| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
411. ஸுஸீமஜாதகங் (7-2-6)
411. Susīmajātakaṃ (7-2-6)
114.
114.
காளானி கேஸானி புரே அஹேஸுங், ஜாதானி ஸீஸம்ஹி யதா²பதே³ஸே;
Kāḷāni kesāni pure ahesuṃ, jātāni sīsamhi yathāpadese;
தானஜ்ஜ ஸேதானி ஸுஸீம 1 தி³ஸ்வா, த⁴ம்மங் சர ப்³ரஹ்மசரியஸ்ஸ காலோ.
Tānajja setāni susīma 2 disvā, dhammaṃ cara brahmacariyassa kālo.
115.
115.
மமேவ தே³வ பலிதங் ந துய்ஹங், மமேவ ஸீஸங் மம உத்தமங்க³ங்;
Mameva deva palitaṃ na tuyhaṃ, mameva sīsaṃ mama uttamaṅgaṃ;
‘‘அத்த²ங் கரிஸ்ஸ’’ந்தி முஸா அபா⁴ணிங் 3, ஏகாபராத⁴ங் க²ம ராஜஸெட்ட².
‘‘Atthaṃ karissa’’nti musā abhāṇiṃ 4, ekāparādhaṃ khama rājaseṭṭha.
116.
116.
த³ஹரோ துவங் த³ஸ்ஸனியோஸி ராஜ, பட²முக்³க³தோ ஹோஸி 5 யதா² களீரோ;
Daharo tuvaṃ dassaniyosi rāja, paṭhamuggato hosi 6 yathā kaḷīro;
ரஜ்ஜஞ்ச காரேஹி மமஞ்ச பஸ்ஸ, மா காலிகங் அனுதா⁴வீ ஜனிந்த³.
Rajjañca kārehi mamañca passa, mā kālikaṃ anudhāvī janinda.
117.
117.
பஸ்ஸாமி வோஹங் த³ஹரிங் குமாரிங், ஸாமட்ட²பஸ்ஸங் ஸுதனுங் ஸுமஜ்ஜ²ங்;
Passāmi vohaṃ dahariṃ kumāriṃ, sāmaṭṭhapassaṃ sutanuṃ sumajjhaṃ;
காளப்பவாளாவ பவேல்லமானா, பலோப⁴யந்தீவ 7 நரேஸு க³ச்ச²தி.
Kāḷappavāḷāva pavellamānā, palobhayantīva 8 naresu gacchati.
118.
118.
தமேன பஸ்ஸாமிபரேன நாரிங், ஆஸீதிகங் நாவுதிகங் வ ஜச்சா;
Tamena passāmiparena nāriṃ, āsītikaṃ nāvutikaṃ va jaccā;
த³ண்ட³ங் க³ஹெத்வான பவேத⁴மானங், கோ³பானஸீபொ⁴க்³க³ஸமங் சரந்திங்.
Daṇḍaṃ gahetvāna pavedhamānaṃ, gopānasībhoggasamaṃ carantiṃ.
119.
119.
ஸோஹங் தமேவானுவிசிந்தயந்தோ, ஏகோ ஸயாமி 9 ஸயனஸ்ஸ மஜ்ஜே²;
Sohaṃ tamevānuvicintayanto, eko sayāmi 10 sayanassa majjhe;
‘‘அஹம்பி ஏவங்’’ இதி பெக்க²மானோ, ந க³ஹே ரமே 11 ப்³ரஹ்மசரியஸ்ஸ காலோ.
‘‘Ahampi evaṃ’’ iti pekkhamāno, na gahe rame 12 brahmacariyassa kālo.
120.
120.
ரஜ்ஜுவாலம்ப³னீ சேஸா, யா கே³ஹே வஸதோ ரதி;
Rajjuvālambanī cesā, yā gehe vasato rati;
ஏவம்பி செ²த்வான வஜந்தி தீ⁴ரா, அனபெக்கி²னோ காமஸுக²ங் பஹாயாதி.
Evampi chetvāna vajanti dhīrā, anapekkhino kāmasukhaṃ pahāyāti.
ஸுஸீமஜாதகங் ச²ட்ட²ங்.
Susīmajātakaṃ chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [411] 6. ஸுஸீமஜாதகவண்ணனா • [411] 6. Susīmajātakavaṇṇanā
