| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. திஸ்ஸஸுத்தவண்ணனா
2. Tissasuttavaṇṇanā
84. மது⁴ரகங் வுச்சதி காயே விபா⁴ரந்தி ஆஹ – ‘‘மது⁴ரகஜாதோ வியாதி ஸஞ்ஜாதக³ருபா⁴வோ வியா’’தி. க³ருபா⁴வே ஸதி லஹுதா அனோகாஸாவ, ததா² முது³தா கம்மஞ்ஞதா சாதி வுத்தங் ‘‘அகம்மஞ்ஞோ’’தி. ‘‘காயே’’தி ஆனெத்வா வத்தப்³ப³ங். ந பக்கா²யந்தீதி பகாஸா ஹுத்வா ந கா²யந்தி. தேனாஹ ‘‘ந பாகடா ஹொந்தீ’’தி. உபட்ட²ஹந்தீதி உபதிட்ட²ந்தி. ந தி³ஸ்ஸதீதி க³ஹணங் ந க³ச்ச²தி. மஹாவிசிகிச்சா²தி அட்ட²வத்து²கா ஸோளஸவத்து²கா ச விமதி. ந ஹி உப்பஜ்ஜதி பரிபக்ககுஸலமூலத்தா.
84. Madhurakaṃ vuccati kāye vibhāranti āha – ‘‘madhurakajāto viyāti sañjātagarubhāvo viyā’’ti. Garubhāve sati lahutā anokāsāva, tathā mudutā kammaññatā cāti vuttaṃ ‘‘akammañño’’ti. ‘‘Kāye’’ti ānetvā vattabbaṃ. Na pakkhāyantīti pakāsā hutvā na khāyanti. Tenāha ‘‘na pākaṭā hontī’’ti. Upaṭṭhahantīti upatiṭṭhanti. Na dissatīti gahaṇaṃ na gacchati. Mahāvicikicchāti aṭṭhavatthukā soḷasavatthukā ca vimati. Na hi uppajjati paripakkakusalamūlattā.
காமானமேதங் அதி⁴வசனந்தி பத³ங் உத்³த⁴ரித்வா யேன அதி⁴ப்பாயேன ப⁴க³வதா நின்னங் பல்லலங் காமானங் நித³ஸ்ஸனபா⁴வேன ஆப⁴தங், தங் அதி⁴ப்பாயங் விபா⁴வேதுங் ‘‘யதா² ஹீ’’திஆதி³ வுத்தங்.
Kāmānametaṃ adhivacananti padaṃ uddharitvā yena adhippāyena bhagavatā ninnaṃ pallalaṃ kāmānaṃ nidassanabhāvena ābhataṃ, taṃ adhippāyaṃ vibhāvetuṃ ‘‘yathā hī’’tiādi vuttaṃ.
திஸ்ஸஸுத்தவண்ணனா நிட்டி²தா.
Tissasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. திஸ்ஸஸுத்தங் • 2. Tissasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. திஸ்ஸஸுத்தவண்ணனா • 2. Tissasuttavaṇṇanā
