| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૨. દુતિયવગ્ગો
2. Dutiyavaggo
૧. સુવણ્ણપાતિસુત્તં
1. Suvaṇṇapātisuttaṃ
૧૬૭. સાવત્થિયં વિહરતિ…પે॰… ‘‘દારુણો, ભિક્ખવે, લાભસક્કારસિલોકો…પે॰… અધિગમાય. ઇધાહં, ભિક્ખવે, એકચ્ચં પુગ્ગલં એવં ચેતસા ચેતો પરિચ્ચ પજાનામિ – ‘ન ચાયમાયસ્મા સુવણ્ણપાતિયાપિ રૂપિયચુણ્ણપરિપૂરાય હેતુ સમ્પજાનમુસા ભાસેય્યા’તિ. તમેનં પસ્સામિ અપરેન સમયેન લાભસક્કારસિલોકેન અભિભૂતં પરિયાદિણ્ણચિત્તં સમ્પજાનમુસા ભાસન્તં. એવં દારુણો ખો, ભિક્ખવે, લાભસક્કારસિલોકો…પે॰… એવઞ્હિ વો, ભિક્ખવે, સિક્ખિતબ્બ’’ન્તિ. પઠમં.
167. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Idhāhaṃ, bhikkhave, ekaccaṃ puggalaṃ evaṃ cetasā ceto paricca pajānāmi – ‘na cāyamāyasmā suvaṇṇapātiyāpi rūpiyacuṇṇaparipūrāya hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૨. સુવણ્ણપાતિસુત્તાદિવણ્ણના • 1-2. Suvaṇṇapātisuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૨. સુવણ્ણપાતિસુત્તાદિવણ્ણના • 1-2. Suvaṇṇapātisuttādivaṇṇanā
