| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. તતિયસંખિત્તસુત્તવણ્ણના
4. Tatiyasaṃkhittasuttavaṇṇanā
૪૮૪. સીલક્ખન્ધાદીહિ સદ્ધિન્દ્રિયાદીહિ ચ પરિતો પૂરણેન પરિપૂરં અરહત્તમગ્ગં કરોન્તો નિપ્ફત્તિતો અરહત્તફલં આરાધેતિ નિપ્ફાદેતિ. તયો પદેસમગ્ગેતિ સીલક્ખન્ધાદીનં અપારિપૂરિયા એકદેસભૂતે તયો હેટ્ઠિમમગ્ગે. પદેસં હેટ્ઠિમફલત્તયં. ચતૂસૂતિ ઇમસ્મિં વગ્ગે પઠમાદીસુ ચતૂસુ સુત્તેસુ. કામઞ્ચેત્થ તતિયે ‘‘તતોતિ ફલવસેન નિસ્સક્ક’’ન્તિ વુત્તં, ચતુત્થે ‘‘પરિપૂરં પરિપૂરકારી આરાધેતિ, પદેસં પદેસકારી’’તિ, ‘‘ચતૂસુપિ સુત્તેસુ મિસ્સકાનેવ ઇન્દ્રિયાનિ કથિતાની’’તિ પન વચનતો વિપસ્સનાવસેનપિ યોજના લબ્ભતેવાતિ દટ્ઠબ્બં.
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. તતિયસંખિત્તસુત્તં • 4. Tatiyasaṃkhittasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. તતિયસંખિત્તસુત્તવણ્ણના • 4. Tatiyasaṃkhittasuttavaṇṇanā
