| Tipiṭaka / Tipiṭaka (English) / Saṁyutta Nikāya, English translation |
Show IAST transliterationසංයුත්ත නිකාය 22.28
The Related Suttas Collection 22.28
3. භාරවග්ග
3. The Burden
තතියඅස්සාදසුත්ත
Gratification (3rd)
සාවත්ථිනිදානං.
At Sāvatthī.
“නෝ චේදං, භික්ඛවේ, රූපස්ස අස්සාදෝ අභවිස්ස නයිදං සත්තා රූපස්මිං සාරජ්ජේය්‍යුං. යස්මා ච ඛෝ, භික්ඛවේ, අත්ථි රූපස්ස අස්සාදෝ, තස්මා සත්තා රූපස්මිං සාරජ්ජන්ති. නෝ චේදං, භික්ඛවේ, රූපස්ස ආදීනවෝ අභවිස්ස නයිදං සත්තා රූපස්මිං නිබ්බින්දේය්‍යුං. යස්මා ච ඛෝ, භික්ඛවේ, අත්ථි රූපස්ස ආදීනවෝ, තස්මා සත්තා රූපස්මිං නිබ්බින්දන්ති. නෝ චේදං, භික්ඛවේ, රූපස්ස නිස්සරණං අභවිස්ස නයිදං සත්තා රූපස්මා නිස්සරේය්‍යුං. යස්මා ච ඛෝ, භික්ඛවේ, අත්ථි රූපස්ස නිස්සරණං, තස්මා සත්තා රූපස්මා නිස්සරන්ති.
“Bhikkhus, if there were no gratification in form, sentient beings wouldn’t be aroused by it. But since there is gratification in form, sentient beings are aroused by it. If form had no drawback, sentient beings wouldn’t grow disillusioned with it. But since form has a drawback, sentient beings do grow disillusioned with it. If there were no escape from form, sentient beings wouldn’t escape from it. But since there is an escape from form, sentient beings do escape from it.
නෝ චේදං, භික්ඛවේ, වේදනාය …පේ… නෝ චේදං, භික්ඛවේ, සඤ්ඤාය … නෝ චේදං, භික්ඛවේ, සඞ්ඛාරානං නිස්සරණං අභවිස්ස, නයිදං සත්තා සඞ්ඛාරේහි නිස්සරේය්‍යුං. යස්මා ච ඛෝ, භික්ඛවේ, අත්ථි සඞ්ඛාරානං නිස්සරණං, තස්මා සත්තා සඞ්ඛාරේහි නිස්සරන්ති. නෝ චේදං, භික්ඛවේ, විඤ්ඤාණස්ස අස්සාදෝ අභවිස්ස, නයිදං සත්තා විඤ්ඤාණස්මිං සාරජ්ජේය්‍යුං. යස්මා ච ඛෝ, භික්ඛවේ, අත්ථි විඤ්ඤාණස්ස අස්සාදෝ, තස්මා සත්තා විඤ්ඤාණස්මිං සාරජ්ජන්ති. නෝ චේදං, භික්ඛවේ, විඤ්ඤාණස්ස ආදීනවෝ අභවිස්ස, නයිදං සත්තා විඤ්ඤාණස්මිං නිබ්බින්දේය්‍යුං. යස්මා ච ඛෝ, භික්ඛවේ, අත්ථි විඤ්ඤාණස්ස ආදීනවෝ, තස්මා සත්තා විඤ්ඤාණස්මිං නිබ්බින්දන්ති. නෝ චේදං, භික්ඛවේ, විඤ්ඤාණස්ස නිස්සරණං අභවිස්ස, නයිදං සත්තා විඤ්ඤාණස්මා නිස්සරේය්‍යුං. යස්මා ච ඛෝ, භික්ඛවේ, අත්ථි විඤ්ඤාණස්ස නිස්සරණං, තස්මා සත්තා විඤ්ඤාණස්මා නිස්සරන්ති.
If there were no gratification in feeling … perception … choices … consciousness, sentient beings wouldn’t be aroused by it. But since there is gratification in consciousness, sentient beings are aroused by it. If consciousness had no drawback, sentient beings wouldn’t grow disillusioned with it. But since consciousness has a drawback, sentient beings do grow disillusioned with it. If there were no escape from consciousness, sentient beings wouldn’t escape from it. But since there is an escape from consciousness, sentient beings do escape from it.
යාවකීවඤ්ච, භික්ඛවේ, සත්තා ඉමේසං පඤ්චන්නං උපාදානක්ඛන්ධානං අස්සාදඤ්ච අස්සාදතෝ ආදීනවඤ්ච ආදීනවතෝ නිස්සරණඤ්ච නිස්සරණතෝ යථාභූතං නාබ්භඤ්ඤංසු; නේව තාව, භික්ඛවේ, සත්තා සදේවකා ලෝකා සමාරකා සබ්‍රහ්මකා සස්සමණබ්‍රාහ්මණියා පජාය සදේවමනුස්සාය නිස්සටා විසංයුත්තා විප්පමුත්තා විමරියාදීකතේන චේතසා විහරිංසු.
As long as sentient beings don’t truly understand these five grasping aggregates’ gratification, drawback, and escape for what they are, they haven’t escaped from this world—with its gods, Māras, and Brahmās, this population with its ascetics and brahmins, its gods and humans—and they don’t live detached, liberated, with a mind free of limits.
යතෝ ච ඛෝ, භික්ඛවේ, සත්තා ඉමේසං පඤ්චන්නං උපාදානක්ඛන්ධානං අස්සාදඤ්ච අස්සාදතෝ ආදීනවඤ්ච ආදීනවතෝ නිස්සරණඤ්ච නිස්සරණතෝ යථාභූතං අබ්භඤ්ඤංසු; අථ, භික්ඛවේ, සත්තා සදේවකා ලෝකා සමාරකා සබ්‍රහ්මකා සස්සමණබ්‍රාහ්මණියා පජාය සදේවමනුස්සාය නිස්සටා විසංයුත්තා විප්පමුත්තා විමරියාදීකතේන චේතසා විහරන්ති”.
But when sentient beings truly understand these five grasping aggregates’ gratification, drawback, and escape for what they are, they’ve escaped from this world—with its gods, Māras, and Brahmās, this population with its ascetics and brahmins, its gods and humans—and they live detached, liberated, with a mind free of limits.”
සත්තමං.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
