| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. ஸுஸ்ஸூஸதிஸுத்தங்
4. Sussūsatisuttaṃ
88. ‘‘ச²ஹி, பி⁴க்க²வே, த⁴ம்மேஹி ஸமன்னாக³தோ ஸுணந்தோபி ஸத்³த⁴ம்மங் அப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி ச²ஹி? ததா²க³தப்பவேதி³தே த⁴ம்மவினயே தே³ஸியமானே ந ஸுஸ்ஸூஸதி, ந ஸோதங் ஓத³ஹதி, ந அஞ்ஞா சித்தங் உபட்டா²பேதி 1, அனத்த²ங் க³ண்ஹாதி, அத்த²ங் ரிஞ்சதி, அனநுலோமிகாய க²ந்தியா ஸமன்னாக³தோ ஹோதி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ ஸுணந்தோபி ஸத்³த⁴ம்மங் அப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங்.
88. ‘‘Chahi, bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi chahi? Tathāgatappavedite dhammavinaye desiyamāne na sussūsati, na sotaṃ odahati, na aññā cittaṃ upaṭṭhāpeti 2, anatthaṃ gaṇhāti, atthaṃ riñcati, ananulomikāya khantiyā samannāgato hoti. Imehi kho, bhikkhave, chahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
‘‘ச²ஹி , பி⁴க்க²வே, த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி ச²ஹி? ததா²க³தப்பவேதி³தே த⁴ம்மவினயே தே³ஸியமானே ஸுஸ்ஸூஸதி, ஸோதங் ஓத³ஹதி, அஞ்ஞா சித்தங் உபட்டா²பேதி, அத்த²ங் க³ண்ஹாதி, அனத்த²ங் ரிஞ்சதி, அனுலோமிகாய க²ந்தியா ஸமன்னாக³தோ ஹோதி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்த’’ந்தி. சதுத்த²ங்.
‘‘Chahi , bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi chahi? Tathāgatappavedite dhammavinaye desiyamāne sussūsati, sotaṃ odahati, aññā cittaṃ upaṭṭhāpeti, atthaṃ gaṇhāti, anatthaṃ riñcati, anulomikāya khantiyā samannāgato hoti. Imehi kho, bhikkhave, chahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4-5. ஸுஸ்ஸூஸதிஸுத்தாதி³வண்ணனா • 4-5. Sussūsatisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-11. ஆவரணஸுத்தாதி³வண்ணனா • 2-11. Āvaraṇasuttādivaṇṇanā
