| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. ஸூசிமுகீ²ஸுத்தவண்ணனா
10. Sūcimukhīsuttavaṇṇanā
341. தஸ்மிங் வசனே படிக்கி²த்தேதி – ‘‘அதோ⁴முகோ² பு⁴ஞ்ஜஸீ’’தி பரிப்³பா³ஜிகாய வுத்தவசனே – ‘‘ந க்²வாஹங் ப⁴கி³னீ’’தி படிக்கி²த்தே. வாத³ந்தி தோ³ஸங். உப்³ப⁴முகோ²தி உபரிமுகோ². புரத்தி²மாதி³கா சதஸ்ஸோ தி³ஸா. த³க்கி²ணபுரத்தி²மாதி³கா சதஸ்ஸோ விதி³ஸா.
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
ஆராமஆராமவத்து²ஆதீ³ஸு பூ⁴மிபரிகம்மபீ³ஜாபி⁴ஸங்க²ரணாதி³படிஸங்யுத்தா விஜ்ஜா வத்து²விஜ்ஜா, தஸ்ஸா பன மிச்சா²ஜீவபா⁴வங் த³ஸ்ஸேதுங் ‘‘தேஸ’’ந்திஆதி³ வுத்தங். தேஸங் தேஸங் அத்தனோ பச்சயதா³யகானங். தத்த² தத்த² க³மனந்தி தேஸங் ஸாஸனஹரணவஸேன தங் தங் கா³மந்தரதே³ஸந்தரங். ஏவமாரோசேஸீதி அத்துக்கங்ஸனபரவம்ப⁴னரஹிதங் கண்ணஸுக²ங் பேமனீயங் ஹத³யங்க³மங் தே²ரஸ்ஸ த⁴ம்மகத²ங் ஸுத்வா பஸன்னமானஸா ஏவங் ‘‘த⁴ம்மிகங் ஸமணா ஸக்யபுத்தியா’’திஆதி³னா ஸாஸனஸ்ஸ கு³ணஸங்கித்தனவாசங் குலானங் ஆரோசேஸி.
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
ஸூசிமுகீ²ஸுத்தவண்ணனா நிட்டி²தா.
Sūcimukhīsuttavaṇṇanā niṭṭhitā.
ஸாரிபுத்தஸங்யுத்தவண்ணனா நிட்டி²தா.
Sāriputtasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஸூசிமுகீ²ஸுத்தங் • 10. Sūcimukhīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. ஸுசிமுகீ²ஸுத்தவண்ணனா • 10. Sucimukhīsuttavaṇṇanā
