| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. સુદ્ધિકસુત્તવણ્ણના
7. Suddhikasuttavaṇṇanā
૧૯૩. સત્તમે સુદ્ધિકભારદ્વાજોતિ અયમ્પિ ભારદ્વાજોવ, સુદ્ધિકપઞ્હસ્સ પન પુચ્છિતત્તા સઙ્ગીતિકારેહિ એવં વુત્તો. સીલવાપિ તપોકરન્તિ સીલસમ્પન્નોપિ તપોકમ્મં કરોન્તો. વિજ્જાચરણસમ્પન્નોતિ એત્થ વિજ્જાતિ તયો વેદા. ચરણન્તિ ગોત્તચરણં. સો સુજ્ઝતિ ન અઞ્ઞા ઇતરા પજાતિ સો તેવિજ્જો બ્રાહ્મણો સુજ્ઝતિ, અયં પન અઞ્ઞા નામિકા પજા ન સુજ્ઝતીતિ વદતિ. બહુમ્પિ પલપં જપ્પન્તિ બહુમ્પિ પલપં જપ્પન્તો, ‘‘બ્રાહ્મણોવ સુજ્ઝતી’’તિ એવં વચનસહસ્સમ્પિ ભણન્તોતિ અત્થો. અન્તોકસમ્બૂતિ અન્તો કિલેસપૂતિસભાવેન પૂતિકો. સંકિલિટ્ઠોતિ કિલિટ્ઠેહિ કાયકમ્માદીહિ સમન્નાગતો. સત્તમં.
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. સુદ્ધિકસુત્તં • 7. Suddhikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. સુદ્ધિકસુત્તવણ્ણના • 7. Suddhikasuttavaṇṇanā
