| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. ઉડ્ડિતસુત્તવણ્ણના
7. Uḍḍitasuttavaṇṇanā
૬૭. ઉલ્લઙ્ઘિતોતિ ઉબ્બન્ધિત્વા લઙ્ઘિતો. સદ્દાદીસૂતિ સદ્દાદિનાગદન્તેસુ સોતાદીનિ ઉડ્ડિતાનિ તણ્હારજ્જુના દળ્હબન્ધનેન બદ્ધત્તા તદનતિવત્તનતો. લોકોતિ આયતનલોકો. તથા અત્થયોજનાય કતત્તા ખન્ધાદિલોકવસેનપિ યોજના કાતબ્બા. ન દૂરં અનન્તરભવકત્તા. ચુતિચિત્તઅન્તરિતત્તા એકચિત્તન્તરભવસ્સ કમ્મસ્સ અબુજ્ઝનં, એવં સન્તે કસ્મા સત્તા ન બુજ્ઝન્તીતિ આહ ‘‘બલવતિયા’’તિઆદિ.
67.Ullaṅghitoti ubbandhitvā laṅghito. Saddādīsūti saddādināgadantesu sotādīni uḍḍitāni taṇhārajjunā daḷhabandhanena baddhattā tadanativattanato. Lokoti āyatanaloko. Tathā atthayojanāya katattā khandhādilokavasenapi yojanā kātabbā. Na dūraṃ anantarabhavakattā. Cuticittaantaritattā ekacittantarabhavassa kammassa abujjhanaṃ, evaṃ sante kasmā sattā na bujjhantīti āha ‘‘balavatiyā’’tiādi.
ઉડ્ડિતસુત્તવણ્ણના નિટ્ઠિતા.
Uḍḍitasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. ઉડ્ડિતસુત્તં • 7. Uḍḍitasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭-૯. ઉડ્ડિતસુત્તાદિવણ્ણના • 7-9. Uḍḍitasuttādivaṇṇanā
