| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. સૂદસુત્તવણ્ણના
8. Sūdasuttavaṇṇanā
૩૭૪. આહારસમ્પાદનેન તંતંઆહારવત્થુગતે સૂદેતિ પગ્ઘરેતીતિ સૂદો, ભત્તકારકો. દહરેહિ મનાપતરં અચ્ચેતબ્બતો અતિક્કમિતબ્બતો અચ્ચયા, ભોજને રસવિસેસા, તસ્મા નાનચ્ચયેહીતિ નાનપ્પકારરસવિસેસેહીતિ અત્થો. તેન વુત્તં ‘‘નાનચ્ચયેહી’’તિઆદિ. અગ્ગીયતિ અસઙ્કરતો વિભજીયતીતિ અગ્ગો, અમ્બિલમેવ અગ્ગો અમ્બિલગ્ગોતિ આહ – ‘‘અમ્બિલગ્ગેહીતિ અમ્બિલકોટ્ઠાસેહી’’તિ. દાતું અભિહરિતબ્બતાય અભિહારા, દેય્યધમ્મા. તેનાહ – ‘‘અભિહટાનં દાયાન’’ન્તિ. ઇદં મે કમ્મટ્ઠાનં અનુલોમંવાતિ ઇદં મમ કમ્મટ્ઠાનં એવં પવત્તમાનં અનુલોમાવસાનમેવ હુત્વા તિટ્ઠતિ. એવં પુન પવત્તમાનં ઉસ્સક્કિત્વા વિસેસનિબ્બત્તનત્થમેવ હોતીતિ એવં નિમિત્તં ગહેતું ન સક્કોતિ બાલો અબ્યત્તો, પણ્ડિતો પન સક્કોતિ. અત્તનો ચિત્તસ્સાતિ અત્તનો ભાવનાચિત્તસ્સ. પુબ્બભાગવિપસ્સના સતિપટ્ઠાનાવ કથિતા ‘‘સકસ્સ ચિત્તસ્સ નિમિત્તં ઉગ્ગણ્હાતી’’તિ વુત્તત્તા.
374. Āhārasampādanena taṃtaṃāhāravatthugate sūdeti paggharetīti sūdo, bhattakārako. Daharehi manāpataraṃ accetabbato atikkamitabbato accayā, bhojane rasavisesā, tasmā nānaccayehīti nānappakārarasavisesehīti attho. Tena vuttaṃ ‘‘nānaccayehī’’tiādi. Aggīyati asaṅkarato vibhajīyatīti aggo, ambilameva aggo ambilaggoti āha – ‘‘ambilaggehīti ambilakoṭṭhāsehī’’ti. Dātuṃ abhiharitabbatāya abhihārā, deyyadhammā. Tenāha – ‘‘abhihaṭānaṃ dāyāna’’nti. Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati. Evaṃ puna pavattamānaṃ ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto, paṇḍito pana sakkoti. Attano cittassāti attano bhāvanācittassa. Pubbabhāgavipassanā satipaṭṭhānāva kathitā ‘‘sakassa cittassa nimittaṃ uggaṇhātī’’ti vuttattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. સૂદસુત્તં • 8. Sūdasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. સૂદસુત્તવણ્ણના • 8. Sūdasuttavaṇṇanā
