| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. ஸுபண்ணஸங்யுத்தவண்ணனா
9. Supaṇṇasaṃyuttavaṇṇanā
392-437. பத்தானந்தி உபோ⁴ஸு பக்கே²ஸு பத்தானங். வண்ணவந்ததாயாதி அதிஸயேன விசித்தவண்ணதாய. அதிஸயத்தோ² ஹி அயங் வந்த-ஸத்³தோ³. புரிமனயேனாதி நாக³ஸங்யுத்தே பட²மஸுத்தே வுத்தனயேன. உத்³த⁴ரந்தீதி ஸமுத்³த³தோ உத்³த⁴ரந்தி, பத²வந்தரபப்³ப³தந்தரதோ பன தேஸங் உத்³த⁴ரணங் து³க்கரமேவ. பணீததரேதி ப³லேன பணீததரே, ப³லவந்தேதி அத்தோ². அனுத்³த⁴ரணீயனாகா³தி ஆனுபா⁴வமஹந்ததாய ச வஸனட்டா²னவிது³க்³க³தாய ச உத்³த⁴ரிதுங் அஸக்குணெய்யா நாகா³. தே ‘‘ஸத்தவிதா⁴’’தி வத்வா ஸரூபதோ வஸனட்டா²னதோ ச த³ஸ்ஸெந்தோ ‘‘கம்ப³லஸ்ஸதரா’’திஆதி³மாஹ. தத்த² கம்ப³லஸ்ஸதரா த⁴தரட்டா²தி இமே ஜாதிவஸேன வுத்தா. ஸத்தஸீத³ந்தரவாஸினோதி ஸத்தவித⁴ஸீத³ஸமுத்³த³வாஸினோ. பத²விட்ட²காதி பத²வந்தரவாஸினோ, ததா² பப்³ப³தட்ட²கா. தே ச விமானவாஸினோ. தே நாகே³ கோசி ஸுபண்ணோ உத்³த⁴ரிதுங் ந ஸக்கோதீதி ஸம்ப³ந்தோ⁴. ஸேஸந்தி ‘‘காயேன த்³வயகாரினோ’’திஆதீ³ஸு யங் வத்தப்³ப³ங், தங் ஸப்³ப³ங் நாக³ஸங்யுத்தே வுத்தனயமேவ, தத்த² ச வுத்தனயேனேவ அத்தோ² வேதி³தப்³போ³தி அதி⁴ப்பாயோ.
392-437.Pattānanti ubhosu pakkhesu pattānaṃ. Vaṇṇavantatāyāti atisayena vicittavaṇṇatāya. Atisayattho hi ayaṃ vanta-saddo. Purimanayenāti nāgasaṃyutte paṭhamasutte vuttanayena. Uddharantīti samuddato uddharanti, pathavantarapabbatantarato pana tesaṃ uddharaṇaṃ dukkarameva. Paṇītatareti balena paṇītatare, balavanteti attho. Anuddharaṇīyanāgāti ānubhāvamahantatāya ca vasanaṭṭhānaviduggatāya ca uddharituṃ asakkuṇeyyā nāgā. Te ‘‘sattavidhā’’ti vatvā sarūpato vasanaṭṭhānato ca dassento ‘‘kambalassatarā’’tiādimāha. Tattha kambalassatarā dhataraṭṭhāti ime jātivasena vuttā. Sattasīdantaravāsinoti sattavidhasīdasamuddavāsino. Pathaviṭṭhakāti pathavantaravāsino, tathā pabbataṭṭhakā. Te ca vimānavāsino. Te nāge koci supaṇṇo uddharituṃ na sakkotīti sambandho. Sesanti ‘‘kāyena dvayakārino’’tiādīsu yaṃ vattabbaṃ, taṃ sabbaṃ nāgasaṃyutte vuttanayameva, tattha ca vuttanayeneva attho veditabboti adhippāyo.
ஸுபண்ணஸங்யுத்தவண்ணனா நிட்டி²தா.
Supaṇṇasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. ஸுத்³தி⁴கஸுத்தங் • 1. Suddhikasuttaṃ
2. ஹரந்திஸுத்தங் • 2. Harantisuttaṃ
3. த்³வயகாரீஸுத்தங் • 3. Dvayakārīsuttaṃ
4-6. து³தியாதி³த்³வயகாரீஸுத்தத்திகங் • 4-6. Dutiyādidvayakārīsuttattikaṃ
7-16. அண்ட³ஜதா³னூபகாரஸுத்தத³ஸகங் • 7-16. Aṇḍajadānūpakārasuttadasakaṃ
17-46. ஜலாபு³ஜாதி³தா³னூபகாரஸுத்ததிங்ஸகங் • 17-46. Jalābujādidānūpakārasuttatiṃsakaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸுபண்ணஸங்யுத்தவண்ணனா • 9. Supaṇṇasaṃyuttavaṇṇanā
