| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. உச்சாஸயனஸுத்தவண்ணனா
2. Uccāsayanasuttavaṇṇanā
1152. உச்சாதி உச்ச-ஸத்³தே³ன ஸமானத்த²ங் ஏகங் ஸத்³த³ந்தரங். ஸேதி எத்தா²தி ஸயனங், உச்சாஸயனங் மஹாஸயனஞ்ச ஸமணஸாருப்பரஹிதங் படிக்கி²த்தந்தி ஆஹ – ‘‘பமாணாதிக்கந்தங் அகப்பியத்த²ரண’’ந்தி. ஆஸந்தா³தி³ஆஸனஞ்செத்த² ஸயனேனேவ ஸங்க³ஹிதங். யஸ்மா பன ஆதா⁴ரே படிக்கி²த்தே ததா³தா⁴ரகிரியா படிக்கி²த்தாவ ஹோதி, தஸ்மா ‘‘உச்சாஸயனமஹாஸயனா’’இச்சேவ வுத்தங். அத்த²தோ பன தது³பபோ⁴க³பூ⁴தனிஸஜ்ஜானிபஜ்ஜனேஹி விரதி த³ஸ்ஸிதாதி த³ட்ட²ப்³ப³ங். அத² வா உச்சாஸயனமஹாஸயனஞ்ச உச்சாஸயனமஹாஸயனஞ்சாதி உச்சாஸயனமஹாஸயனந்தி ஏதஸ்மிங் அத்தே² ஏகஸேஸனயேன அயங் நித்³தே³ஸோ கதோ யதா² – ‘‘நாமரூபபச்சயா ஸளாயதன’’ந்தி (உதா³॰ 1). ஆஸனகிரியாபுப்³ப³கத்தா வா ஸயனகிரியாய ஸயனக்³க³ஹணேனேவ ஆஸனம்பி க³ஹிதந்தி த³ட்ட²ப்³ப³ங்.
1152.Uccāti ucca-saddena samānatthaṃ ekaṃ saddantaraṃ. Seti etthāti sayanaṃ, uccāsayanaṃ mahāsayanañca samaṇasārupparahitaṃ paṭikkhittanti āha – ‘‘pamāṇātikkantaṃ akappiyattharaṇa’’nti. Āsandādiāsanañcettha sayaneneva saṅgahitaṃ. Yasmā pana ādhāre paṭikkhitte tadādhārakiriyā paṭikkhittāva hoti, tasmā ‘‘uccāsayanamahāsayanā’’icceva vuttaṃ. Atthato pana tadupabhogabhūtanisajjānipajjanehi virati dassitāti daṭṭhabbaṃ. Atha vā uccāsayanamahāsayanañca uccāsayanamahāsayanañcāti uccāsayanamahāsayananti etasmiṃ atthe ekasesanayena ayaṃ niddeso kato yathā – ‘‘nāmarūpapaccayā saḷāyatana’’nti (udā. 1). Āsanakiriyāpubbakattā vā sayanakiriyāya sayanaggahaṇeneva āsanampi gahitanti daṭṭhabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. உச்சாஸயனஸுத்தங் • 2. Uccāsayanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. உச்சாஸயனஸுத்தவண்ணனா • 2. Uccāsayanasuttavaṇṇanā
