| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. அனமதக்³க³ஸங்யுத்தங்
4. Anamataggasaṃyuttaṃ
1. பட²மவக்³கோ³
1. Paṭhamavaggo
1. திணகட்ட²ஸுத்தவண்ணனா
1. Tiṇakaṭṭhasuttavaṇṇanā
124. உபஸக்³கோ³ ஸமாஸவிஸயே ஸஸாத⁴னங் கிரியங் த³ஸ்ஸேதீதி வுத்தங் ‘‘ஞாணேன அனுக³ந்த்வாபீ’’தி. வஸ்ஸஸதங் வஸ்ஸஸஹஸ்ஸந்தி நித³ஸ்ஸனமத்தமேதங், ததோ பி⁴ய்யோபி அனுக³ந்த்வா அனமதக்³கோ³ ஏவ ஸங்ஸாரோ. அக்³க³-ஸத்³தோ³ இத⁴ மரியாத³வசனோ, அனுத்³தே³ஸிகஞ்சேதங் வசனந்தி ஆஹ ‘‘அபரிச்சி²ன்னபுப்³பா³பரகோடிகோ’’தி. அஞ்ஞதா² அந்திமப⁴விகபரிச்சி²ன்னகதவிமுத்திபரிபாசனீயத⁴ம்மாதீ³னங் வஸேன அபரிச்சி²ன்னபுப்³பா³பரகோடி ந ஸக்கா வத்துங். ஸங்ஸரணங் ஸங்ஸாரோ. பச்சி²மாபி ந பஞ்ஞாயதி அந்த⁴பா³லானங் வஸேனாதி அதி⁴ப்பாயோ. தேனாஹ ப⁴க³வா ‘‘தீ³கோ⁴ பா³லான ஸங்ஸாரோ’’தி (த⁴॰ ப॰ 60). வேமஜ்ஜே²யேவ பன ஸத்தா ஸங்ஸரந்தி புப்³பா³பரகோடீனங் அலப்³ப⁴னீயத்தா. அத்தோ² பரித்தோ ஹோதி யதா²பூ⁴தாவபோ³தா⁴பா⁴வதோ. பு³த்³த⁴ஸமயேதி ஸாஸனேதி அத்தோ². அத்தோ² மஹா யதா²பூ⁴தாவபோ³தி⁴ஸம்ப⁴வதோ, அத்த²ஸ்ஸ விபுலதாய தங்ஸதி³ஸா உபமா நத்தீ²தி பரித்தங்யேவ உபமங் ஆஹரந்தீதி அதி⁴ப்பாயோ. இதா³னி வுத்தமேவத்த²ங் ‘‘பாளியங் ஹீ’’திஆதி³னா ஸமத்தே²தி. மாது மாதரோதி மாது மாதாமஹியோ. தஸ்ஸேவாதி து³க்க²ஸ்ஸேவ. திப்³ப³ந்தி து³க்க²பரியாயோதி.
124. Upasaggo samāsavisaye sasādhanaṃ kiriyaṃ dassetīti vuttaṃ ‘‘ñāṇena anugantvāpī’’ti. Vassasataṃ vassasahassanti nidassanamattametaṃ, tato bhiyyopi anugantvā anamataggo eva saṃsāro. Agga-saddo idha mariyādavacano, anuddesikañcetaṃ vacananti āha ‘‘aparicchinnapubbāparakoṭiko’’ti. Aññathā antimabhavikaparicchinnakatavimuttiparipācanīyadhammādīnaṃ vasena aparicchinnapubbāparakoṭi na sakkā vattuṃ. Saṃsaraṇaṃ saṃsāro. Pacchimāpi na paññāyati andhabālānaṃ vasenāti adhippāyo. Tenāha bhagavā ‘‘dīgho bālāna saṃsāro’’ti (dha. pa. 60). Vemajjheyeva pana sattā saṃsaranti pubbāparakoṭīnaṃ alabbhanīyattā. Attho paritto hoti yathābhūtāvabodhābhāvato. Buddhasamayeti sāsaneti attho. Attho mahā yathābhūtāvabodhisambhavato, atthassa vipulatāya taṃsadisā upamā natthīti parittaṃyeva upamaṃ āharantīti adhippāyo. Idāni vuttamevatthaṃ ‘‘pāḷiyaṃ hī’’tiādinā samattheti. Mātu mātaroti mātu mātāmahiyo. Tassevāti dukkhasseva. Tibbanti dukkhapariyāyoti.
திணகட்ட²ஸுத்தவண்ணனா நிட்டி²தா.
Tiṇakaṭṭhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. திணகட்ட²ஸுத்தங் • 1. Tiṇakaṭṭhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. திணகட்ட²ஸுத்தவண்ணனா • 1. Tiṇakaṭṭhasuttavaṇṇanā
