| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. ஸூரியஸுத்தவண்ணனா
10. Sūriyasuttavaṇṇanā
91. அந்த⁴பா⁴வகரணேதி லோகஸ்ஸ அந்த⁴கரணேதிபி அபரே. தேனாஹ ‘‘தமஸீ’’தி. விரோசதீதி விஜ்ஜோததி. காமங் தே³வபுத்தவஸேன பட²மங் தே³வதா உத்³த⁴டா, ராஹுனோ பன பயோகோ³ தஸ்ஸ விமானேதி ஆஹ ‘‘மண்ட³லீதி மண்ட³லஸண்டா²னோ’’தி. வத³தி ததா³ முகே²ன க³ஹிதத்தா. முகே²ன க³ஹணஞ்செத்த² ‘‘கி³லீ’’தி அதி⁴ப்பேதங், ந ச அஜ்ஜோ²ஹரணந்தி ஆஹ ‘‘கி³லீதி வத³தீ’’தி. இதா³னி தஸ்ஸ முகே²ன க³ஹணஸமத்த²தங் த³ஸ்ஸேதுங் ‘‘ராஹுஸ்ஸ ஹீ’’திஆதி³ வுத்தங். ஸோதிஆதி³ தஸ்ஸ சந்தி³மஸூரியானங் க³ஹணகாரணத³ஸ்ஸனங். அதி⁴வத்தா² தே³வதாதி சந்தி³மஸூரியானங் பரிசாரகதே³வதா. வேக³ந்தி ஜவங். ஸோ ஹி கேனசி அபி⁴முக²ங் அதிது³ன்னிவாரோ கம்மனியாமஸித்³தோ⁴. மத்த²கந்தி கண்ட²ஸ்ஸ உபரிமதே³ஸங். கேசி ‘‘ஸீஸமத்த²கமேவா’’தி வத³ந்தி. நிக்க²மெய்ய வேக³ஸ்ஸ திக்க²ஸீக⁴தா²மபா⁴வதோ. ஆகட்³டி⁴த்வாதி அத்தனோ க³மனதி³ஸாபி⁴முக²ங் ஆகட்³டி⁴த்வா. நந்தி ராஹுங். உத்³த⁴ங் உல்லங்கே⁴துகாமம்பி ஓனமெய்ய. பத³த்³வயேனபி ஸோ மஹாஸரீரோ மஹாப³லோ, சந்தி³மஸூரியானங் பன க³மனவேகோ³ தேன ஸப்³ப³தா²பி து³ன்னிவாரியோவாதி த³ஸ்ஸேதி. விமானேனாதி சந்த³க்³க³ஹே சந்த³விமானேன, ஸூரியக்³க³ஹே ஸூரியவிமானேன உபி⁴ன்னம்பி விமானேன ஸஹேவ. அமாவாஸியஞ்ஹி த்³வே விமானானி யோஜனமத்தந்தரிதானி ஹுத்வா ஸஹேவ பவத்தந்தி. யதி³ த்³வேபி தே³வபுத்தா ஸோதாபத்திப²லங் பத்தா, அத² கஸ்மா ஸூரியஸுத்தே ஏவ ‘‘பஜங் மம’’ந்தி வுத்தங், ந சந்த³ஸுத்தேதி? ‘‘ஸோ ச கிர ந சிரஸ்ஸேவ ததோ சவித்வா அஞ்ஞத்த² நிப்³ப³த்தோ, அஞ்ஞா ஏவ ச தே³வதா தத்த² வஸி, யஸ்மிங் சந்த³க்³க³ஹே ப⁴க³வா தங் கா³த²ங் அபா⁴ஸி, ந ததா² ஸூரியோ, அபரபா⁴கே³ பன தத்த²பி காலேன காலங் ராஹுக்³க³ஹோ ஹோதீ’’தி வத³ந்தி.
91.Andhabhāvakaraṇeti lokassa andhakaraṇetipi apare. Tenāha ‘‘tamasī’’ti. Virocatīti vijjotati. Kāmaṃ devaputtavasena paṭhamaṃ devatā uddhaṭā, rāhuno pana payogo tassa vimāneti āha ‘‘maṇḍalīti maṇḍalasaṇṭhāno’’ti. Vadati tadā mukhena gahitattā. Mukhena gahaṇañcettha ‘‘gilī’’ti adhippetaṃ, na ca ajjhoharaṇanti āha ‘‘gilīti vadatī’’ti. Idāni tassa mukhena gahaṇasamatthataṃ dassetuṃ ‘‘rāhussa hī’’tiādi vuttaṃ. Sotiādi tassa candimasūriyānaṃ gahaṇakāraṇadassanaṃ. Adhivatthā devatāti candimasūriyānaṃ paricārakadevatā. Veganti javaṃ. So hi kenaci abhimukhaṃ atidunnivāro kammaniyāmasiddho. Matthakanti kaṇṭhassa uparimadesaṃ. Keci ‘‘sīsamatthakamevā’’ti vadanti. Nikkhameyya vegassa tikkhasīghathāmabhāvato. Ākaḍḍhitvāti attano gamanadisābhimukhaṃ ākaḍḍhitvā. Nanti rāhuṃ. Uddhaṃ ullaṅghetukāmampi onameyya. Padadvayenapi so mahāsarīro mahābalo, candimasūriyānaṃ pana gamanavego tena sabbathāpi dunnivāriyovāti dasseti. Vimānenāti candaggahe candavimānena, sūriyaggahe sūriyavimānena ubhinnampi vimānena saheva. Amāvāsiyañhi dve vimānāni yojanamattantaritāni hutvā saheva pavattanti. Yadi dvepi devaputtā sotāpattiphalaṃ pattā, atha kasmā sūriyasutte eva ‘‘pajaṃ mama’’nti vuttaṃ, na candasutteti? ‘‘So ca kira na cirasseva tato cavitvā aññattha nibbatto, aññā eva ca devatā tattha vasi, yasmiṃ candaggahe bhagavā taṃ gāthaṃ abhāsi, na tathā sūriyo, aparabhāge pana tatthapi kālena kālaṃ rāhuggaho hotī’’ti vadanti.
ஸூரியஸுத்தவண்ணனா நிட்டி²தா.
Sūriyasuttavaṇṇanā niṭṭhitā.
பட²மவக்³க³வண்ணனா நிட்டி²தா.
Paṭhamavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஸூரியஸுத்தங் • 10. Sūriyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. ஸூரியஸுத்தவண்ணனா • 10. Sūriyasuttavaṇṇanā
