| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ஸுக²ஸுத்தவண்ணனா
2. Sukhasuttavaṇṇanā
250. து³க்க²ங் ந ஹோதீதி அது³க்க²ங், ஸுக²ங் ந ஹோதீதி அஸுக²ங், ம-காரோ பத³ஸந்தி⁴கரோ. அது³க்க²மஸுக²ந்தி வேத³யிதஸத்³தா³பெக்கா²ய நபுங்ஸகனித்³தே³ஸோ. ஸபரஸந்தானக³தே ஸந்தா⁴ய அஜ்ஜ²த்தப³ஹித்³தா⁴க³ஹணந்தி ஆஹ ‘‘அத்தனோ ச பரஸ்ஸ சா’’தி. தேன ஸப்³ப³ம்பி வேத³யிதங் க³ஹிதந்தி த³ட்ட²ப்³ப³ங் . நஸ்ஸனஸபா⁴வந்தி இத்தரக²ணதாய ப⁴ங்க³தோ உத்³த⁴ங் அபஸ்ஸிதப்³ப³ஸபா⁴வங். பலோகோ பே⁴தோ³ ஏதஸ்ஸ அத்தீ²தி பலோகினங். தேனாஹ ‘‘பி⁴ஜ்ஜனஸபா⁴வ’’ந்தி. ஞாணேன பு²ஸித்வா பு²ஸித்வாதி புப்³ப³பா⁴கே³ விபஸ்ஸனாஞாணேன அனிச்சா பப⁴ங்கு³னோதி ஆரம்மணதோ, உத்தரகாலங் அஸம்மோஹதோ மக்³க³பரம்பராய பு²ஸித்வா பு²ஸித்வா வயங் பஸ்ஸந்தோ. விரஜ்ஜதீதி மக்³க³விராகே³ன விரஜ்ஜதி. ஸம்மஸனசாரவேத³னா கதி²தா ஆரத்³த⁴விபஸ்ஸகானங் வஸேன தே³ஸனாதி. லோகியலோகுத்தரேஹி ஞாணேஹி யாதா²வதோ பரிஜானநங் படிவிஜ்ஜ²னங் ஞாணபு²ஸனங்.
250. Dukkhaṃ na hotīti adukkhaṃ, sukhaṃ na hotīti asukhaṃ, ma-kāro padasandhikaro. Adukkhamasukhanti vedayitasaddāpekkhāya napuṃsakaniddeso. Saparasantānagate sandhāya ajjhattabahiddhāgahaṇanti āha ‘‘attano ca parassa cā’’ti. Tena sabbampi vedayitaṃ gahitanti daṭṭhabbaṃ . Nassanasabhāvanti ittarakhaṇatāya bhaṅgato uddhaṃ apassitabbasabhāvaṃ. Paloko bhedo etassa atthīti palokinaṃ. Tenāha ‘‘bhijjanasabhāva’’nti. Ñāṇena phusitvā phusitvāti pubbabhāge vipassanāñāṇena aniccā pabhaṅgunoti ārammaṇato, uttarakālaṃ asammohato maggaparamparāya phusitvā phusitvā vayaṃ passanto. Virajjatīti maggavirāgena virajjati. Sammasanacāravedanā kathitā āraddhavipassakānaṃ vasena desanāti. Lokiyalokuttarehi ñāṇehi yāthāvato parijānanaṃ paṭivijjhanaṃ ñāṇaphusanaṃ.
ஸுக²ஸுத்தவண்ணனா நிட்டி²தா.
Sukhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ஸுக²ஸுத்தங் • 2. Sukhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ஸுக²ஸுத்தவண்ணனா • 2. Sukhasuttavaṇṇanā
