| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૦. ઉદાયિસુત્તવણ્ણના
10. Udāyisuttavaṇṇanā
૨૧૧. દસમે અબહુકતોતિ અકતબહુમાનો. ઉક્કુજ્જાવકુજ્જન્તિ એત્થ ઉક્કુજ્જં વુચ્ચતિ ઉદયો, અવકુજ્જં વયોતિ ઉદયબ્બયવસેન પરિવત્તેન્તો સમ્મસન્તોતિ દીપેતિ. ધમ્મો ચ મે, ભન્તે, અભિસમિતોતિ વિપસ્સનાધમ્મો અભિસમાગતો. મગ્ગોતિ વિપસ્સનામગ્ગોવ. સચે હિ થેરો તસ્મિં સમયે સોતાપન્નો, ઉપરિ તિણ્ણં મગ્ગાનં અત્થાય, સચે અનાગામી, અરહત્તમગ્ગસ્સ અત્થાય અયં વિપસ્સના વેદિતબ્બા. તથા તથા વિહરન્તન્તિ તેન તેનાકારેન વિહરન્તં. તથત્તાયાતિ તથાભાવાય. ખીણા જાતીતિઆદીહિ તથત્તાયાતિ અધિપ્પેતં તથાભાવં દસ્સેતિ. પચ્ચવેક્ખણત્થાય ઉપનીયતીતિ હિ એત્થ અધિપ્પાયો, તં દસ્સેન્તો એવમાહ. સેસં સબ્બત્થ ઉત્તાનમેવાતિ.
211. Dasame abahukatoti akatabahumāno. Ukkujjāvakujjanti ettha ukkujjaṃ vuccati udayo, avakujjaṃ vayoti udayabbayavasena parivattento sammasantoti dīpeti. Dhammo ca me, bhante, abhisamitoti vipassanādhammo abhisamāgato. Maggoti vipassanāmaggova. Sace hi thero tasmiṃ samaye sotāpanno, upari tiṇṇaṃ maggānaṃ atthāya, sace anāgāmī, arahattamaggassa atthāya ayaṃ vipassanā veditabbā. Tathā tathā viharantanti tena tenākārena viharantaṃ. Tathattāyāti tathābhāvāya. Khīṇā jātītiādīhi tathattāyāti adhippetaṃ tathābhāvaṃ dasseti. Paccavekkhaṇatthāya upanīyatīti hi ettha adhippāyo, taṃ dassento evamāha. Sesaṃ sabbattha uttānamevāti.
ઉદાયિવગ્ગો.
Udāyivaggo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. ઉદાયિસુત્તં • 10. Udāyisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૦. ઉદાયિસુત્તવણ્ણના • 10. Udāyisuttavaṇṇanā
