| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૫. તથતાકથાવણ્ણના
5. Tathatākathāvaṇṇanā
૮૪૧-૮૪૩. રૂપાદીનં સભાવતાતિ એતેન રૂપાદયો એવ સભાવતાતિ ઇમમત્થં પટિક્ખિપતિ . યતો તં પરવાદી રૂપાદીસુ અપરિયાપન્નં ઇચ્છતિ. તેનાહ ‘‘ભાવં હેસ તથતાતિ વદતિ, ન ભાવયોગ’’ન્તિ. તત્થ ભાવન્તિ ધમ્મમત્તં, પકતીતિ અત્થો ‘‘જાતિધમ્મ’’ન્તિઆદીસુ વિય. રૂપાદીનઞ્હિ રુપ્પનાદિપકતિ તથા અસઙ્ખતાતિ ચ પરવાદિનો લદ્ધિ. તેન વુત્તં ‘‘ન ભાવયોગ’’ન્તિ. યેન હિ ભાવો સભાવધમ્મો યુજ્જતિ, એકીભાવમેવ ગચ્છતિ, તં રુપ્પનાદિલક્ખણં ભાવયોગો. તં પન રૂપાદિતો અનઞ્ઞં, તતો એવ સઙ્ખતં, અવિપરીતટ્ઠેન પન ‘‘તથ’’ન્તિ વુચ્ચતિ.
841-843. Rūpādīnaṃ sabhāvatāti etena rūpādayo eva sabhāvatāti imamatthaṃ paṭikkhipati . Yato taṃ paravādī rūpādīsu apariyāpannaṃ icchati. Tenāha ‘‘bhāvaṃ hesa tathatāti vadati, na bhāvayoga’’nti. Tattha bhāvanti dhammamattaṃ, pakatīti attho ‘‘jātidhamma’’ntiādīsu viya. Rūpādīnañhi ruppanādipakati tathā asaṅkhatāti ca paravādino laddhi. Tena vuttaṃ ‘‘na bhāvayoga’’nti. Yena hi bhāvo sabhāvadhammo yujjati, ekībhāvameva gacchati, taṃ ruppanādilakkhaṇaṃ bhāvayogo. Taṃ pana rūpādito anaññaṃ, tato eva saṅkhataṃ, aviparītaṭṭhena pana ‘‘tatha’’nti vuccati.
તથતાકથાવણ્ણના નિટ્ઠિતા.
Tathatākathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૯૦) ૫. તથતાકથા • (190) 5. Tathatākathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. તથતાકથાવણ્ણના • 5. Tathatākathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૫. તથતાકથાવણ્ણના • 5. Tathatākathāvaṇṇanā
