| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. ஸுபதிஸுத்தவண்ணனா
7. Supatisuttavaṇṇanā
143. உதுகா³ஹாபனத்த²ங் தோ⁴வித்வா, ந ரஜோஜல்லவிக்கா²லனத்த²ங். தேனாஹ ‘‘பு³த்³தா⁴னங் பனா’’திஆதி³. தோ⁴தபாத³கே கே³ஹேதி தோ⁴தபாதே³ஹி அக்கமிதப்³ப³கே. வத்தபே⁴தோ³ நாம நத்தி² த⁴ம்மஸ்ஸாமிபா⁴வதோ. வத்தஸீஸே ட²த்வா தோ⁴வந்தி அஞ்ஞேஸங் தி³ட்டா²னுக³திஆபஜ்ஜனத்த²ங். ஸொப்பபரிக்³கா³ஹகேனாதி எத்த² ஸொப்பங் நாம நித்³தா³ய அந்தரந்தரா பவத்தகிரியமயசித்தப்பவத்திரஹிதா நிரந்தரப⁴வங்க³ஸந்ததீதி தங் ஸபா⁴வதோ பயோஜனதோ காலபரிச்சே²த³தோ பரிக்³கா³ஹகங் உபரினித்³தே³ஸஸதிஸம்பஜஞ்ஞங் ஸந்தா⁴ய வுத்தங் ‘‘ஸொப்பபரிக்³கா³ஹகேன ஸதிஸம்பஜஞ்ஞேனா’’தி. கேசி பன ‘‘நித்³தா³ஸொப்பனா’’தி வத³ந்தி, தங் ப⁴க³வதோ ஸொப்பங் ஹீளெந்தோ வத³தி.
143.Utugāhāpanatthaṃdhovitvā, na rajojallavikkhālanatthaṃ. Tenāha ‘‘buddhānaṃ panā’’tiādi. Dhotapādake geheti dhotapādehi akkamitabbake. Vattabhedo nāma natthi dhammassāmibhāvato. Vattasīseṭhatvā dhovanti aññesaṃ diṭṭhānugatiāpajjanatthaṃ. Soppapariggāhakenāti ettha soppaṃ nāma niddāya antarantarā pavattakiriyamayacittappavattirahitā nirantarabhavaṅgasantatīti taṃ sabhāvato payojanato kālaparicchedato pariggāhakaṃ upariniddesasatisampajaññaṃ sandhāya vuttaṃ ‘‘soppapariggāhakena satisampajaññenā’’ti. Keci pana ‘‘niddāsoppanā’’ti vadanti, taṃ bhagavato soppaṃ hīḷento vadati.
கிங் நூதி எத்த²ங் கிந்தி ஹேதுனிஸ்ஸக்கே பச்சத்தவசனந்தி ஆஹ ‘‘கஸ்மா நு ஸுபஸீ’’தி? து³ப்³ப⁴கோ³ வுச்சதி நிஸ்ஸிரிகோ பி⁴ன்னப⁴கோ³, ஸோ பன மதஸதி³ஸோ விஸஞ்ஞிஸதி³ஸோ ச ஹோதீதி ஆஹ ‘‘மதோ விய விஸஞ்ஞீ விய சா’’தி.
Kiṃ nūti etthaṃ kinti hetunissakke paccattavacananti āha ‘‘kasmā nu supasī’’ti? Dubbhago vuccati nissiriko bhinnabhago, so pana matasadiso visaññisadiso ca hotīti āha ‘‘mato viya visaññī viya cā’’ti.
ஆதி³னாதி ஆதி³-ஸத்³தே³ன ‘‘பா³ஹிரஸ்ஸ உபாதா³ய அட்டா²ரஸா’’திஆதி³னா (விப⁴॰ 842) ஆக³தங் தண்ஹாகொட்டா²ஸங் ஸங்க³ண்ஹாதி. தத்த² தத்த² விஸத்ததாயாதி தம்மிங் தஸ்மிங் ஆரம்மணே விஸேஸதோ ஆஸத்தபா⁴வேன. விஸஸ்ஸ து³க்க²னிப்³ப³த்தககம்மஸ்ஸ ஹேதுபா⁴வதோ விஸமூலதா விஸங் வா து³க்க²து³க்கா²தி³பூ⁴தவேத³னா மூலங் ஏதஸ்ஸாதி விஸமூலா, தண்ஹா. தஸ்ஸ ரூபாதி³கஸ்ஸ து³க்க²ஸ்ஸ பரிபோ⁴கோ³, ந அமதஸ்ஸாதி விஸபரிபோ⁴க³தா. கத்த²சி நேதுந்தி கத்த²சி ப⁴வே ஸப்³ப³தா² நேதுங்? பரிக்க²யாதி ஸப்³ப³ஸோ கீ²ணத்தா. துய்ஹங் கிங் எத்தா²தி ஸப்³பு³பதி⁴பரிக்க²யா ஸுத்³த⁴ஸ்ஸ மம படிபத்தியங் துய்ஹங் கிங் உஜ்ஜா²யனங்? கேவலங் விகா⁴தோயேவ தேதி த³ஸ்ஸேதி.
Ādināti ādi-saddena ‘‘bāhirassa upādāya aṭṭhārasā’’tiādinā (vibha. 842) āgataṃ taṇhākoṭṭhāsaṃ saṅgaṇhāti. Tattha tattha visattatāyāti tammiṃ tasmiṃ ārammaṇe visesato āsattabhāvena. Visassa dukkhanibbattakakammassa hetubhāvato visamūlatā visaṃ vā dukkhadukkhādibhūtavedanā mūlaṃ etassāti visamūlā, taṇhā. Tassa rūpādikassa dukkhassa paribhogo, na amatassāti visaparibhogatā. Katthaci netunti katthaci bhave sabbathā netuṃ? Parikkhayāti sabbaso khīṇattā. Tuyhaṃ kiṃ etthāti sabbupadhiparikkhayā suddhassa mama paṭipattiyaṃ tuyhaṃ kiṃ ujjhāyanaṃ? Kevalaṃ vighātoyeva teti dasseti.
ஸுபதிஸுத்தவண்ணனா நிட்டி²தா.
Supatisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. ஸுபதிஸுத்தங் • 7. Supatisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஸுபதிஸுத்தவண்ணனா • 7. Supatisuttavaṇṇanā
