| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. તુલાકૂટસુત્તવણ્ણના
4. Tulākūṭasuttavaṇṇanā
૧૧૬૪. રૂપકૂટં સરૂપેન સદિસેન છલવોહારો. અઙ્ગકૂટં અત્તનો હત્થાદિના અઙ્ગાનં છલકરણં . ગહણકૂટં માનેસુ ગહણવસેન. પટિચ્છન્નકૂટં અયચુણ્ણાદિના પટિચ્છન્નેન છલકરણં. મહતિયા તુલાય. પચ્છાભાગેતિ તુલાય પચ્છિમભાગે. હત્થેનાતિ હત્થપદેસેન. અક્કમતીતિ ઉટ્ઠાતું અદેન્તો ગણ્હાતિ. દદન્તો પુબ્બભાગેતિ પરેસં દદન્તો પુબ્બભાગે હત્થેન તુલં અક્કમતિ. તન્તિ અયચુણ્ણં.
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
લોહપાતિયોતિ તમ્બલોહપાતિયો. સુવણ્ણવણ્ણા કરોન્તીતિ અસનિખાદસુવણ્ણકનકલિમ્પિતા સુવણ્ણવણ્ણા કરોન્તિ. માનભાજનસ્સ હદયભૂતસ્સ અબ્ભન્તરસ્સ ભિન્નં હદયભેદો. નિમિયમાનસ્સ તિલતણ્ડુલાદિકસ્સ સિખાય અગ્ગકોટિયા ભિન્નં સિખાભેદો. ખેત્તાદીનં મિનનરજ્જુયા અઞ્ઞથાકરણં રજ્જુભેદો. રજ્જુગહણેનેવ ચેત્થ દણ્ડકસ્સ ગહણં કતમેવાતિ દટ્ઠબ્બં.
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. તુલાકૂટસુત્તં • 4. Tulākūṭasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. તુલાકૂટસુત્તવણ્ણના • 4. Tulākūṭasuttavaṇṇanā
