| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. திஸ்ஸஸுத்தவண்ணனா
9. Tissasuttavaṇṇanā
243. ப⁴ண்ட³கந்தி பத்தசீவரங். நிஸீதி³யேவ வத்தஸ்ஸ அஸிக்கி²தத்தா. துஜ்ஜனத்தே²ன வாசா ஏவ ஸத்தியோதி ஆஹ ‘‘வாசாஸத்தீஹீ’’தி.
243.Bhaṇḍakanti pattacīvaraṃ. Nisīdiyeva vattassa asikkhitattā. Tujjanatthena vācā eva sattiyoti āha ‘‘vācāsattīhī’’ti.
வாசாய ஸன்னிதோத³கேனாதி வசனஸங்கா²தேன ஸமந்ததோ நிச்சங் கத்வா உபதுத³னதோ ஸன்னிதுத³கேன. விப⁴த்திஅலோபேன ஸோ நித்³தே³ஸோ. தேனாஹ ‘‘வசனபதோதே³னா’’தி.
Vācāya sannitodakenāti vacanasaṅkhātena samantato niccaṃ katvā upatudanato sannitudakena. Vibhattialopena so niddeso. Tenāha ‘‘vacanapatodenā’’ti.
உச்சகுலே ஜாதி ஏதஸ்ஸாதி ஜாதிமா, ப்³ரஹ்மஜாதிகோ இஸி. மாதங்கோ³தி சண்டா³லோ. தத்தா²தி கும்ப⁴காரஸாலாயங். ஓகாஸங் யாசி கும்ப⁴காரங். மஹந்தங் தி³ஸ்வா ஆஹ – ‘‘பட²மதரங் பவிட்டோ² பப்³ப³ஜிதோ’’தி. தத்தே²வாதி தஸ்ஸாயேவ ஸாலாய த்³வாரங் நிஸ்ஸாய த்³வாரஸமீபே. மேதி மயா. க²ம மய்ஹந்தி மய்ஹங் அபராத⁴ங் க²மஸ்ஸு. தேதி தயா. புன தேதி தவ. க³ண்ஹி உக்³க³ந்துங் அப்பதா³னவஸேன. தேனாஹ ‘‘நாஸ்ஸ உக்³க³ந்துங் அதா³ஸீ’’தி. பபு³ஜ்ஜி²ங்ஸூதி நித்³தா³ய பபு³ஜ்ஜி²ங்ஸு பகதியா பபு³ஜ்ஜ²னவேலாய உபக³தத்தா.
Uccakule jāti etassāti jātimā, brahmajātiko isi. Mātaṅgoti caṇḍālo. Tatthāti kumbhakārasālāyaṃ. Okāsaṃ yāci kumbhakāraṃ. Mahantaṃ disvā āha – ‘‘paṭhamataraṃ paviṭṭho pabbajito’’ti. Tatthevāti tassāyeva sālāya dvāraṃ nissāya dvārasamīpe. Meti mayā. Khama mayhanti mayhaṃ aparādhaṃ khamassu. Teti tayā. Puna teti tava. Gaṇhi uggantuṃ appadānavasena. Tenāha ‘‘nāssa uggantuṃ adāsī’’ti. Pabujjhiṃsūti niddāya pabujjhiṃsu pakatiyā pabujjhanavelāya upagatattā.
ச²வோதி நிஹீனோ. அனந்தமாயோதி விவித⁴மாயோ மாயாவீ.
Chavoti nihīno. Anantamāyoti vividhamāyo māyāvī.
