| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. ஸூகஸுத்தவண்ணனா
9. Sūkasuttavaṇṇanā
9. ஸூகந்தி ஸாலியவாதீ³னங் வாலமாஹ. ஸோ ஹி நிகந்தகஸதி³ஸோ படிமுக²க³தங் ஹத்த²ங் வா பாத³ங் வா பி⁴ந்த³தி, தஸ்மா பே⁴த³ங் இச்ச²ந்தேன உத்³த⁴க்³க³ங் கத்வா ட²பிதங் ஸம்மாபணிஹிதங் நாம, ததா² அட்ட²பிதங் மிச்சா²பணிஹிதங் நாமாதி வுத்தங். மிச்சா²பணிஹிதாயாதி கம்மஸ்ஸகதபஞ்ஞாய மிச்சா²ட²பனங் நாம – ‘‘இமே ஸத்தா கம்மவஸேன ஸுக²து³க்க²ங் பச்சனுப⁴வந்தி, தங் பன கம்மங் இஸ்ஸரஸ்ஸ இச்சா²வஸேன ப்³ரஹ்மா நிம்மினாதீ’’திஆதி³னா மிச்சா²பகப்பனங். கேசி பன ‘‘நத்தி² தி³ன்னந்திஆதி³னா நயேன பவத்தி, தஸ்ஸ வா ஞாணஸ்ஸ அப்பவத்தீ’’தி வத³ந்தி. மக்³க³பா⁴வனாயாதி எத்தா²பி மிச்சா²மக்³க³ஸ்ஸ பவத்தனங், அரியமக்³க³ஸ்ஸ வா அப்பவத்தனங் மிச்சா²ட²பனங். தேனாஹ ‘‘அப்பவத்திதத்தா’’தி. அவிஜ்ஜங் பி⁴ந்தி³ஸ்ஸதீதி அவிஜ்ஜங் ஸமுச்சி²ந்தி³ஸ்ஸதி. மக்³க³னிஸ்ஸிதங் கத்வா மக்³கே³ ஏவ பக்கி²பித்வா. தஞ்ஹி ஞாணங் மக்³க³ஸ்ஸ மூலகாரணங் மக்³கே³ ஸித்³தே⁴ தஸ்ஸ கிச்சஸ்ஸ மத்த²கப்பத்திதோ. ‘‘ஸம்மாபணிஹிதாய தி³ட்டி²யா ஸம்மாபணிஹிதாய மக்³க³பா⁴வனாயா’’தி வுத்தத்தா மிஸ்ஸகமக்³கோ³ கதி²தோ. ச²விபே⁴த³ஸதி³ஸோ செத்த² அவிஜ்ஜாபே⁴தோ³, லோஹிதுப்பாத³ஸதி³ஸோ லோகுத்தரமக்³க³பா⁴வோ த³ட்ட²ப்³போ³.
9.Sūkanti sāliyavādīnaṃ vālamāha. So hi nikantakasadiso paṭimukhagataṃ hatthaṃ vā pādaṃ vā bhindati, tasmā bhedaṃ icchantena uddhaggaṃ katvā ṭhapitaṃ sammāpaṇihitaṃ nāma, tathā aṭṭhapitaṃ micchāpaṇihitaṃ nāmāti vuttaṃ. Micchāpaṇihitāyāti kammassakatapaññāya micchāṭhapanaṃ nāma – ‘‘ime sattā kammavasena sukhadukkhaṃ paccanubhavanti, taṃ pana kammaṃ issarassa icchāvasena brahmā nimminātī’’tiādinā micchāpakappanaṃ. Keci pana ‘‘natthi dinnantiādinā nayena pavatti, tassa vā ñāṇassa appavattī’’ti vadanti. Maggabhāvanāyāti etthāpi micchāmaggassa pavattanaṃ, ariyamaggassa vā appavattanaṃ micchāṭhapanaṃ. Tenāha ‘‘appavattitattā’’ti. Avijjaṃ bhindissatīti avijjaṃ samucchindissati. Magganissitaṃ katvā magge eva pakkhipitvā. Tañhi ñāṇaṃ maggassa mūlakāraṇaṃ magge siddhe tassa kiccassa matthakappattito. ‘‘Sammāpaṇihitāya diṭṭhiyā sammāpaṇihitāya maggabhāvanāyā’’ti vuttattā missakamaggo kathito. Chavibhedasadiso cettha avijjābhedo, lohituppādasadiso lokuttaramaggabhāvo daṭṭhabbo.
ஸூகஸுத்தவண்ணனா நிட்டி²தா.
Sūkasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. ஸூகஸுத்தங் • 9. Sūkasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸூகஸுத்தவண்ணனா • 9. Sūkasuttavaṇṇanā
