| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. ஸூத³ஸுத்தவண்ணனா
8. Sūdasuttavaṇṇanā
374. ஆஹாரஸம்பாத³னேன தங்தங்ஆஹாரவத்து²க³தே ஸூதே³தி பக்³க⁴ரேதீதி ஸூதோ³, ப⁴த்தகாரகோ. த³ஹரேஹி மனாபதரங் அச்சேதப்³ப³தோ அதிக்கமிதப்³ப³தோ அச்சயா, போ⁴ஜனே ரஸவிஸேஸா, தஸ்மா நானச்சயேஹீதி நானப்பகாரரஸவிஸேஸேஹீதி அத்தோ². தேன வுத்தங் ‘‘நானச்சயேஹீ’’திஆதி³. அக்³கீ³யதி அஸங்கரதோ விப⁴ஜீயதீதி அக்³கோ³, அம்பி³லமேவ அக்³கோ³ அம்பி³லக்³கோ³தி ஆஹ – ‘‘அம்பி³லக்³கே³ஹீதி அம்பி³லகொட்டா²ஸேஹீ’’தி. தா³துங் அபி⁴ஹரிதப்³ப³தாய அபி⁴ஹாரா, தெ³ய்யத⁴ம்மா. தேனாஹ – ‘‘அபி⁴ஹடானங் தா³யான’’ந்தி. இத³ங் மே கம்மட்டா²னங் அனுலோமங்வாதி இத³ங் மம கம்மட்டா²னங் ஏவங் பவத்தமானங் அனுலோமாவஸானமேவ ஹுத்வா திட்ட²தி. ஏவங் புன பவத்தமானங் உஸ்ஸக்கித்வா விஸேஸனிப்³ப³த்தனத்த²மேவ ஹோதீதி ஏவங் நிமித்தங் க³ஹேதுங் ந ஸக்கோதி பா³லோ அப்³யத்தோ, பண்டி³தோ பன ஸக்கோதி. அத்தனோ சித்தஸ்ஸாதி அத்தனோ பா⁴வனாசித்தஸ்ஸ. புப்³ப³பா⁴க³விபஸ்ஸனா ஸதிபட்டா²னாவ கதி²தா ‘‘ஸகஸ்ஸ சித்தஸ்ஸ நிமித்தங் உக்³க³ண்ஹாதீ’’தி வுத்தத்தா.
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஸூத³ஸுத்தங் • 8. Sūdasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ஸூத³ஸுத்தவண்ணனா • 8. Sūdasuttavaṇṇanā
