| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. துலாகூடஸுத்தவண்ணனா
4. Tulākūṭasuttavaṇṇanā
1164. ரூபகூடங் ஸரூபேன ஸதி³ஸேன ச²லவோஹாரோ. அங்க³கூடங் அத்தனோ ஹத்தா²தி³னா அங்கா³னங் ச²லகரணங் . க³ஹணகூடங் மானேஸு க³ஹணவஸேன. படிச்ச²ன்னகூடங் அயசுண்ணாதி³னா படிச்ச²ன்னேன ச²லகரணங். மஹதியா துலாய. பச்சா²பா⁴கே³தி துலாய பச்சி²மபா⁴கே³. ஹத்தே²னாதி ஹத்த²பதே³ஸேன. அக்கமதீதி உட்டா²துங் அதெ³ந்தோ க³ண்ஹாதி. த³த³ந்தோ புப்³ப³பா⁴கே³தி பரேஸங் த³த³ந்தோ புப்³ப³பா⁴கே³ ஹத்தே²ன துலங் அக்கமதி. தந்தி அயசுண்ணங்.
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
லோஹபாதியோதி தம்ப³லோஹபாதியோ. ஸுவண்ணவண்ணா கரொந்தீதி அஸனிகா²த³ஸுவண்ணகனகலிம்பிதா ஸுவண்ணவண்ணா கரொந்தி. மானபா⁴ஜனஸ்ஸ ஹத³யபூ⁴தஸ்ஸ அப்³ப⁴ந்தரஸ்ஸ பி⁴ன்னங் ஹத³யபே⁴தோ³. நிமியமானஸ்ஸ திலதண்டு³லாதி³கஸ்ஸ ஸிகா²ய அக்³க³கோடியா பி⁴ன்னங் ஸிகா²பே⁴தோ³. கெ²த்தாதீ³னங் மினநரஜ்ஜுயா அஞ்ஞதா²கரணங் ரஜ்ஜுபே⁴தோ³. ரஜ்ஜுக³ஹணேனேவ செத்த² த³ண்ட³கஸ்ஸ க³ஹணங் கதமேவாதி த³ட்ட²ப்³ப³ங்.
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. துலாகூடஸுத்தங் • 4. Tulākūṭasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. துலாகூடஸுத்தவண்ணனா • 4. Tulākūṭasuttavaṇṇanā
