेमि, न नक्खत्तविज्जातिरच्छानविज्जाय मिच्छाजीवेन जीविकं कप्पेमि, न दूतेय्यपहिणगमनानुयोगाय मिच्छाजीवेन जीविकं कप्पेमि, न अङ्गविज्जातिरच्छानविज्जाय मिच्छाजीवेन जीविकं कप्पेमि। धम्मेन भिक्खं परियेसामि; धम्मेन भिक्खं परियेसित्वा भुञ्जामी”ति।
So khvāhaṁ, bhagini, na vatthuvijjātiracchānavijjāya micchājīvena jīvikaṁ kappemi, na nakkhattavijjātiracchānavijjāya micchājīvena jīvikaṁ kappemi, na dūteyyapahiṇagamanānuyogāya micchājīvena jīvikaṁ kappemi, na aṅgavijjātiracchānavijjāya micchājīvena jīvikaṁ kappemi. Dhammena bhikkhaṁ pariyesāmi; dhammena bhikkhaṁ pariyesitvā bhuñjāmī”ti.
I don’t earn a living by any of these means. I seek alms in a principled manner, and I eat it in a principled manner.”
अथ खो सुचिमुखी परिब्बाजिका राजगहे रथियाय रथियं, सिङ्घाटकेन सिङ्घाटकं उपसङ्कमित्वा एवमारोचेसि: “धम्मिकं समणा सक्यपुत्तिया आहारं आहारेन्ति; अनवज्जं समणा सक्यपुत्तिया आहारं आहारेन्ति। देथ समणानं सक्यपुत्तियानं पिण्डन्”ति।
Atha kho sucimukhī paribbājikā rājagahe rathiyāya rathiyaṁ, siṅghāṭakena siṅghāṭakaṁ upasaṅkamitvā evamārocesi: “dhammikaṁ samaṇā sakyaputtiyā āhāraṁ āhārenti; anavajjaṁ5 samaṇā sakyaputtiyā āhāraṁ āhārenti. Detha samaṇānaṁ sakyaputtiyānaṁ piṇḍan”ti.
Then Sucimukhī the wanderer went around Rājagaha from street to street and from square to square, and announced: “The Sakyan ascetics eat food in a principled manner! The Sakyan ascetics eat food blamelessly! Give almsfood to the Sakyan ascetics!”
दसमं।
Dasamaṁ.
सारिपुत्तवग्गो पठमो।
Sāriputtavaggo paṭhamo.
तस्सुद्दानं
Tassuddānaṁ
विवेकजं अवितक्कं, पीति उपेक्खा चतुत्थकं; आकासञ्चेव विञ्ञाणं, आकिञ्चं नेवसञ्ञिना; निरोधो नवमो वुत्तो, दसमं सूचिमुखी चाति।
Vivekajaṁ avitakkaṁ, pīti upekkhā catutthakaṁ; Ākāsañceva viññāṇaṁ, ākiñcaṁ nevasaññinā; Nirodho navamo vutto, dasamaṁ sūcimukhī cāti.
सारिपुत्तसंयुत्तं समत्तं।
Sāriputtasaṁyuttaṁ samattaṁ.
The Related Suttas Collection on Sāriputta are complete.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
Footnotes:
