| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. સૂચિમુખીસુત્તવણ્ણના
10. Sūcimukhīsuttavaṇṇanā
૩૪૧. તસ્મિં વચને પટિક્ખિત્તેતિ – ‘‘અધોમુખો ભુઞ્જસી’’તિ પરિબ્બાજિકાય વુત્તવચને – ‘‘ન ખ્વાહં ભગિની’’તિ પટિક્ખિત્તે. વાદન્તિ દોસં. ઉબ્ભમુખોતિ ઉપરિમુખો. પુરત્થિમાદિકા ચતસ્સો દિસા. દક્ખિણપુરત્થિમાદિકા ચતસ્સો વિદિસા.
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
આરામઆરામવત્થુઆદીસુ ભૂમિપરિકમ્મબીજાભિસઙ્ખરણાદિપટિસંયુત્તા વિજ્જા વત્થુવિજ્જા, તસ્સા પન મિચ્છાજીવભાવં દસ્સેતું ‘‘તેસ’’ન્તિઆદિ વુત્તં. તેસં તેસં અત્તનો પચ્ચયદાયકાનં. તત્થ તત્થ ગમનન્તિ તેસં સાસનહરણવસેન તં તં ગામન્તરદેસન્તરં. એવમારોચેસીતિ અત્તુક્કંસનપરવમ્ભનરહિતં કણ્ણસુખં પેમનીયં હદયઙ્ગમં થેરસ્સ ધમ્મકથં સુત્વા પસન્નમાનસા એવં ‘‘ધમ્મિકં સમણા સક્યપુત્તિયા’’તિઆદિના સાસનસ્સ ગુણસંકિત્તનવાચં કુલાનં આરોચેસિ.
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
સૂચિમુખીસુત્તવણ્ણના નિટ્ઠિતા.
Sūcimukhīsuttavaṇṇanā niṭṭhitā.
સારિપુત્તસંયુત્તવણ્ણના નિટ્ઠિતા.
Sāriputtasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. સૂચિમુખીસુત્તં • 10. Sūcimukhīsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. સુચિમુખીસુત્તવણ્ણના • 10. Sucimukhīsuttavaṇṇanā
