| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. સુપણ્ણસંયુત્તવણ્ણના
9. Supaṇṇasaṃyuttavaṇṇanā
૩૯૨-૪૩૭. સુપણ્ણસંયુત્તે પત્તાનં વણ્ણવન્તતાય ગરુળા સુપણ્ણાતિ વુત્તા. ઇધાપિ પઠમસુત્તં પુરિમનયેનેવ અટ્ઠુપ્પત્તિયં વુત્તં. હરન્તીતિ ઉદ્ધરન્તિ. ઉદ્ધરમાના ચ પન તે અત્તના હીને વા સમે વા ઉદ્ધરિતું સક્કોન્તિ, ન અત્તના પણીતતરે. સત્તવિધા હિ અનુદ્ધરણીયનાગા નામ પણીતતરા કમ્બલસ્સતરા ધતરટ્ઠા સત્તસીદન્તરવાસિનો પથવિટ્ઠકા પબ્બતટ્ઠકા વિમાનટ્ઠકાતિ. તત્ર અણ્ડજાદીનં જલાબુજાદયો પણીતતરા , તે તેહિ અનુદ્ધરણીયા. કમ્બલસ્સતરા પન નાગસેનાપતિનો, તે યત્થ કત્થચિ દિસ્વા યો કોચિ સુપણ્ણો ઉદ્ધરિતું ન સક્કોતિ. ધતરટ્ઠા પન નાગરાજાનો, તેપિ કોચિ ઉદ્ધરિતું ન સક્કોતિ. યે પન સત્તસીદન્તરે મહાસમુદ્દે વસન્તિ, તે યસ્મા કત્થચિ વિકમ્પનં કાતું ન સક્કા, તસ્મા કોચિ ઉદ્ધરિતું ન સક્કોતિ. પથવિટ્ઠકાદીનં નિલીયનોકાસો અત્થિ, તસ્મા તેપિ ઉદ્ધરિતું ન સક્કોતિ. યે પન મહાસમુદ્દે ઊમિપિટ્ઠે વસન્તિ, તે યો કોચિ સમો વા પણીતતરો વા સુપણ્ણો ઉદ્ધરિતું સક્કોતિ. સેસં નાગસંયુત્તે વુત્તનયમેવાતિ.
392-437. Supaṇṇasaṃyutte pattānaṃ vaṇṇavantatāya garuḷā supaṇṇāti vuttā. Idhāpi paṭhamasuttaṃ purimanayeneva aṭṭhuppattiyaṃ vuttaṃ. Harantīti uddharanti. Uddharamānā ca pana te attanā hīne vā same vā uddharituṃ sakkonti, na attanā paṇītatare. Sattavidhā hi anuddharaṇīyanāgā nāma paṇītatarā kambalassatarā dhataraṭṭhā sattasīdantaravāsino pathaviṭṭhakā pabbataṭṭhakā vimānaṭṭhakāti. Tatra aṇḍajādīnaṃ jalābujādayo paṇītatarā , te tehi anuddharaṇīyā. Kambalassatarā pana nāgasenāpatino, te yattha katthaci disvā yo koci supaṇṇo uddharituṃ na sakkoti. Dhataraṭṭhā pana nāgarājāno, tepi koci uddharituṃ na sakkoti. Ye pana sattasīdantare mahāsamudde vasanti, te yasmā katthaci vikampanaṃ kātuṃ na sakkā, tasmā koci uddharituṃ na sakkoti. Pathaviṭṭhakādīnaṃ nilīyanokāso atthi, tasmā tepi uddharituṃ na sakkoti. Ye pana mahāsamudde ūmipiṭṭhe vasanti, te yo koci samo vā paṇītataro vā supaṇṇo uddharituṃ sakkoti. Sesaṃ nāgasaṃyutte vuttanayamevāti.
સુપણ્ણસંયુત્તવણ્ણના નિટ્ઠિતા.
Supaṇṇasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૧. સુદ્ધિકસુત્તં • 1. Suddhikasuttaṃ
૨. હરન્તિસુત્તં • 2. Harantisuttaṃ
૩. દ્વયકારીસુત્તં • 3. Dvayakārīsuttaṃ
૪-૬. દુતિયાદિદ્વયકારીસુત્તત્તિકં • 4-6. Dutiyādidvayakārīsuttattikaṃ
૭-૧૬. અણ્ડજદાનૂપકારસુત્તદસકં • 7-16. Aṇḍajadānūpakārasuttadasakaṃ
૧૭-૪૬. જલાબુજાદિદાનૂપકારસુત્તતિંસકં • 17-46. Jalābujādidānūpakārasuttatiṃsakaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. સુપણ્ણસંયુત્તવણ્ણના • 9. Supaṇṇasaṃyuttavaṇṇanā
