| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. தே²ரனாமகஸுத்தவண்ணனா
10. Theranāmakasuttavaṇṇanā
244. அதீதே க²ந்த⁴பஞ்சகேதி அதீதே அத்தபா⁴வே. ச²ந்த³ராக³ப்பஹானேனாதி ச²ந்த³ராக³ஸ்ஸ அச்சந்தமேவ ஜஹனேன. பஹீனங் நாம ஹோதி அனபெக்க²பரிச்சாக³தோ. படினிஸ்ஸட்ட²ங் நாம ஹோதி ஸப்³ப³ஸோ ச²ட்³டி³தத்தா. தயோ ப⁴வேதி இமினா உபாதி³ண்ணகத⁴ம்மானங்யேவ க³ஹணங். ஸப்³பா³ க²ந்தா⁴யதனதா⁴துயோ சாதி இமினா உபாதி³ண்ணானம்பி அனுபாதி³ண்ணானம்பி த்³விதா⁴ பவத்தலோகியத⁴ம்மானங் க³ஹணங் அவிஸேஸெத்வா வுத்தத்தா. விதி³தங் பாகடங் கத்வா டி²தங் பரிஞ்ஞாபி⁴ஸமயவஸேன. தெஸ்வேவாதி தேபூ⁴மகத⁴ம்மேஸு ஏவ. அனுபலித்தங் அமதி²தங் அஸங்கிலிட்ட²ங் தண்ஹாதி³ட்டி²ஸங்கிலேஸாபா⁴வதோ. ததே³வ ஸப்³ப³ந்தி ஹெட்டா² தீஸுபி பதே³ஸு இத⁴ ஸப்³ப³க்³க³ஹணேன க³ஹிதங் தேபூ⁴மகவட்டங். ஜஹித்வாதி பஹானாபி⁴ஸமயவஸேன. தண்ஹா கீ²யதி எத்தா²தி தண்ஹக்க²யஸங்கா²தே நிப்³பா³னே விமுத்தங். தமஹந்தி தங் உத்தமபுக்³க³லங் ஏகவிஹாரிங் ப்³ரூமி தண்ஹாது³தியஸ்ஸ அபா⁴வதோ. எத்த² ச பரிஞ்ஞாபஹானாபி⁴ஸமயகத²னேன இதரம்பி அபி⁴ஸமயங் அத்த²தோ கதி²தமேவாதி த³ட்ட²ப்³ப³ங்.
244.Atīte khandhapañcaketi atīte attabhāve. Chandarāgappahānenāti chandarāgassa accantameva jahanena. Pahīnaṃ nāma hoti anapekkhapariccāgato. Paṭinissaṭṭhaṃ nāma hoti sabbaso chaḍḍitattā. Tayobhaveti iminā upādiṇṇakadhammānaṃyeva gahaṇaṃ. Sabbā khandhāyatanadhātuyo cāti iminā upādiṇṇānampi anupādiṇṇānampi dvidhā pavattalokiyadhammānaṃ gahaṇaṃ avisesetvā vuttattā. Viditaṃ pākaṭaṃ katvā ṭhitaṃ pariññābhisamayavasena. Tesvevāti tebhūmakadhammesu eva. Anupalittaṃ amathitaṃ asaṃkiliṭṭhaṃ taṇhādiṭṭhisaṃkilesābhāvato. Tadeva sabbanti heṭṭhā tīsupi padesu idha sabbaggahaṇena gahitaṃ tebhūmakavaṭṭaṃ. Jahitvāti pahānābhisamayavasena. Taṇhā khīyati etthāti taṇhakkhayasaṅkhāte nibbāne vimuttaṃ. Tamahanti taṃ uttamapuggalaṃ ekavihāriṃ brūmi taṇhādutiyassa abhāvato. Ettha ca pariññāpahānābhisamayakathanena itarampi abhisamayaṃ atthato kathitamevāti daṭṭhabbaṃ.
தே²ரனாமகஸுத்தவண்ணனா நிட்டி²தா.
Theranāmakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. தே²ரனாமகஸுத்தங் • 10. Theranāmakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. தே²ரனாமகஸுத்தவண்ணனா • 10. Theranāmakasuttavaṇṇanā
