| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. ததியஹிதஸுத்தங்
9. Tatiyahitasuttaṃ
19. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² நேவ அத்தஹிதாய படிபன்னோ ஹோதி, நோ பரஹிதாய. கதமேஹி பஞ்சஹி? இத⁴, பி⁴க்க²வே, பி⁴க்கு² அத்தனா ந ஸீலஸம்பன்னோ ஹோதி, நோ பரங் ஸீலஸம்பதா³ய ஸமாத³பேதி; அத்தனா ந ஸமாதி⁴ஸம்பன்னோ ஹோதி, நோ பரங் ஸமாதி⁴ஸம்பதா³ய ஸமாத³பேதி; அத்தனா ந பஞ்ஞாஸம்பன்னோ ஹோதி, நோ பரங் பஞ்ஞாஸம்பதா³ய ஸமாத³பேதி; அத்தனா ந விமுத்திஸம்பன்னோ ஹோதி, நோ பரங் விமுத்திஸம்பதா³ய ஸமாத³பேதி; அத்தனா ந விமுத்திஞாணத³ஸ்ஸனஸம்பன்னோ ஹோதி, நோ பரங் விமுத்திஞாணத³ஸ்ஸனஸம்பதா³ய ஸமாத³பேதி. இமேஹி கோ² , பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² நேவ அத்தஹிதாய படிபன்னோ ஹோதி, நோ பரஹிதாயா’’தி. நவமங்.
19. ‘‘Pañcahi, bhikkhave, dhammehi samannāgato bhikkhu neva attahitāya paṭipanno hoti, no parahitāya. Katamehi pañcahi? Idha, bhikkhave, bhikkhu attanā na sīlasampanno hoti, no paraṃ sīlasampadāya samādapeti; attanā na samādhisampanno hoti, no paraṃ samādhisampadāya samādapeti; attanā na paññāsampanno hoti, no paraṃ paññāsampadāya samādapeti; attanā na vimuttisampanno hoti, no paraṃ vimuttisampadāya samādapeti; attanā na vimuttiñāṇadassanasampanno hoti, no paraṃ vimuttiñāṇadassanasampadāya samādapeti. Imehi kho , bhikkhave, pañcahi dhammehi samannāgato bhikkhu neva attahitāya paṭipanno hoti, no parahitāyā’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-10. து³தியஹிதஸுத்தாதி³வண்ணனா • 8-10. Dutiyahitasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. த³ட்ட²ப்³ப³ஸுத்தாதி³வண்ணனா • 5-10. Daṭṭhabbasuttādivaṇṇanā
