| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. உக்கி²த்தாஸிகஸுத்தங்
8. Ukkhittāsikasuttaṃ
103. ‘‘ச², பி⁴க்க²வே, ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா து³க்க²ஸஞ்ஞங் உபட்டா²பேதுங். கதமே ச²? ‘ஸப்³ப³ஸங்கா²ரேஸு ச மே நிப்³பி³த³ஸஞ்ஞா பச்சுபட்டி²தா ப⁴விஸ்ஸதி, ஸெய்யதா²பி உக்கி²த்தாஸிகே வத⁴கே. ஸப்³ப³லோகா ச மே மனோ வுட்ட²ஹிஸ்ஸதி, நிப்³பா³னே ச ஸந்தத³ஸ்ஸாவீ ப⁴விஸ்ஸாமி, அனுஸயா ச மே ஸமுக்³கா⁴தங் க³ச்சி²ஸ்ஸந்தி 1, கிச்சகாரீ ச ப⁴விஸ்ஸாமி, ஸத்தா² ச மே பரிசிண்ணோ ப⁴விஸ்ஸதி மெத்தாவதாயா’தி. இமே கோ², பி⁴க்க²வே, ச² ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா து³க்க²ஸஞ்ஞங் உபட்டா²பேது’’ந்தி. அட்ட²மங்.
103. ‘‘Cha, bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetuṃ. Katame cha? ‘Sabbasaṅkhāresu ca me nibbidasaññā paccupaṭṭhitā bhavissati, seyyathāpi ukkhittāsike vadhake. Sabbalokā ca me mano vuṭṭhahissati, nibbāne ca santadassāvī bhavissāmi, anusayā ca me samugghātaṃ gacchissanti 2, kiccakārī ca bhavissāmi, satthā ca me pariciṇṇo bhavissati mettāvatāyā’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetu’’nti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. உக்கி²த்தாஸிகஸுத்தவண்ணனா • 8. Ukkhittāsikasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-11. பாதுபா⁴வஸுத்தாதி³வண்ணனா • 1-11. Pātubhāvasuttādivaṇṇanā
