| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૩. તિકનિદ્દેસવણ્ણના
3. Tikaniddesavaṇṇanā
૯૧. સેસસંવરભેદેનાતિ કાયિકવાચસિકવીતિક્કમતો સેસેન સંવરવિનાસેન. સો પન દ્વારવસેન વુચ્ચમાનો મનોદ્વારિકો હોતીતિ આહ ‘‘મનોસંવરભેદેના’’તિ. ઇદાનિ તં પકારભેદેન દસ્સેન્તો ‘‘સતિસંવરાદિભેદેન વા’’તિ આહ, મુટ્ઠસચ્ચાદિપ્પવત્તિયાતિ અત્થો. યં કિઞ્ચિ સભાવભૂતં ચરિતમ્પિ ‘‘સીલ’’ન્તિ વુચ્ચતીતિ અકુસલસ્સપિ સીલપરિયાયો વુત્તો.
91. Sesasaṃvarabhedenāti kāyikavācasikavītikkamato sesena saṃvaravināsena. So pana dvāravasena vuccamāno manodvāriko hotīti āha ‘‘manosaṃvarabhedenā’’ti. Idāni taṃ pakārabhedena dassento ‘‘satisaṃvarādibhedena vā’’ti āha, muṭṭhasaccādippavattiyāti attho. Yaṃ kiñci sabhāvabhūtaṃ caritampi ‘‘sīla’’nti vuccatīti akusalassapi sīlapariyāyo vutto.
૯૪. સમાનવિસયાનન્તિ પઠમફલાદિકો સમાનો એવરૂપો વિસયો એતેસન્તિ સમાનવિસયા, તેસં.
94. Samānavisayānanti paṭhamaphalādiko samāno evarūpo visayo etesanti samānavisayā, tesaṃ.
૧૦૭. તદત્થો તપ્પયોજનો લોકુત્તરસાધકોતિ અત્થો. તસ્સ પરમત્થસાસનસ્સ. મૂલેકદેસત્તાતિ મૂલભાવેન એકદેસત્તા.
107. Tadattho tappayojano lokuttarasādhakoti attho. Tassa paramatthasāsanassa. Mūlekadesattāti mūlabhāvena ekadesattā.
૧૧૮. ઉન્નળો ઉગ્ગતતુચ્છમાનો.
118. Unnaḷo uggatatucchamāno.
૧૨૩. સીલસ્સ અનુગ્ગણ્હનં અપરિસુદ્ધિયં સોધનં અપારિપૂરિયં પૂરણઞ્ચાતિ આહ ‘‘સોધેતબ્બે ચ વડ્ઢેતબ્બે ચા’’તિ. અધિસીલં નિસ્સાયાતિ અધિસીલં નિસ્સયં કત્વા ઉપ્પન્નપઞ્ઞાય.
123. Sīlassa anuggaṇhanaṃ aparisuddhiyaṃ sodhanaṃ apāripūriyaṃ pūraṇañcāti āha ‘‘sodhetabbe ca vaḍḍhetabbe cā’’ti. Adhisīlaṃ nissāyāti adhisīlaṃ nissayaṃ katvā uppannapaññāya.
૧૨૪. ગૂથસદિસત્તમેવ દસ્સેતિ, ન ગૂથકૂપસદિસત્તન્તિ અધિપ્પાયો. ગૂથવસેનેવ હિ કૂપસ્સપિ જિગુચ્છનીયતાતિ. અયઞ્ચ અત્થો ગૂથરાસિયેવ ગૂથકૂપોતિ ઇમસ્મિં પક્ખે નવત્તબ્બો સિયા.
124. Gūthasadisattameva dasseti, na gūthakūpasadisattanti adhippāyo. Gūthavaseneva hi kūpassapi jigucchanīyatāti. Ayañca attho gūtharāsiyeva gūthakūpoti imasmiṃ pakkhe navattabbo siyā.
૧૩૦. સરભઙ્ગસત્થારાદયો રૂપભવાદિકામાદિપરિઞ્ઞં કત્વા પઞ્ઞપેન્તો લોકિયં પરિઞ્ઞં સમ્મદેવ પઞ્ઞપેન્તીતિ આહ ‘‘યેભુય્યેન ન સક્કોન્તી’’તિ. અસમત્થભાવં વા સન્ધાય નો ચ પઞ્ઞાપેતું સક્કોન્તીતિ વુત્તન્તિ યોજના.
130. Sarabhaṅgasatthārādayo rūpabhavādikāmādipariññaṃ katvā paññapento lokiyaṃ pariññaṃ sammadeva paññapentīti āha ‘‘yebhuyyena na sakkontī’’ti. Asamatthabhāvaṃ vā sandhāya no ca paññāpetuṃ sakkontīti vuttanti yojanā.
તિકનિદ્દેસવણ્ણના નિટ્ઠિતા.
Tikaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પુગ્ગલપઞ્ઞત્તિપાળિ • Puggalapaññattipāḷi / ૩. તિકપુગ્ગલપઞ્ઞત્તિ • 3. Tikapuggalapaññatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૩. તિકનિદ્દેસવણ્ણના • 3. Tikaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૩. તિકનિદ્દેસવણ્ણના • 3. Tikaniddesavaṇṇanā
