| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૬. થપતિસુત્તવણ્ણના
6. Thapatisuttavaṇṇanā
૧૦૦૨. (વિતાનં કાયાનં કાલનકાય, કારણસ્સ ઉપગતાનં સાતપરિયા સિજ્ઝતિ. તત્થ કાયપરિપજ્ઝાયમુખેન તન્તિં ઠપેસિ ભગવા. ન હિ પસ્સથ નમત્થેહિ કરણે નિરત્થકો પિતિ વત્તતિ. ‘‘નિયતત્તા’’તિ વુત્તં. તમેવ નિયમં ‘‘મજ્ઝિમપદેસેયેવા’’તિ અવધારણેન વિભાવેતિ . મહામણ્ડલચારિકં ચરન્તોપિ મજ્ઝિમપદેસસ્સ અન્તન્તેનેવ ચરતિ. તત્થ ચ વિનેય્યજનસ્સ સમોસરણતા મત્તપનવાચમહત્થસુપનન્તિ.) [એત્થન્તરે પાઠો અસુદ્ધો દુસ્સોધનીયો ચ, સુદ્ધપાઠો ગવેસિતબ્બો.] અરુણુટ્ઠાપનમ્પિ તત્થેવ હોતિ. પચ્ચન્તપદેસે પન દૂરે વિનેય્યજના હોન્તિ, તત્થ ગન્ત્વા મગ્ગફલેસુ પતિટ્ઠાપેત્વા તતો પચ્ચાગન્ત્વા મજ્ઝિમપદેસે એવ વાસં ઉપગચ્છતિ, તત્થ મનુસ્સેહિ કતાનં કારાનં મહપ્ફલભાવનિયમનત્થન્તિ દટ્ઠબ્બં. ‘‘આસન્ને નો ભગવા’’તિ ઇદં નિદસ્સનમત્તન્તિ દસ્સેન્તો ‘‘ન કેવલ’’ન્તિ આદિમાહ.
1002. (Vitānaṃ kāyānaṃ kālanakāya, kāraṇassa upagatānaṃ sātapariyā sijjhati. Tattha kāyaparipajjhāyamukhena tantiṃ ṭhapesi bhagavā. Na hi passatha namatthehi karaṇe niratthako piti vattati. ‘‘Niyatattā’’ti vuttaṃ. Tameva niyamaṃ ‘‘majjhimapadeseyevā’’ti avadhāraṇena vibhāveti . Mahāmaṇḍalacārikaṃ carantopi majjhimapadesassa antanteneva carati. Tattha ca vineyyajanassa samosaraṇatā mattapanavācamahatthasupananti.) [Etthantare pāṭho asuddho dussodhanīyo ca, suddhapāṭho gavesitabbo.] Aruṇuṭṭhāpanampi tattheva hoti. Paccantapadese pana dūre vineyyajanā honti, tattha gantvā maggaphalesu patiṭṭhāpetvā tato paccāgantvā majjhimapadese eva vāsaṃ upagacchati, tattha manussehi katānaṃ kārānaṃ mahapphalabhāvaniyamanatthanti daṭṭhabbaṃ. ‘‘Āsanne no bhagavā’’ti idaṃ nidassanamattanti dassento ‘‘na kevala’’nti ādimāha.
સકિઞ્ચનસપલિબોધનટ્ઠેનાતિ એત્થ કિઞ્ચનં પલિબોધો અસમાપિતકિચ્ચતા, તદુભયસ્સ અત્થિભાવેનાતિ અત્થો. મહાવાસેતિ મહાગેહે.
Sakiñcanasapalibodhanaṭṭhenāti ettha kiñcanaṃ palibodho asamāpitakiccatā, tadubhayassa atthibhāvenāti attho. Mahāvāseti mahāgehe.
દ્વેપિ જનાતિ ઇસિદત્તપુરાણા. સિતં નામ મન્દહસિતં. હસિતં નામ વિસ્સટ્ઠહસિતં. મુત્તચાગોતિઆદીસુ યં વત્તબ્બં, તં વિસુદ્ધિમગ્ગટીકાયં (વિસુદ્ધિ॰ મહાટી॰ ૧.૧૬૦) વુત્તનયેન વેદિતબ્બં. સંવિભાગેતિ પરસ્સ દાનવસેન સંવિભજને. અકતવિભાગન્તિ દેય્યધમ્મવસેન ન કતવિભાગં. પુગ્ગલવસેન પન ‘‘સીલવન્તેહી’’તિ વુત્તત્તા કતવિભાગમેવ મહપ્ફલતાકરણેન. તેનાહ ‘‘સબ્બં દાતબ્બમેવ હુત્વા ઠિત’’ન્તિ.
Dvepi janāti isidattapurāṇā. Sitaṃ nāma mandahasitaṃ. Hasitaṃ nāma vissaṭṭhahasitaṃ. Muttacāgotiādīsu yaṃ vattabbaṃ, taṃ visuddhimaggaṭīkāyaṃ (visuddhi. mahāṭī. 1.160) vuttanayena veditabbaṃ. Saṃvibhāgeti parassa dānavasena saṃvibhajane. Akatavibhāganti deyyadhammavasena na katavibhāgaṃ. Puggalavasena pana ‘‘sīlavantehī’’ti vuttattā katavibhāgameva mahapphalatākaraṇena. Tenāha ‘‘sabbaṃ dātabbameva hutvā ṭhita’’nti.
(એત્થન્તરે પાઠો અસુદ્ધો દુસ્સોધનીયો ચ, સુદ્ધપાઠો ગવેસિતબ્બો.)
(Etthantare pāṭho asuddho dussodhanīyo ca, suddhapāṭho gavesitabbo.)
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. થપતિસુત્તં • 6. Thapatisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. થપતિસુત્તવણ્ણના • 6. Thapatisuttavaṇṇanā
