| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. ગન્ધબ્બકાયસંયુત્તં
10. Gandhabbakāyasaṃyuttaṃ
૧. સુદ્ધિકસુત્તં
1. Suddhikasuttaṃ
૪૩૮. એકં સમયં ભગવા સાવત્થિયં વિહરતિ જેતવને અનાથપિણ્ડિકસ્સ આરામે …પે॰… ભગવા એતદવોચ – ‘‘ગન્ધબ્બકાયિકે વો, ભિક્ખવે, દેવે દેસેસ્સામિ. તં સુણાથ. કતમા ચ, ભિક્ખવે, ગન્ધબ્બકાયિકા દેવા? સન્તિ, ભિક્ખવે, મૂલગન્ધે અધિવત્થા દેવા. સન્તિ, ભિક્ખવે, સારગન્ધે અધિવત્થા દેવા. સન્તિ, ભિક્ખવે, ફેગ્ગુગન્ધે અધિવત્થા દેવા. સન્તિ, ભિક્ખવે, તચગન્ધે અધિવત્થા દેવા. સન્તિ, ભિક્ખવે, પપટિકગન્ધે અધિવત્થા દેવા. સન્તિ, ભિક્ખવે, પત્તગન્ધે અધિવત્થા દેવા. સન્તિ, ભિક્ખવે, પુપ્ફગન્ધે અધિવત્થા દેવા. સન્તિ, ભિક્ખવે, ફલગન્ધે અધિવત્થા દેવા. સન્તિ, ભિક્ખવે, રસગન્ધે અધિવત્થા દેવા. સન્તિ, ભિક્ખવે, ગન્ધગન્ધે અધિવત્થા દેવા. ઇમે વુચ્ચન્તિ, ભિક્ખવે, ગન્ધબ્બકાયિકા દેવા’’તિ. પઠમં.
438. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme …pe… bhagavā etadavoca – ‘‘gandhabbakāyike vo, bhikkhave, deve desessāmi. Taṃ suṇātha. Katamā ca, bhikkhave, gandhabbakāyikā devā? Santi, bhikkhave, mūlagandhe adhivatthā devā. Santi, bhikkhave, sāragandhe adhivatthā devā. Santi, bhikkhave, pheggugandhe adhivatthā devā. Santi, bhikkhave, tacagandhe adhivatthā devā. Santi, bhikkhave, papaṭikagandhe adhivatthā devā. Santi, bhikkhave, pattagandhe adhivatthā devā. Santi, bhikkhave, pupphagandhe adhivatthā devā. Santi, bhikkhave, phalagandhe adhivatthā devā. Santi, bhikkhave, rasagandhe adhivatthā devā. Santi, bhikkhave, gandhagandhe adhivatthā devā. Ime vuccanti, bhikkhave, gandhabbakāyikā devā’’ti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. ગન્ધબ્બકાયસંયુત્તવણ્ણના • 10. Gandhabbakāyasaṃyuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૦. ગન્ધબ્બકાયસંયુત્તવણ્ણના • 10. Gandhabbakāyasaṃyuttavaṇṇanā
