| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. திரச்சா²னகதா²ஸுத்தவண்ணனா
10. Tiracchānakathāsuttavaṇṇanā
1080. து³க்³க³திதோ ஸங்ஸாரதோ ச நிய்யாதி ஏதேனாதி நிய்யானங், ஸக்³க³மக்³கோ³ மொக்க²மக்³கோ³ ச. தஸ்மிங் நிய்யானே நியுத்தா, தங் எத்த² அத்தீ²தி நிய்யானிகா. வசீது³ச்சரிதஸங்கிலேஸதோ வா நிய்யாதீதி ஈ-காரஸ்ஸ ரஸ்ஸத்தங் ய-காரஸ்ஸ க-காரங் கத்வா நிய்யானிகா. சேதனாய ஸத்³தி⁴ங் ஸம்ப²ப்பலாபா வேரமணி. தப்படிபக்க²தோ அனிய்யானிகா, தஸ்ஸ பா⁴வோ அனிய்யானிகத்தங். திரச்சா²னபூ⁴தந்தி திரோகரணபூ⁴தங். கம்மட்டா²னபா⁴வேதி அனிச்சதாபடிஸங்யுத்தசதுஸச்சகம்மட்டா²னபா⁴வே. ஸாத்த²கந்தி தா³னஸீலாதி³னிஸ்ஸிதத்தா ஹிதபடிஸங்யுத்தங்.
1080. Duggatito saṃsārato ca niyyāti etenāti niyyānaṃ, saggamaggo mokkhamaggo ca. Tasmiṃ niyyāne niyuttā, taṃ ettha atthīti niyyānikā. Vacīduccaritasaṃkilesato vā niyyātīti ī-kārassa rassattaṃ ya-kārassa ka-kāraṃ katvā niyyānikā. Cetanāya saddhiṃ samphappalāpā veramaṇi. Tappaṭipakkhato aniyyānikā, tassa bhāvo aniyyānikattaṃ. Tiracchānabhūtanti tirokaraṇabhūtaṃ. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve. Sātthakanti dānasīlādinissitattā hitapaṭisaṃyuttaṃ.
விஸிகா²தி க⁴ரஸன்னிவேஸோ. விஸிகா²க³ஹணேன ச கா³மாதி³க³ஹணே விய தன்னிவாஸினோ விஸேஸதோ க³ஹிதா ‘‘ஆக³தோ கா³மோ’’திஆதீ³ஸு விய . தேனாஹ ‘‘ஸூரா ஸமத்தா²’’தி. கும்ப⁴ட்டா²னாபதே³ஸேன கும்ப⁴தா³ஸியோ வுத்தாதி ஆஹ – ‘‘கும்ப⁴தா³ஸிகதா²’’தி. அயாதா²வதோ உப்பத்திட்டி²திஸங்ஹாராதி³வஸேன லோகோ அக்கா²யதி ஏதேனாதி லோகக்கா²யிகா. இதி இமினா பகாரேன ப⁴வோ, இமினா அப⁴வோதி ஏவங் பவத்தாய இதிப⁴வாப⁴வகதா²ய ஸத்³தி⁴ங்.
Visikhāti gharasanniveso. Visikhāgahaṇena ca gāmādigahaṇe viya tannivāsino visesato gahitā ‘‘āgato gāmo’’tiādīsu viya . Tenāha ‘‘sūrā samatthā’’ti. Kumbhaṭṭhānāpadesena kumbhadāsiyo vuttāti āha – ‘‘kumbhadāsikathā’’ti. Ayāthāvato uppattiṭṭhitisaṃhārādivasena loko akkhāyati etenāti lokakkhāyikā. Iti iminā pakārena bhavo, iminā abhavoti evaṃ pavattāya itibhavābhavakathāya saddhiṃ.
ஸமாதி⁴வக்³க³வண்ணனா நிட்டி²தா.
Samādhivaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. திரச்சா²னகதா²ஸுத்தங் • 10. Tiracchānakathāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. திரச்சா²னகதா²ஸுத்தவண்ணனா • 10. Tiracchānakathāsuttavaṇṇanā
