| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. த²பதிஸுத்தவண்ணனா
6. Thapatisuttavaṇṇanā
1002. (விதானங் காயானங் காலனகாய, காரணஸ்ஸ உபக³தானங் ஸாதபரியா ஸிஜ்ஜ²தி. தத்த² காயபரிபஜ்ஜா²யமுகே²ன தந்திங் ட²பேஸி ப⁴க³வா. ந ஹி பஸ்ஸத² நமத்தே²ஹி கரணே நிரத்த²கோ பிதி வத்ததி. ‘‘நியதத்தா’’தி வுத்தங். தமேவ நியமங் ‘‘மஜ்ஜி²மபதே³ஸேயேவா’’தி அவதா⁴ரணேன விபா⁴வேதி . மஹாமண்ட³லசாரிகங் சரந்தோபி மஜ்ஜி²மபதே³ஸஸ்ஸ அந்தந்தேனேவ சரதி. தத்த² ச வினெய்யஜனஸ்ஸ ஸமோஸரணதா மத்தபனவாசமஹத்த²ஸுபனந்தி.) [எத்த²ந்தரே பாடோ² அஸுத்³தோ⁴ து³ஸ்ஸோத⁴னீயோ ச, ஸுத்³த⁴பாடோ² க³வேஸிதப்³போ³.] அருணுட்டா²பனம்பி தத்தே²வ ஹோதி. பச்சந்தபதே³ஸே பன தூ³ரே வினெய்யஜனா ஹொந்தி, தத்த² க³ந்த்வா மக்³க³ப²லேஸு பதிட்டா²பெத்வா ததோ பச்சாக³ந்த்வா மஜ்ஜி²மபதே³ஸே ஏவ வாஸங் உபக³ச்ச²தி, தத்த² மனுஸ்ஸேஹி கதானங் காரானங் மஹப்ப²லபா⁴வனியமனத்த²ந்தி த³ட்ட²ப்³ப³ங். ‘‘ஆஸன்னே நோ ப⁴க³வா’’தி இத³ங் நித³ஸ்ஸனமத்தந்தி த³ஸ்ஸெந்தோ ‘‘ந கேவல’’ந்தி ஆதி³மாஹ.
1002. (Vitānaṃ kāyānaṃ kālanakāya, kāraṇassa upagatānaṃ sātapariyā sijjhati. Tattha kāyaparipajjhāyamukhena tantiṃ ṭhapesi bhagavā. Na hi passatha namatthehi karaṇe niratthako piti vattati. ‘‘Niyatattā’’ti vuttaṃ. Tameva niyamaṃ ‘‘majjhimapadeseyevā’’ti avadhāraṇena vibhāveti . Mahāmaṇḍalacārikaṃ carantopi majjhimapadesassa antanteneva carati. Tattha ca vineyyajanassa samosaraṇatā mattapanavācamahatthasupananti.) [Etthantare pāṭho asuddho dussodhanīyo ca, suddhapāṭho gavesitabbo.] Aruṇuṭṭhāpanampi tattheva hoti. Paccantapadese pana dūre vineyyajanā honti, tattha gantvā maggaphalesu patiṭṭhāpetvā tato paccāgantvā majjhimapadese eva vāsaṃ upagacchati, tattha manussehi katānaṃ kārānaṃ mahapphalabhāvaniyamanatthanti daṭṭhabbaṃ. ‘‘Āsanne no bhagavā’’ti idaṃ nidassanamattanti dassento ‘‘na kevala’’nti ādimāha.
ஸகிஞ்சனஸபலிபோ³த⁴னட்டே²னாதி எத்த² கிஞ்சனங் பலிபோ³தோ⁴ அஸமாபிதகிச்சதா, தது³ப⁴யஸ்ஸ அத்தி²பா⁴வேனாதி அத்தோ². மஹாவாஸேதி மஹாகே³ஹே.
Sakiñcanasapalibodhanaṭṭhenāti ettha kiñcanaṃ palibodho asamāpitakiccatā, tadubhayassa atthibhāvenāti attho. Mahāvāseti mahāgehe.
த்³வேபி ஜனாதி இஸித³த்தபுராணா. ஸிதங் நாம மந்த³ஹஸிதங். ஹஸிதங் நாம விஸ்ஸட்ட²ஹஸிதங். முத்தசாகோ³திஆதீ³ஸு யங் வத்தப்³ப³ங், தங் விஸுத்³தி⁴மக்³க³டீகாயங் (விஸுத்³தி⁴॰ மஹாடீ॰ 1.160) வுத்தனயேன வேதி³தப்³ப³ங். ஸங்விபா⁴கே³தி பரஸ்ஸ தா³னவஸேன ஸங்விப⁴ஜனே. அகதவிபா⁴க³ந்தி தெ³ய்யத⁴ம்மவஸேன ந கதவிபா⁴க³ங். புக்³க³லவஸேன பன ‘‘ஸீலவந்தேஹீ’’தி வுத்தத்தா கதவிபா⁴க³மேவ மஹப்ப²லதாகரணேன. தேனாஹ ‘‘ஸப்³ப³ங் தா³தப்³ப³மேவ ஹுத்வா டி²த’’ந்தி.
Dvepi janāti isidattapurāṇā. Sitaṃ nāma mandahasitaṃ. Hasitaṃ nāma vissaṭṭhahasitaṃ. Muttacāgotiādīsu yaṃ vattabbaṃ, taṃ visuddhimaggaṭīkāyaṃ (visuddhi. mahāṭī. 1.160) vuttanayena veditabbaṃ. Saṃvibhāgeti parassa dānavasena saṃvibhajane. Akatavibhāganti deyyadhammavasena na katavibhāgaṃ. Puggalavasena pana ‘‘sīlavantehī’’ti vuttattā katavibhāgameva mahapphalatākaraṇena. Tenāha ‘‘sabbaṃ dātabbameva hutvā ṭhita’’nti.
(எத்த²ந்தரே பாடோ² அஸுத்³தோ⁴ து³ஸ்ஸோத⁴னீயோ ச, ஸுத்³த⁴பாடோ² க³வேஸிதப்³போ³.)
(Etthantare pāṭho asuddho dussodhanīyo ca, suddhapāṭho gavesitabbo.)
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. த²பதிஸுத்தங் • 6. Thapatisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. த²பதிஸுத்தவண்ணனா • 6. Thapatisuttavaṇṇanā
