| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ததியஸம்மத்தனியாமஸுத்தங்
3. Tatiyasammattaniyāmasuttaṃ
153. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஸுணந்தோபி ஸத்³த⁴ம்மங் அப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி பஞ்சஹி? மக்கீ² த⁴ம்மங் ஸுணாதி மக்க²பரியுட்டி²தோ, உபாரம்ப⁴சித்தோ 1 த⁴ம்மங் ஸுணாதி ரந்த⁴க³வேஸீ, த⁴ம்மதே³ஸகே ஆஹதசித்தோ ஹோதி கீ²லஜாதோ 2, து³ப்பஞ்ஞோ ஹோதி ஜளோ ஏளமூகோ³, அனஞ்ஞாதே அஞ்ஞாதமானீ ஹோதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஸுணந்தோபி ஸத்³த⁴ம்மங் அப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங்.
153. ‘‘Pañcahi, bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi pañcahi? Makkhī dhammaṃ suṇāti makkhapariyuṭṭhito, upārambhacitto 3 dhammaṃ suṇāti randhagavesī, dhammadesake āhatacitto hoti khīlajāto 4, duppañño hoti jaḷo eḷamūgo, anaññāte aññātamānī hoti. Imehi kho, bhikkhave, pañcahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி பஞ்சஹி? அமக்கீ² த⁴ம்மங் ஸுணாதி ந மக்க²பரியுட்டி²தோ, அனுபாரம்ப⁴சித்தோ த⁴ம்மங் ஸுணாதி ந ரந்த⁴க³வேஸீ, த⁴ம்மதே³ஸகே அனாஹதசித்தோ ஹோதி அகீ²லஜாதோ, பஞ்ஞவா ஹோதி அஜளோ அனேளமூகோ³, ந அனஞ்ஞாதே அஞ்ஞாதமானீ ஹோதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்த’’ந்தி. ததியங்.
‘‘Pañcahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi pañcahi? Amakkhī dhammaṃ suṇāti na makkhapariyuṭṭhito, anupārambhacitto dhammaṃ suṇāti na randhagavesī, dhammadesake anāhatacitto hoti akhīlajāto, paññavā hoti ajaḷo aneḷamūgo, na anaññāte aññātamānī hoti. Imehi kho, bhikkhave, pañcahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. ததியஸம்மத்தனியாமஸுத்தவண்ணனா • 3. Tatiyasammattaniyāmasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (16) 1. ஸத்³த⁴ம்மவக்³கோ³ • (16) 1. Saddhammavaggo
