| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. ததியஓவாத³ஸுத்தவண்ணனா
8. Tatiyaovādasuttavaṇṇanā
151. புப்³பே³தி பட²மபோ³தி⁴யங். ஏதரஹீதி ததோ பச்சி²மே காலே. காரணபட்ட²பனேதி காரணாரம்பே⁴. தேஸு வுத்தகு³ணயுத்தேஸு தே²ரேஸு. தஸ்மிந்தி தஸ்மிங் யதா²வுத்தகு³ணயுத்தே புக்³க³லே. ஏவங் ஸக்காரே கயிரமானேதி ‘‘ப⁴த்³த³கோ வதாயங் பி⁴க்கூ²’’தி ஆத³ரஜாதேஹி பி⁴க்கூ²ஹி ஸக்காரே கயிரமானே. இமே ஸப்³ரஹ்மசாரீ. ‘‘ஏஹி பி⁴க்கூ²’’தி தங் பி⁴க்கு²ங் அத்தனோ முகா²பி⁴முக²ங் கரொந்தா வத³ந்தி. யஞ்ஹி தந்தி எத்த² தந்தி நிபாதமத்தங் உபத்³த³வோதி வுச்சதி அனத்த²ஜனநதோ. பத்த²யதி ப⁴ஜதி ப³ஜ்ஜ²தீதி பத்த²னா, அபி⁴ஸங்கோ³தி ஆஹ ‘‘அபி⁴பத்த²னாதி அதி⁴மத்தபத்த²னா’’தி.
151.Pubbeti paṭhamabodhiyaṃ. Etarahīti tato pacchime kāle. Kāraṇapaṭṭhapaneti kāraṇārambhe. Tesu vuttaguṇayuttesu theresu. Tasminti tasmiṃ yathāvuttaguṇayutte puggale. Evaṃ sakkāre kayiramāneti ‘‘bhaddako vatāyaṃ bhikkhū’’ti ādarajātehi bhikkhūhi sakkāre kayiramāne. Ime sabrahmacārī. ‘‘Ehi bhikkhū’’ti taṃ bhikkhuṃ attano mukhābhimukhaṃ karontā vadanti. Yañhi tanti ettha tanti nipātamattaṃ upaddavoti vuccati anatthajananato. Patthayati bhajati bajjhatīti patthanā, abhisaṅgoti āha ‘‘abhipatthanāti adhimattapatthanā’’ti.
ததியஓவாத³ஸுத்தவண்ணனா நிட்டி²தா.
Tatiyaovādasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ததியஓவாத³ஸுத்தங் • 8. Tatiyaovādasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ததியஓவாத³ஸுத்தவண்ணனா • 8. Tatiyaovādasuttavaṇṇanā