ஸோதி மத்திகாபிண்டோ³. ‘‘ஸத்ததா⁴ பி⁴ஜ்ஜீ’’தி எத்தா²யமதி⁴ப்பாயோ – யங் தேன தாபஸேன பாரமிதாபரிபா⁴வனஸமித்³தா⁴ஹி நானாவிஹாரஸமாபத்திபரிபூரிதாஹி ஸீலதி³ட்டி²ஸம்பதா³தீ³ஹி ஸுஸங்க²தஸந்தானே மஹாகருணாதி⁴வாஸே மஹாஸத்தே போ³தி⁴ஸத்தே அரியூபவாத³கம்மங் அபி⁴ஸபஸங்கா²தங் ப²ருஸவசனங் பவத்திதங், தங் மஹாஸத்தஸ்ஸ கெ²த்தவிஸேஸபா⁴வதோ தஸ்ஸ ச அஜ்ஜா²ஸயப²ருஸதாய தி³ட்ட²த⁴ம்மவேத³னீயங் ஹுத்வா ஸசே ஸோ மஹாஸத்தங் ந க²மாபேதி, தங் கக்க²ளங் ஹுத்வா விபச்சனஸபா⁴வங் ஜாதங், க²மாபிதே பன மஹாஸத்தே பயோக³ஸம்பத்திபடிபா³ஹிதத்தா அவிபாகத⁴ம்மதங் ஆபஜ்ஜதி அஹோஸிகம்மபா⁴வதோ. அயஞ்ஹி அரியூபவாத³பாபஸ்ஸ தி³ட்ட²த⁴ம்மவேத³னீயஸ்ஸ ச த⁴ம்மதா. யங் தங் போ³தி⁴ஸத்தேன ஸூரியுக்³க³மனநிவாரணங் கதங், அயங் போ³தி⁴ஸத்தேன தி³ட்டோ² உபாயோ. தேன ஹி உப்³பா³ள்ஹா மனுஸ்ஸா போ³தி⁴ஸத்தஸ்ஸ ஸந்திகே தாபஸங் ஆனெத்வா க²மாபேஸுங். ஸோபி ச மஹாஸத்தஸ்ஸ கு³ணே ஜானித்வா தஸ்மிங் சித்தங் பஸாதே³ஸி. யங் பனஸ்ஸ மத்த²கே மத்திகாபிண்ட³ஸ்ஸ ட²பனங் தஸ்ஸ ஸத்ததா⁴ பா²லனங் கதங், தங் மனுஸ்ஸானங் சித்தானுரக்க²ணத்த²ங். அஞ்ஞதா² ஹி இமே பப்³ப³ஜிதா ஸமானா சித்தஸ்ஸ வஸங் வத்தந்தி, ந பன சித்தமத்தனோ வஸே வத்தாபெந்தீதி மஹாஸத்தம்பி தேன ஸதி³ஸங் கத்வா க³ண்ஹெய்யுங், தத³ஸ்ஸ நேஸங் தீ³க⁴ரத்தங் அஹிதாய து³க்கா²யாதி. பதிரூபந்தி யுத்தங்.
Soti mattikāpiṇḍo. ‘‘Sattadhā bhijjī’’ti etthāyamadhippāyo – yaṃ tena tāpasena pāramitāparibhāvanasamiddhāhi nānāvihārasamāpattiparipūritāhi sīladiṭṭhisampadādīhi susaṅkhatasantāne mahākaruṇādhivāse mahāsatte bodhisatte ariyūpavādakammaṃ abhisapasaṅkhātaṃ pharusavacanaṃ pavattitaṃ, taṃ mahāsattassa khettavisesabhāvato tassa ca ajjhāsayapharusatāya diṭṭhadhammavedanīyaṃ hutvā sace so mahāsattaṃ na khamāpeti, taṃ kakkhaḷaṃ hutvā vipaccanasabhāvaṃ jātaṃ, khamāpite pana mahāsatte payogasampattipaṭibāhitattā avipākadhammataṃ āpajjati ahosikammabhāvato. Ayañhi ariyūpavādapāpassa diṭṭhadhammavedanīyassa ca dhammatā. Yaṃ taṃ bodhisattena sūriyuggamananivāraṇaṃ kataṃ, ayaṃ bodhisattena diṭṭho upāyo. Tena hi ubbāḷhā manussā bodhisattassa santike tāpasaṃ ānetvā khamāpesuṃ. Sopi ca mahāsattassa guṇe jānitvā tasmiṃ cittaṃ pasādesi. Yaṃ panassa matthake mattikāpiṇḍassa ṭhapanaṃ tassa sattadhā phālanaṃ kataṃ, taṃ manussānaṃ cittānurakkhaṇatthaṃ. Aññathā hi ime pabbajitā samānā cittassa vasaṃ vattanti, na pana cittamattano vase vattāpentīti mahāsattampi tena sadisaṃ katvā gaṇheyyuṃ, tadassa nesaṃ dīgharattaṃ ahitāya dukkhāyāti. Patirūpanti yuttaṃ.
திஸ்ஸஸுத்தவண்ணனா நிட்டி²தா.
Tissasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. திஸ்ஸஸுத்தங் • 9. Tissasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. திஸ்ஸஸுத்தவண்ணனா • 9. Tissasuttavaṇṇanā
