| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૬. સોળસમવગ્ગો
16. Soḷasamavaggo
(૧૫૮) ૩. સુખાનુપ્પદાનકથા
(158) 3. Sukhānuppadānakathā
૭૪૭. પરો પરસ્સ સુખં અનુપ્પદેતીતિ? આમન્તા. પરો પરસ્સ દુક્ખં અનુપ્પદેતીતિ? ન હેવં વત્તબ્બે…પે॰… પરો પરસ્સ દુક્ખં ન અનુપ્પદેતીતિ? આમન્તા. પરો પરસ્સ સુખં ન અનુપ્પદેતીતિ? ન હેવં વત્તબ્બે…પે॰… પરો પરસ્સ સુખં અનુપ્પદેતીતિ? આમન્તા. પરો પરસ્સ અત્તનો સુખં અનુપ્પદેતિ, અઞ્ઞેસં સુખં અનુપ્પદેતિ, તસ્સ સુખં અનુપ્પદેતીતિ? ન હેવં વત્તબ્બે…પે॰… પરો પરસ્સ નેવત્તનો, ન અઞ્ઞેસં, ન તસ્સ સુખં અનુપ્પદેતીતિ? આમન્તા. હઞ્ચિ પરો પરસ્સ નેવત્તનો, ન અઞ્ઞેસં, ન તસ્સ સુખં અનુપ્પદેતિ, નો ચ વત રે વત્તબ્બે – ‘‘પરો પરસ્સ સુખં અનુપ્પદેતી’’તિ.
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
પરો પરસ્સ સુખં અનુપ્પદેતીતિ? આમન્તા. અઞ્ઞો અઞ્ઞસ્સ કારકો, પરઙ્કતં સુખં દુક્ખં અઞ્ઞો કરોતિ અઞ્ઞો પટિસંવેદેતીતિ? ન હેવં વત્તબ્બે…પે॰….
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
૭૪૮. ન વત્તબ્બં – ‘‘પરો પરસ્સ સુખં અનુપ્પદેતી’’તિ? આમન્તા. નનુ આયસ્મા ઉદાયી એતદવોચ – ‘‘બહૂનં વત નો ભગવા દુક્ખધમ્માનં અપહત્તા, બહૂનં વત નો ભગવા સુખધમ્માનં ઉપહત્તા, બહૂનં વત નો ભગવા અકુસલાનં ધમ્માનં અપહત્તા, બહૂનં વત નો ભગવા કુસલાનં ધમ્માનં ઉપહત્તા’’તિ 1! અત્થેવ સુત્તન્તોતિ? આમન્તા. તેન હિ પરો પરસ્સ સુખં અનુપ્પદેતીતિ.
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
સુખાનુપ્પદાનકથા નિટ્ઠિતા.
Sukhānuppadānakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૩. સુખાનુપ્પદાનકથાવણ્ણના • 3. Sukhānuppadānakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૩. સુખાનુપ્પદાનકથાવણ્ણના • 3. Sukhānuppadānakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૩. સુખાનુપ્પદાનકથાવણ્ણના • 3. Sukhānuppadānakathāvaṇṇanā
